لکّھ کرنالوی
Lakh Karnalvi

Punjabi Kavita
  

Agg Da Shehteer Lakh Karnalvi




اگّ دا شتہیر لکّھ کرنالوی

اُلتھا:
عاشق علی فیصل
ماں بولی ریسرچ سینٹر، لاہور

اگّ دا شتہیر-ناول

اِک کیپٹن نریش کُمار دے ہونٹھ ہمیشہ ہسوں ہسوں کردے رہندے۔ اِک دِن اچھوپلے جیہے ہی اوس دِیاں اکھاں وِچ انتاں دی اُداسی اُتر آئی سی۔ بُلھ پتھرائے گئے سن، چہرے تے مُسکراہٹ دا ناں نشان وی نہیں سی رہیا ۔ اوس دے چہرے توں مُسکراہٹ نے اودوں ہی مُونہہ پرتایا جد اوہ میجر رحمان اتے چار ہتھیاربند جواناں دے پہرے ہیٹھ تیج پُور دے فوجی ہسپتال وِچ پہُنچیا سی۔ ہسپتال دی آفیسرز وارڈ دے کمریاں دی پال دے نال لگدے ورانڈے دی چھت تھلے نِکیاں نِکیاں پلانگھاں بھردا نریش سوچ رہیا سی کہ “زندگی...اِک ...خالی...سُپنا ہے۔” اوس دی پلٹن دے کمانڈِنگ آفیسر کرنل بھیم سنگھ نے میجر ر حمان دی ذمہ واری لائی سی کہ اوہ کیپٹن نریش نوں ایس ہسپتال وِچ داخل کروا کے واپس پلٹن پرت آوے۔ میجر ر حمان نوں دیر لگی تاں ضرور پر بہُتی نہیں۔ اوس نے ہسپتال دے مُکھ دفتر وِچ پہُنچ کے نریش نوں اوتھے داخل کرواؤن لئی ضروری کاغذی کاروائی پُوری کر دِتی۔ کرنل بھیم سنگھ ولوں دِتے گئے کاغذ پتر ہسپتال دے مُلازماں نوں سونپ دِتے۔ ایہناں کاغذاں وِچ ہی کرنل بھیم سنگھ ولوں بھریا فارم اے. ایف. ایم. ایس (AFMS-10 : ARMED FORCES MEDICAL SERVICE- 10)سی۔ ایس تھوڑ چِری معمولی جیہی کاروائی دے بعد کیپٹن نریش کُمار آفیسرز وارڈ دے اِک کمرے وِچ سی۔ کمرے وِچ سٹیل فریم دی سٹیل پترے نال اُنی ہوئی اِک منجی سی۔ صاف سُتھرا بِسترا سی۔ سرھانے ول اِک پاسے چھوٹا جیہا ٹیبل تے دُوجے پاسے درمیانے جیہے قد دی پر صاف سُتھری دودھ چِٹے رنگ دی سٹیل الماری ٹِکی ہوئی سی۔ کمرے دی اِک نُکرے لکڑ دی وڈی ساری الماری وی سی۔ فرش تے وِچھے ہوئے کڈھوےں غلیچے اُتے اِک صوفا سیٹ سی۔ وِچکارلے ٹیبل اُتے اِک پھُلدان نقلی پھُلاں دے گُلدستے نوں سانبھی بیٹھا سی۔ نہاؤن والا کمرہ وی ایس کمرے دے نال لگواں ہی سی۔ ہُن ارُناچل پردیش دے چین دی سرحد نال لگدے شہر توانگ اتے سیلا دے وِچکار جیہے پیندے نوراں نہنگ ناں دے فوجی ٹِکانے توں میجر ر حمان اتے چار ہتھیاربند جوان کیپٹن نریش دے نال تیج پُور دے ایس فوجی ہسپتال تک آئے سن۔ میجر ر حمان تے سفر دی تھکاوٹ بھارُو ہو چُکی سی۔ اوہ کیپٹن نریش دے ہسپتالی کمرے وِچ پئے ہوئے سوفے تے ہی لیٹ گیا۔ گھنٹہ دو گھنٹے آرام کیتا، شام ویلے دی چاہ آؤن تے نریش نال ہلکی پھُلکی گپ شپ دے نال نال اِک پیالی چاہ دی پیتی۔ ایس اُپرنت میجر ر حمان نریش نوں ‘بیسٹ آف لک’ کہہ کے واپس نوراں نہنگ لئی روانہ ہو گیا! میجر ر حمان تاں واپس نوراں نہنگ چلیا گیا سی۔ چارے دے چارے ہتھیار بند جوان نریش دے کول ہی سن۔ نریش تے پہرہ دے رہے سن۔ اُنج ایہناں جواناں دا جِتھوں تک وس چلدا، اوہ پردے وِچ ہی رہن دی کوشش کردے سن۔ اوہناں کدے نہیں سی چاہیا کہ کیپٹن نریش نوں اوہناں دی حاضری دا احساس ہووے۔ ہاں، اوہ فوجی انوشاسن تے حُکماں دے بجھے ہوئے سن۔ ایہی وجہ سی کہ اوہناں نوں نریش دے کمرے باہر پہرہ دینا ہی پیندا سی۔ ایہہ جوان جد کدے وی نریش دے روبرُو ہوندے تاں اوس نوں پُورا ستِکار دیندے۔ آخر اوہ وی تاں حیران سن کہ صاحب دی خطا کیہ ہے۔ بِسترے تے لیٹیا ہویا نریش نِرا سُستا ہی نہیں سی رہیا ۔ بہُت ہی ڈونگھیاں اتے اُلجھیاں ہوئیاں سوچاں دے گُھمن گھیر وِچ گھِریا ہویا سی اوہ! اوسدی نظر کمرے دی چھت دے لینٹر وِچلی مونہہ پاڑ پاڑ ویکھدی ہوئی تریڑ تے ٹِکی ہوئی سی۔ سِر وِچوں اِک سُر سُر دی آواز اوس دے کناں دی حد نوں ٹپ کے سمُچے وجود نوں پریشان کر رہی سی۔ اوس دی سوچ نوراں نہنگ توں ایس ہسپتال تک دے تازے سفر وِچ وِچر رہی سی۔ سفر تاں اوس نے پہلاں وی بڑے کیتے سن۔ کُجھ چِر پہلاں بیمار ہون تے تیج پوُر دے ایسے ہسپتال وِچ داخل وی رہیا سی۔ پر ایہہ ہُن والا سفر کُجھ وکھرا ہی سی۔ بالکُل وکھرا۔ایہہ ہُن والا سفر تاں اوسدی آؤندی زندگی لئی اِک لا عِلاج ناسور وی بن سکدا ہے۔” ایہہ سوچدیاں سار کیپٹن نریش دے من وِچ اِک چیس جیہی اُٹھی سی۔ چیس...جس دی پیڑ نریش...صِرف نریش نے ہی ہنڈھائی سی۔ ہور کِسے نوں وی اوس دی پیڑا نال کوئی سروکار نہیں سی۔ توانگ توں تیج پُور تیک اِکو اِک سوڑی جیہی سڑک سی۔ ایس دے بہتے حصیاں تے اِکو اِک شے ہی لنگھ سکدی سی۔ جیپ ہووے جاں ٹرک! ایسے سڑک تے نوراں نہنگ، سیلا، زیرو ہِل، چُراسی کِلومیٹر اتے بوبڈی لا وغیرہ پیندے ہن۔ ایہہ وِنٹا ولیوے کھاندی سڑک تیج پوُر وِچوں لنگھدی ہوئی انت آسام دی راجدھانی گُہاٹی جاں پہُنچدی ہے۔ توانگ توں زیرو ہِل تک تاں ایہہ برفاں دے تودیاں وِچکار ہی گھِری رہندی ہے۔ پر، زیرو ہِل توں تیج پوُر تے اُتھوں گُہاٹی تک ایہی سڑک بھانت بھانت دے ہرے کچور رُکھاں اتے جھاڑاں دے عین وِچکار گھِری ہوئی سی۔ بھانت بھانت دے رُکھاں تے بھانت بھانت دے جنور سن۔ اوہناں دے کلول سن۔ رین بسیرے سن۔ سُریلے بول سن۔ نوراں نہنگ توں چُراسی کِلومیٹر دے میل پتھر والی فوجی پناہ گاہ تیک ساری دی ساری سڑک برف دِیاں باریک باریک تے کِتے کِتے موٹیاں پرتاں نال ڈھکی ہوئی سی۔ ایس برف توں واہناں دے تِلکن تے ڈونگھیاں کھائیاں وِچ ڈِگن دا خطرہ بنیا رہندا ہے۔ جیہڑی ایمبولنس میجر ر حمان، کیپٹن نریش اتے چار جواناں نوں لے کے آئی سی، اوہ وی ایہناں کھتریاں توں باہری تاں نہیں سی ہو سکدی۔ کرنل بھیم سنگھ دےحکماں مطابق نریش نوں ہر حالت وِچ تیج پور دے ہسپتال جلدی توں جلدی پہُنچاؤنا ضروری سی۔ ایسے لئی کِسے ان قیاسے حادثے توں بچاء خاطر ایمبولینس دے ٹائراں تے اینٹی سکِڈ چینا چڑھاؤنیاں پایاں سن۔ توانگ توں تیج پور والی تنگ جیہی سڑک دُھر تک سپ ولیویں کھاندی میدانی علاقے وِچ جا رلدی ہے۔ پہاڑیاں دے پیراں کول پہُنچن توں بہُت پہلاں تیج پور دے اِک پاسے وگدا برہم پُتر دریا آپنی خاموشی سمیت آپ مُہارے ہی راہیاں دِیاں نظراں دی پرواز نوں چُم لیندا ہے۔ ایس دریا دے کنڈھے کھلوتے ہوئئے تاں ایس دی مِٹھی آواز انسانی دِلاں نوں تاں کیہ، قُدرت نوں وی کِیل لیندی ہے۔ ایہہ دریا کدی کدی شانت حالت وِچ تے کدی کدی غُصے اتے تیزی نال وگدا رہندا ہے۔ بوبڈیلا اتے تیج پور دے وِچکار جیہے فِلم جگت دی مشہور نچار ہیلن دے ناں تے اِک پہاڑی آؤندی ہے۔ ‘ہیلن ہِل’ سڑک دے عین نال جُڑی ہوئی ہے۔ ایس پہاڑی نوں اُتانہہ اسمان ول نظر چُک کے ویکھیے تاں ِانج لگدا ہے کہ جیویں کہ سچ مُچ ہی ہیلن دا لک ویکھ لیا ہووے۔ تکنیک ماہِر ایہو جیہی پہاڑی نوں کونکیو کہہ دیندے ہن۔ ایتھے کوئی دو فرلانگ دے ٹکڑے اُتے ہمیشہ ہی اِک روڈ رولر چلدا رہندا سی۔ ہیلن ہِل دی ڈھاک توں ڈِگے روڑاں تے پتھراں نوں ہونجھدا رہندا سی تاں کہ آواجائی نِروِگھن چلدی رہے۔ جس دِن میجر ر حمان اتے کیپٹن نریش وغیرہ تیج پور نوں آ رہے سن، اوس دِن ہیلن ہِل ایریئے وِچ عام نالوں زیادہ پتھر ورکھا ہوئی سی۔ آواجائی لگاتار دو دِن رُکی رہی سی۔ پچھانہہ وی نہیں سی مُڑیا جا سکدا۔ ایہناں ساریاں نوں دوویں دے دوویں دِن ایمبولنس وِچ ہی کٹنے پئے سن۔ سبھناں نوں ڈھِڈ کرن لئی شکر پاڑیاں دی مُتھاجی کرنی پئی سی۔ پانی دی شاگل کِسے نہ کِسے چشمے توں بھر لیاؤندے سن۔ نوراں نہنگ توں تیج پور ہے تاں صِرف تِن سو کِلومیٹر پر ایہناں تِن سو کِلومیٹراں نے پُورے تِن دِن کھا لئے سن۔ کیپٹن نریش نوں ایہہ تِن دِن تِن سالاں توں وی ودھ...نہیں، تِن عمراں توں وی ودھ لگ رہے سن۔ جیویں اوس نے کئی زِندگیاں گُزار دِتیاں ہون۔ ایہناں تِناں دِناں نے اوس دے ساہ ست ہی تاں نِچوڑ لئے سن۔ ایسے نُچڑن دے خدشے نے کیپٹن نریش نوں ہیلن ہِل نیڑے گُزاریاں دو راتاں دے مختصر جیہے سمے وِچ ہی اِک نظم دی دہلیز تے کھڑا کر دِتا سی۔ اودوں ایمبولنس وِچ ہی نریش نے اِک نظم لِکھی۔ نظم دا سِرلیکھ سی “زندگی”۔ نوراں نہنگ دا درجہ حرارت ١٢ دے ١٢ مہینے ہی منفی وِچ رہندا ہے۔ ا ایتھے رہ رہے فوجی مہینے مسیا ہی نہاؤندے سن۔ ‘بنکر’ نامی مِٹی جاں پتھراں وِچ پُٹی ہوئی بند گُفا جیہی رہیا ئش دے باہر روں دے پھنبیاں وانگ ڈِگدی برف دے نال نال ٹھنڈی سیت ہوا وی وگدی ہے۔ بنکراں اندر مِٹی دا تیل پھوکدیاں بُکھاریاں فوجیاں لئی نِگھ دا ذریعہ ہوندیاں ہن۔ بنکراں نوں گرم رکھدیاں ہن۔ اجیہی ٹھنڈ وِچ نہاؤنا دھونا تاں دُور دی گل ہے، بُکھاریاں بند کرن دی ہِمت وی نہیں پیندی۔ کئی دِناں توں نریش نہاتا وی نہیں سی۔ ایتھے تیج پور دا موسم ٹھیک سی۔ اوس نے آپنے سمان وِچوں نہاؤن لئی ضروری وستاں کڈھ لایاں۔ غُسل خانے وِچ جا کے نہاتا اتے لیڑے بدل لئے۔ نہاؤن مگروں اوس نے آپنے چھوٹے اٹیچی وِچوں اِک ڈائری کڈھی، سوفے تے بیٹھ گیا۔ ڈائری دے ورقے پھرولے، ہیلن ہِل نیڑے لِکھی کویتا ‘زندگی’ دے سنمُکھ ہو گیا۔ نظم پڑھ کے اوس نوں تسلی تاں کیہ مِلنی سی، ایس دے اُلٹ اوس دا اندرلا سکھناپن بھیانکتا دی حد تک ودھ گیا۔ ایس سکھنے پن ول نریش دوستی دا ہتھ کیویں ودھاؤندا۔کیوں ودھاؤندا۔ ایس نال دوستی پا کے اوس سنتُشٹ تاں نہیں سی ہو سکنا۔ جو وی ہے، ایہہ سکھناپن اِک کؤڑا سچ سی۔ اوس نوں چاہے ان چاہے جرنا ہی پینا سی۔ ایس سکھنے پن نال جِیون دی جاچ سِکھنی ہی پینی سی۔ اندرکھاتے ایہہ اہُر ہوندیاں ہی اوس دے چہرے تے کِسے مرثیے دے نقش اُکرے گئے سن۔ اوس دے چہرے تے اُداسی دے پرچھاویں گوڑھے تے ہور گوڑھے ہوندے گئے۔ چہرے تے اُکرے مرثیے دے نقش دی عبارت نوں کون پڑھدا؟ ایہناں نوں پڑھن دے قابل کوئی وی تاں نہیں سی اوتھے۔ اوس اگے تاں آؤن والی زندگی بے ضمانتی کھِلری پئی سی۔ اوس دِیاں اکھاں اگے اکثر اِک سوالیا نشان لمکیا رہن لگ پیا سی۔ دو نریش ماں پِیو دی کلی کاری اولاد سی۔ اوس نے سارے دے سارے بچپن نوں بچپن دے صحیح معنیاں تک اُتر کے مانیا سی۔ بچپن دی حقیقت بہُت نیڑِیوں تے رج کے ہنڈھائی سی نریش نے! بچپن نوں چاہیدا وی کیہ اے؟ پیار! نِرا پیار! پیار ماپیاں دا! ...پیار وڈیریاں دا تے ایس دے نال نال پیارے پیارے ہانیاں دی جُنڈلی دا ساتھ۔ ماں سوِتری دا لاڈ دُلار اوس نوں وڈیاں ہوندا ویکھدا رہیا ۔ بچپن وِچ کِسے دا وی پریاں نال دُور نیڑے دا وی واسطہ نہیں ہوندا۔ نریش دا وی اوداں تاں پریاں نال کوئی واسطہ نہیں سی۔ پر، فیر وی اوس دی نیندر پری کتھاواں دی مُتھاج ہو گئی سی۔ رات دی روٹی بھاجی توں ویلھی ہو کے سوِتری ہی نریش نوں پری کہانیاں سُنایا کردی سی۔ سوِتری دے لاڈ دُلار نے ہی نریش دی نیندر نوں پری کتھاواں دی مُتھاجی سِکھائی سی۔ سوِتری آپ وی کِسے پری توں گھٹ نہیں سی۔ لمّی سی، پتلی سی۔ گوری وی رج کے سی۔ گُلابی بھاہ ماردا چہرہ سی۔ پِتا دِین دِیال تاں نریش نال مِتراں وانگ وِچردا سی۔ اوہ کدے تاں نریش لئی گھوڑا بن جاندا اتے کدے اوس نوں آپنیاں بانہاں وِچ ولا کے آپنی پِٹھ نال جوڑ لیندا۔ سوِتری کول لے جاندا۔ آپ ہی اِک بال بن جاندا تے کہندا... "مشق پانی پی لؤ۔ مشق پانی پی لؤ..." نریش نوں ایداں ہی مشق بنائی دین دِیال گھر دے ویڑھے وِچ تُری فیر دا۔ کئی وار دین دِیال نریش نوں پچھلے اندر پئے نواری پلنگھ تے لے جاندا۔ اوس نال لاڈ کردا۔ نریش دِین دِیال دے ڈھِڈ اُتے چڑھ کے بھُڑکدا۔ دِین دِیال نریش نوں چُمدا اتے اچانک ہی اوس نال پلنگھ اُتے ہی گھُلن لگ پیا۔ دین دِیال جان بُجھ کے ہی ڈھیہہ جاندا۔ جِت دی خوشی وِچ نریش اوہ ہاسہ ہسدا جو کہ چُٹکُلیاں دا مُتھاج نہیں سی۔ دِین دِیال بہوتے پیسے والا تاں نہیں سی۔ چنگے گُزارے والا ضرور سی۔ اوس کول جِنا وی آسرا سی، اوس نے دِل کھول کے نریش تے خرچیا۔ نریش دے کھان پین، کپڑے لیڑے، سیر سپاٹے اتے پڑھائی لِکھائی دا پُورا پُورا خیال رکھیا سی۔ سن ١٩٥٢ جیٹھ ہاڑھ دے تپدے دیہاڑے۔ کنکاں وڈھیاں جا چُکیاں سن۔ مُلک دے ان داتے جھونیاں لئی کھیتاں نوں تیار کر رہے سن۔ وِرلیاں وِرلیاں نے جھونیاں دی پنیری وی بیج لئی سی پر بہتے بیجن دے آہر وِچ سن۔ دِین دِیال نے نریش نوں سکول وِچ داخل کروا دِتا سی۔ آپنے ہی پِنڈ بگھانے دے پرائمری سکول وِچ ہی داخل کروایا سی اوس نوں۔ ایس سکول وِچ مُنڈے کُڑیاں اِکٹھے ہی پڑھدے سن۔ سکول وِچ طالب علم برامدے دے فرش اُتے تپڑ وِچھا کے بیٹھدے سن۔ سِیال دے دِناں وِچ ایہی تپڑ سکول دے ویڑھے وِچ دھُپے وِچھ جاندے سن۔ سکولاں وِچ پڑھاؤندے ماسٹراں دِیاں تنخواہاں تاں بہُتیاں نہیں سن پر پڑھاؤن دا عِشق ہوندا سی اوہناں نوں! نیانیاں دِیاں قلماں تک آپ گھڑ کے دیندے سن اوہ! ماسٹر بچیاں نوں ہتھیں پُورنے پا کے دیندے سن۔ نریش دے سکول جان دا پہلا دِن سی۔ ہر روز وانگ سوِتری نے نریش نوں آپنے ہتھیں نواہیا اتے تیار کیتا۔ چھنا بھر کے دہیں دا کھوایا۔ سکول لئی تُرن توں پہلاں اوس نُوں اِک نِکی جیہی گُڑ دی ڈلی وی کھوائی سی۔ ایہی نہیں نریش دی اِک گل تے سوِتری نے توے ہیٹھلی کالک دا اِک نِکا جیہا نظر پٹو وی لا دِتا سی۔ ایسے دِن، سوِتری نے پِنڈ دے سارے گھراں اتے نریش دے سکول وِچ لاگن راہیں گُڑ اتے پتاسے ونڈوائے سن۔ لاگن ایہناں دے راجے حوالے رام دی نونہہ بیر کور سی۔ نریش خوشی نال ہسدا کھیڈدا روز سکول پڑھن جاندا اتے چُھٹی ہون تے گھر پرتدا۔ پہلی، دُوجی، تیجی، چوتھی اتے پنجویں پنجے دِیاں پنجے جماتاں وِچ ہی نریش اوّل رہیا سی۔ نریش نِرا پرا کتابی کیڑا وی نہیں سی۔ آپنے ہانیاں نال کھیڈاں وِچ وی پُورا مست رہندا سی اوہ۔ لُکن میٹ، گرم پِٹھو، چوئی چلانگا، پیچو بکری، دھُپڑ چھاؤں، گُلی ڈنڈا، کھِدوکھونڈی اتے ہور کئی بال کھیڈاں وِچ ماہر سی! دِن دِیاں کھیڈاں وِچوں چوئی چلانگا ہی نریش نوں سبھ توں ودھیا کھیڈ لگدی سی۔ رات دِیاں کھیڈاں وِچوں دھُپڑ چھاؤں اوس دی من بھاؤندی کھیڈ سی! دھُپڑ چھاؤں چن چاننی راتے کھیڈی جاندی ہے۔ دو ٹیماں بن جاندیاں ہن۔ ٹوس ہوندا ہے۔ اِک ٹیم دُھپ مل لیندی ہے اتے دُوجی ٹیم چھاں۔ چھاں والی ٹیم دا کوئی کھِڈاری چاننی تھاں وِچ پھس جاوے تاں کھیڈوں باہر ہو جاندا ہے۔ چن چاننی راتے دھُپڑ چھاں کھیڈدے سارے دے سارے بال کھِڈاری آؤٹ وی نہ ہوئے ہوندے کہ اوہناں دے ماپے گلیاں وِچ اوہناں نوں گھرو گھری پرتن لئی واجاں ماردے فیر دے۔ نریش جیون دِیاں یاراں بہاراں ہنڈھا چُکیا سی۔ ہُن دین دِیال اوسدی مشق نہیں سی بناؤندا۔ سوِتری دا لاڈ ملھار اُوےں دا اُوےں ہی سی۔ دین دِیال نریش دی کِسے وی بھُل نوں ان گولی نہیں سی کردا۔ کدے کدائیں نریش دی کِسے غلطی تے اوس دا چانڈا ٹھپا وی کر دیندا سی۔ نریش کوئی چنگا کم کردا تاں اوس دی کنڈھ وی دین دِیال دے ہتھ ہی تھاپڑدے سن۔ تِن راجپوتاں دے چودھری من پُھول اتے پنڈت دِین دِیال دا اِک دُوجے نال انتاں دا پیچ سی۔ بھراواں توں وی ودھ کے پیار سی دوہاں دا۔ دوہاں دے نِگھے موہ پیار دی چُنجھ چرچہ بگھانے وِچ ہی نہیں، آلے دوآلے بھُنگرنی، پاشٹاں، بھام، رہیا نا جٹاں تے کئی ہور پِنڈاں وِچ وی چلدی رہندی سی۔ من پُھول دی اِکو اِک دھی سی نِشا۔ نِشا جنم توں دو تِن مہینیاں دی وِتھ تے ہی ماں مہٹر ہو گئی سی۔ دھرم پتنی دی موت پِچھوں من پُھول نے مُڑ کے گھر نہیں سی وسایا۔ وڈی بھرجائی ریشمی نے ہی نِشا نوں ماں والا نِگھ اتے ہیروا دِتا سی۔ من پُھول نوں پُتر دی گھاٹ کدی نہیں سی رڑکی۔ اوہ تاں نِشا نوں ہی ست پُتراں ورگی دھی سمجھدا سی۔ بگھانے دے پرائمری سکول وِچوں ہی نِشا نے چوتھی جماعت پاس کر لئی سی۔ مُڑ کے سکول جان توں پہلاں اجے کُجھ چھُٹیاں بچدیاں سن۔ نِشا اکثر مُنڈیاں نال ہی کھیڈدی رہندی۔ اوس دا جد کدی وی کھیڈن نوں جی کردا تاں اوہ نریش نوں اوس دے گھروں بُلا کے لے جاندی۔ جے کدی نریش کھیڈن خاطر نِشا دا ساتھ دین توں نہ کردا تاں اوہ مونہہ بلھ وٹدی آپنے گھر نوں ہی پرت جاندی پر کھیڈن نہیں سی جاندی۔ لُکن میٹی جاں ہور کِسے وی کھیڈ وِچ ہانی ہانی بنن ویلے نِشا تے نریش دا ایہی جتن رہندا کہ اوہ دوویں ہی ہانی ہانی بنن۔ کئی نیانے ایہناں دوہاں دی دوستی توں سڑدے وی سن۔ مُنڈیاں نال کھیڈن توں ریشمی تاں نِشا نوں کئی وار جھِڑک دیندی سی۔ چودھری من پُھول نے آپ نِشا نوں مُنڈیاں نال کھیڈن توں کدی نہیں سی ورجیا۔ نِشا ہے وی تاں نیانی ہی سی۔ نالے اوہ کیہڑا اوپریاں نال کھیڈدی سی۔ من پُھول نوں سبھ توں ودھ بے فِکر ایسے گل دی ہی سی کہ نِشا دے کھیڈن ملھن دے وقت دِین دیال دا پُتر نریش ہر ویلے نِشا دے نال ہی تاں ہوندا سی۔ بگھانے پِنڈ دی وسوں والا علاقہ ختم ہوندیاں ہی باہر وار فِرنی نال لگدا اِک ڈونگھا جیہا چھپڑ سی۔ اج وی ہے۔ کل رہے نہ رہے۔ ودھدی وسوں دے نال نال ودھ رہے ویڑھیاں خاطر چھپڑ ٹوبھے تاں کدی وی پُورے جا سکدے نیں۔ ایس چھپڑ دا ادّھا کنڈھا تاں وسوں دے نال نال لگدا سی اتے دُوجا ادھ اِک لمے چوڑے میدان نال جُڑیا ہویا سی۔ بِلکُل اوویں، جیویں کِسے مُٹیار دے پیراں نال جھانجھراں۔ وسوں دے نیڑلے کنڈھے دے نال نال اک دے ہرے کچور بوٹیاں دی اِک گول جیہی پال سی۔ نیم بینگنی بھاء ماردے پھُلاں وِچوں اِک سرور جیہا چھلکدا سی۔ ایہہ پُھل...پُھل نہ ہو کے کِسے جوبن متی مُٹیار دِیاں اکھاں ہی تاں لگدے سن۔ بسنت رُت دی خُماری سمیٹی مستی چ جھومدے سن ایہہ پُھل۔ ایہہ چھپڑ پِنڈ دِیاں نونہاں دھیاں، ہالیاں پالیاں اتے مال ڈنگر دی زندگی دا اِک حِصہ ہی بن چُکیا سی۔ پِنڈ دِیاں نونہاں دھیاں جیہڑیاں گلّاں باتاں آپنے گھراں دے چوکے ویڑھے وِچ نہیں سن کر سکدیاں۔ ا یتھے کپڑے لیڑے دھوندیاں لون مِرچ لا کے وی کر لیندیاں۔ اِک دُوجی دے خِلاف توہمتاں دھردیاں تے چُغلیاں کردیاں۔ اکھ مٹکے دے شوقین مُچھ پھُٹ گبھرو اجیں پجیں ایہناں نوں آپنے گیڑیاں دا احساس وی کروا جاندے سن۔ چھپڑ دے نیڑے ہی چالھی پنجاہ کروآں دی وِتھ تے اِک بوڑھ سی...ہے...بہُت ہی پُرانا! ایس بوڑھ دی داڑھی کئی ٹاہناں وِچوں لمکدی لمکدی مُڑ دھرتی وِچ ایس دی جڑھ وانگ جڑھ ہی تاں بن گئی سی۔ سِندھو عملی گھر دی کڈھی ہوئی دارو فُٹ بال دے بلیڈر وِچ پا کے ایسے بوڑھ دے کِسے ٹاہن تے چوڑے چوڑے پتیاں دی اوٹ وِچ ہی بنھ چھڈدا سی۔ کئی وار پولیس وی پئی۔ کئی پیاکڑاں شرتاں لا لا کے عملی دی دارو دا کھُرا لبھن دی کوشش کیتی پر کدی وی کِسے نوں کوئی تھوہ پتہ نہ لگیا۔ پِنڈ دے معتبراں نے صلاح مشورہ کیتا۔ بوڑھ دے مُڈھ چُفیرے اِک پکا تھڑا بنوا دِتا۔ پوہ ماگھ دے ککر نال ٹھردے دِناں وِچ وی ایس بوڑھ دے تھڑے تے رونق لگی ہی رہندی۔ سویر دِیاں سجریاں کِرناں دی آمد دے نال ہی پِنڈ دے چھڑے کِتوں نہ کِتوں پرالی دے دو چار تھبے چُک لیاؤندے۔ کھیساں کمبلاں دِیاں بُکلاں ماری ٹھُر ٹھُر چھڑے دھونی دھُکھا کے محفل جما لیندے۔ اوہناں دے اندروں پرالی دے دھونئے ورگیاں گلّاں ہی نِکلدیاں۔ “تاریا” “ہوں” “اوہ بھینگی جیہی آ نہ سیبو!” “آہو دس گل کیہ آ؟” “سالی مچی فیر دی آ اج کل!” “چھیڑ کے ای دیکھ لے کِتے” “کِیؤں؟” “چھِتر نی کھانے؟” “آپاں تاں نی کھاندے چھِتر، پر ایہہ سُن لے پئی ایہہ نِکلُو ضرور!” “نہ توں رالاں کاہتوں سُٹدا رہِنیں؟” “اوویں یار تاں اُوں ہی بدنام آ! رناں آلے کیہڑے گھٹ آ! ماسٹر آ نہ ماسٹر، سالا کھُنبھ ارگی پٹی فیر دے۔” “سچیں کہہ!” “سونہہ ربّ دی نالے میں جھوٹھ بول کے کیہ لینا۔” ایسے طرحاں ہی کئی ہور ایدھر اودھر دِیاں گلاں اتے ایہناں گلاں دے نال جِنا وی مِرچ مسالہ لگ سکدا، چھڑے رج کے لاندے۔ رتا وی گُریز نہ کردے۔ پالے دا زور گھٹن دے نال ہی کوئی کوئی سیانا وی بوڑھ دے تھڑے تے آؤنا شروع ہو جاندا۔ کِسے سیانے دے آؤن سار ہی ایہہ مُنڈے آپنیاں گلاں دا پینترا بدل لیندے۔ پہلاں چلدی گل نوں تاں جیویں کوئی سپ ہی سُنگھ جاندا۔ دو چار سیانیاں دے اِکٹھے ہوندیاں ہی ایہہ مُنڈے کِرمو کِرمی سرک جاندے۔ ایہناں چھڑیاں نوں اندرکھاتے ایہہ اہُر ہوندی ہی سی کہ بزُرگاں نے کِسے نہ کِسے دی گلیں باتی لاہ پاہ ضرور کر دینی سی۔ ہاں، ایہناں مُنڈیاں دے جان مگروں ایہناں دے ہتھاں دی مگھائی ہوئی دُھونی دا لاہا بزُرگ ہی لیندے۔ ایہہ بزُرگ وی ایس بوڑھ تھلے تھڑے تے بیٹھ کے دھونی سیکدے۔ آپو آپنیاں ملاں اتے ٹُٹ بھج دِیاں گلاں سُندے تے سُناؤندے۔ بزُرگ گلاں وِچ اینے کھُبھ جاندے کہ گھر پرتن دی کالھ جنم ہی نہیں سی لیندے۔ چار جے مہینے دی کِسے سِکھر دوپہر دا ویلا سی۔ چودھری من پُھول، سِندھیاں دا تایا کرتارا، دِین دِیال اتے لُہاراں دا اسلم بوڑھ تھلے تھڑے تے بیٹھے چوسر کھیڈ رہے سن۔ اسلم اوس مُسلمانی ٹبر وِچوں سی جس نوں ١٩٤٧ دے رولیاں ویلے پِنڈ دے زِمینداراں نے آپنیاں کِسانی لوڑاں پُوریاں کرن خاطر زور دے کے ایدھر ہی رکھ لیا سی۔ ایس ٹبر دے ہور سارے دے سارے جی پِنڈ والیاں دے ڈکن دے باو جود اگلے کِسے ڈر توں تریہندے آپنے بال بچیاں سنے پاکستان تُر گئے سن۔ اسلم دا اِک چاچے دا پُتر شیر خان اکثر بھارت آؤندا رہندا۔ بگھانے پِنڈ دے جی جی نوں مِلدا۔ پِنڈ دی مِٹی نال آپنا موہ پالدا تے سِجل اکھاں نال مُڑ پاکستان پرت جاندا۔ ہاں، گل چوسر دی چل رہی سی۔ چودھری من پُھول چوسر دی کِسے چال بارے سوچ رہیا سی۔ اوتھے نیانیاں دی اِک ڈھانی آ پہُنچی۔ نریش، جیتو، پریتو، نِشا اتے دو چار ہور نیانے سن۔ چودھری من پُھول دی کُھل دِلی سی کہ نِشا ہُن مُنڈیاں دی سنگت وِچ کھیڈنوں قطرہندی نہیں سی۔ اوس دے بولاں وِچوں نِڈرتا اتے نِجھکتا دوویں صاف جھلکاں ماردیاں سن۔ ‘ڈنڈا توں بنا کے لیا’ نریش نے نِشا نوں کیہا سی۔ “کل وی تے میں ای بنایا سی۔” نِشا دی جوابی سُر چِتھویں لہجے والی سے۔ “نہ بنایا تاں روویں گی وی اج” نریش نے نِشا نوں دابا جیہا ماریا سی۔ نیانیاں دا رولا رپا ودھی جا رہیا سی۔ ‘ ایہناں باندراں سانوں کھیڈن تھوڑا دینے’، من پُھول دے ایہناں شبداں دا دِین دِیال نے وی پکھ پُور دِتا۔ ایداں جِت ہار دے فیصلے توں بِناں ہی چوسر دی کھیڈ ختم ہو گئی۔ من پُھول ، دین دِیال تایا کرتارا اتے اسلم آپو آپنے گھراں نوں پرت گئے۔ “پُت گھرے ویلے نال پرت آویں” گھر نوں پرتدا من پُھول نِشا نوں کہہ گیا سی۔ ہُن نریش اتے اوسدی جُنڈلی لئی چوئی چلاںگا کھیڈن واسطے میدان صاف سی۔ مُونہہ نوں وِنگا چِبا کرکے غُصے دا اظہار کردیاں “کل نوں آپے بناویں” کہہ کے نِشا نے ڈنڈا نریش دے ہتھ وِچ پھڑا دِتا سی۔ ڈنڈا پھڑن سار نریش نے آپنی سجی لت تھوڑی جیہی اُتانہہ چُکی اتے اوس دے تھلیوں ڈنڈے نوں بُھوآ کے دُور ماریا تے نال دی نال ٹُنکویں آواز وِچ کیہا، “نِشا! ڈنڈا کل نوں وی تاہیوں بنائیں گی۔” کھیڈدیاں کھیڈدیاں کِسے نہ کِسے پنج نیانیاں دا آپو وِچ رولا پے جاندا۔ گل دھپے مُکی دے نال نال چک چونڈیاں تک پہُنچ جاندی ی۔ اجیہے رولے وِچ ہی اکثر ایہناں سبھناں دی کھیڈ ختم ہو جاندی سی۔ چھُٹیاں ختم ہو گئیاں سن۔ سکول مُڑ کے لگ گئے۔ بہوتے مُنڈے کُڑیاں ہُن نویاں جماتاں وِچ سن۔ تیجی والے چوتھی وِچ اتے چوتھی والے پنجویں۔ پنجویں والے مُنڈے کُڑیاں لئی سکول وی بدل گیا سی۔ مُنڈیاں لئی بگھانے توں کوئی دو میل دی وِتھ تے پاشٹاں نروڑ پبلِک ہائی سکول سی۔ ہُن نریش نوےں سکول وِچ جاندا سی۔ سائیکل اُتے روز دو میل جان تے دو میل آؤن۔ نِشا پنجویں جماعت وِچ ہو گئی سی۔ اوسدی جماعت ہی بدلی سی، سکول نہیں سی بدلیا۔ چوتھی تیکر سکول جاندیاں اتے سکول توں گھر پرتدیاں اوس دا ساتھ نریش ہی ہوندا سی۔ پنجویں جماعت دے پہلے کُجھ دِن تاں نِشا اِکلی ہی سکول جاندی رہی اتے اِکلی ہی گھر پرتدی رہی۔ اوہ راہ وِچ کئی وار اُداس وی ہو جاندی سی۔ اِکلیاں جانا آؤنا اوس نوں چنگا نہیں سی لگدا۔ جدوں نریش دے نال سکول جاندی سی تاں اوس نوں پتہ ہی نہیں سی لگدا کہ گھروں سکول تک اتے سکول توں گھر تک دی واٹ کدوں ختم ہو جاندی سی۔ ہُن...ہُن تاں نِشا نوں ایہہ پندھ بہُت ہی لمّا لگدا۔ مُکن دا نہ ہی نہیں سی لیندا۔ ایہنیں دِنیں ہی نِشا نے اِک سہیلی بنا لئی سی...میتاں۔ نیائیں والے گِلاں دے سُلکھن سنگھ دی دھی سی گُرمیت۔ اوس دِیاں سہیلیاں اتے گھر دے سارے جی اوس نوں میتاں کہہ کے ہی بُلاؤندے سن۔ میتاں اِک پُل بن گئی سی۔ پُل دوستیاں دا۔ روی، دیپ اتے جِندری وی نِشا دِیاں سہیلیاں بن گئیاں سن۔ جِندری تاں چوتھی وِچ سی۔ پر روی، دیپ اتے نِشا اِکو ہی جماعت وِچ پڑھدیاںسن۔ ایہہ چارے اِکٹھیاں ہی سکول جاندیاں۔ چُھٹی پِچھوں اِکٹھیاں ہی گھراں نوں پرتدیاں۔ ہُن نِشا مُنڈیاں نال نہیں سی کھیڈدی۔ مُنڈیاں والیاں کھیڈاں وی چھڈ دِتیاں سن اوس نے ۔ ہُن اوہ کھیڈدی تاں صِرف آپنیاں سہیلیاں دے نال ہی۔ نالے کھیڈاں وی کُڑیاں والیاں۔ کدی اڈی ٹپا، کدی سٹاپو اتے کدے کدے کِسے سہیلی دی لت نال لت ولا دینی... اوس دے ہتھاں نال آپنے ہتھاں دی کرِنگڑی پا لینی تے فیر ‘کِکلی کلیر دی پگ میرے وِیر دی، دُپٹہ مے بھائی دا، پھِٹے مُونہہ جوائی دا۔” کِکلی پاؤندی اِک واری تاں وا وا ورولا بن جاندی سی نِشا۔ کِکلی پاؤندیاں کُڑیاں دِیاں اڈیاں لِپے پوچے ویڑھے وِچ وی دھوڑ اُڈا دیندیاں سن۔ اُڈدیاں چُنیاں وانگ اُڈوں اُڈوں کردیاں سن ایہہ کُڑیاں۔ کِکلی پاؤندیاں کُڑیاں دے وِچ تِتلیاں دی شوخ پر سہج اُڈاری جھلکدی سی۔ اِک دِن کِکلی پاؤندی نِشا دی چُنی بھوئیں اُتے ڈِگی ہی سی کہ کانیاں مانیاں دی پُورو آ کڑکی ‘مر جانیوں ہُن تُسیں اُڈار ہو گئیاں او۔ چُنیاں سانبھ کے رکھیا کرو۔ کھپ جانیوں ہُن ایانیاں تاں نہیں رہیاں۔” اکثر ایہناں کُڑیاں دا کھیڈ میدان کِسے نہ کِسے کُڑی دے گھر دا ویڑھا ہی ہوندا۔ کدے نِشا دا تے کدے جِندری، روی جاں دیپ دے گھر وہڑھا۔ پِنڈ دی کِسے دھی دھیانی دے ویاہ ویلے نِشا اتے اوہدیاں سہیلیاں نے ماہیے دے ٹپے گاؤن دی جاچ وی سِکھ لئی سی۔ اجے ایہناں نے ٹپیاں دے بول جاں طرز ہی سِکھی سی، ارتھ نہیں.. ایہناں دی عمر نوں ہالی ہرتھاں دی لوڑ وی کوئی نہیں سی۔ حالی نیانیاں ہی تاں سن ایہہ کُڑیاں! ایہناں دی پرتِبھا نوں سِکھر تے پہُنچن لئی اجے عمر دِیاں پوڑیاں چڑھن دی لوڑ سی۔ نریش دے ساتھ دی گھا نِشا دِیاں سہیلیاں نے پُوری کر دِتی سی۔ گھر توں سکول تک اتے سکول توں گھر تک دا پدھ لمّا ہو کے پھیر سُنگڑ گیا سی۔ پنج بسنت رُت بھر جوبن تے سی۔ نِسر رہی کنک دِیاں پیلیاں دے چُفیرے بیجی ہوئی سرھوں وی ساری دی ساری نِسر چُکی سی۔ سروں دے پیلے پیلے لہِلہاؤندے پھُلاں دِیاں جیبھاں تے پچھوں دِیاں سیت ہواواں دے نال نال قُدرت دا کوئی گیت لرزدا تے سمجھو مناں نوں نشیا جاندا۔ جھومدی بنس پتی دی سُر نال سُر رلائی ہوئی سی رنگ برنگیاں پتنگاں نیں۔ سکولاں دی ادھی چُھٹی ویلے اتے پُوری چُھٹی توں بعد نیانیاں دِیا رنگ برنگیاں پتنگاں بریک کاغذ دِیاں رنگین گُڈیاں سارے دا سارا انبر مل لیندیاں ہن۔ آکاش دے کھُلے پن تے قابض ہوئیاں پتنگاں وِچوں کُجھ اِک پتنگاں سیانیاں دِیاں وی ضرور ہوندیاں۔ نیانے۔ سیانے۔ پتنگاں چڑھاندے۔ اِک دُوجے دِیاں پتنگاں نال پیچے لڑاندے تے گُڈی لُٹ پتنگاں لُٹن وِچ مست رہندے۔ اِک دِن دوپہر ڈھلے نریش وی دو پتنگاں خرید کے لے آیا سی۔ دُہاں پتنگاں لئی اڈو اڈری ڈور چرکھڑی وی لے کے آیا سی اوہ۔ اِک پتنگ دا پِنڈاں سوہے رنگ دا سی تے پُوچھل کھٹے رنگ دی۔ دُوجی پتنگ کھٹے رنگ دی سی اتے پُوچھل سوہے رنگ دی۔ نریش نے اِک پتنگ تاں آپنے لئی لیاندی سی اتے دُوجی نِشا لئی۔ نِشا دے ساتھ لئی۔ کئی دِناں توں نِشا اوہدے نال کھیڈی وی تاں نہیں سی۔ اوس نوں تاں نِشا دے ساتھ دی لوڑ سی۔ اِک پتنگ اتے ڈور چرکھڑی لے کے نریش نِشا دے گھر دی دستک بن گیا سی۔ بُوہے دے پلڑ کُھلے ہوئے ہی سن۔ ریشمی چوکے وِچ سی۔ رِنھن پکاؤن وِچ رُجھی ہوئی سی۔ پراں نیڑے ہی نِشا منجی تے بیٹھی سکول توں مِلیا ہویا کم کرن وِچ مست سی۔ نریش دی آمد تے ریشمی کُجھ بولن ہی لگی سی کہ نریش نے آپنے بُلھاں اُتے اُنگلی رکھ کے تائی نوں شاںت رہن دا اِشارہ کر دِتا سی۔ ایس ویلے چوکے دے نیڑے ہی دو بلونگڑے اِک دُوجے نال کلول کر رہے سن۔ نریش ہولی ہولی دبے پیریں نِشا دی منجی ول تُری گیا۔ اوس نے آپنی پیر چاپ نِشا دے کنی نہیں سی پین دِتی۔ نِشا دی منجی کول پہُنچ کے اوس نے آپنے سجن ہتھ دی تلی نال نِشا دِیاں دوویں اکھاں کج دِتیاں۔ “لے لے مینوں پتہ نہیں بھلا، نریش آ توں۔” نِشا دے بولن تے نریش دے نال نال ریشمی وی مُسکرا رہی سی۔ “ہُن چھڈ وی دے میریاں اکھاں۔” نِشا نے ترلا جیہا پایا سی۔ “پہلاں بُجھ میں کیہ لیایاں؟” نریش دے ایس سوال دا نِشا نے ایہی جواب دِتا کہ میں کوئی جوتشی آں! ایس دے نال ہی نِشا نے آپنی دھون جھٹکی اتے اِک ہتھ نال نریش دی وینی وی پھڑی تے پراں جھٹک دِتی۔ نِشا نے پِچھانہہ پرت کے ویکھیا۔ نریش دے ہتھ وِچ پتنگ اتے ڈور چرکھڑی ویکھ کے اوہ حیران وی ہوئی اتے خوش وی۔ نریش...نِشا...دوہاں دِیاں اکھاں وِچ اِک چمک سی۔ چہریاں تے مُسکراہٹ سی۔ ماں دی کُچھڑ چُکے بالاں وانگ مُسکراہٹ! ‘آ چل چبارے تے چلیے” نریش نے کیہا۔ “چبارے تے !” نِشا کُجھ حیران وی سی۔ “آہو، آ تے صحیح” نریش نے کیہا تے نِشا ذرا سوچ کے اُٹھ ہی پئی۔ چھڑپے ماردی نریش دے پِچھے پوڑیاں چڑھدی گئی۔ چوبارے تے پہُنچ گئی۔ ریشمی چوکے وِچ ہی رُجھی ہوئی سی۔ ہُن آکاش وِچ اُڈ رہیاں بے شُمار رنگ بِرنگیاں پتنگاں دی بھیڑ وِچ رلن لئی دو ہور پتنگاں کالھیاں پے چُکیاں سن۔ “آ پھڑی” کہہ کے نریش نے نِشا دے ہتھاں وِچ پتنگ دِیاں دو نُکراں پھڑا دِتیاں۔ “ایتھے ہی کھڑی” کیہا تے آپنے ہتھ وِچ ڈور چرکھڑی پھڑی نریش ویہہ کُوقدم پچھانہہ ہو گیا۔ نریش دے کہن تے نِشا نے پتنگ نوں کنی دے دِتی۔ نریش نے تُنکا ماریا۔ پتنگ پلاں وِچ ہی اُچائیاں ماپن لگ پئی سی۔ نِشا دِیاں نظراں پتنگ ول سن۔ اوس دے بُلھاں تے مُسکراہٹ سی۔ اوس دے قدم نریش ول ودھ رہے سن۔ نریش کول پہُنچ کے نِشا آپنی مُسکراہٹ سمیت تھائیں ہی کھلو گئی سی۔ “آ لے پھڑ” کہِندیاں نریش نے نِشا دے حق وِچ ڈور پھڑا دِتی۔ ڈور پھڑدیاں نِشا دِیاں اکھاں وِچ اِک مُسکراہٹ نچن لگ پئی۔ “دِھیان نال اُڈاویں. متے لُٹا لوےں۔ میں آپنے چوبارے توں پتنگ اُڈاؤں۔ میرے آلی پتنگ کھٹے رنگ دی آ” کہہ کے نریش بھجدا بھجدا آپنے گھر اپڑ گیا سی۔ نِشا دے ویہندیاں ویہندیاں نریش دُوجی پتنگ لے کے آپنے چوبارے تے پہُنچ گیا سی۔ گوانڈھیاں دے پریتو نے نریش دی پتنگ نوں کنی دِتی سی۔ نِشا ڈور نوں تُنکے مار رہی سی۔ پتنگ اُچی، ہور اُچی ہوئی جا رہی سی۔ پتنگ دی اُچائی دے نال نال نِشا دی خوشی وی ودھ رہی سی۔ اوس دا من وی پتنگ دے نال نال اُڈ رہیا سی۔ پتنگ جِڈیاں اُچائیاں ہی ماپ رہیا سی۔ پلاں وِچ ہی نریش دی پتنگ وی نِشا دی پتنگ دے نال جا رلی سی۔ پتنگ نِشا دی...نریش دی۔ دوویں پتنگاں اڈول اُڈدیاں سن پایاں۔ اِک دُوجی دے نیڑے نیڑے۔ سورج دا ادھ دُمیل دے اُچلے لُک چُکیا سی۔ اچانک ہی نریش دی پتنگ نِشا دی پتنگ نال کھہِ گئی۔ کِسے حادثے دے وانگ۔ نریش نے بڑی واہ لائی پئی پتنگاں نہ اُلجھن پر اوسدی اِک نہ چلی۔ پتنگاں اُلجھ گئیاں ۔ نِشا دی پتنگ ہار گئی سی۔ ڈور نے پتنگ دا موہ تیاگ دِتا سی۔ نریش ولوں اُڈا کے دِتی نِشا دی پتنگ ہُن ہواواں دے رحم تے ہی سی۔ نِشا دا من سوچوان سی۔ “ایس پتنگ نوں ہُن ہواواں نے وی بہُتا چِر آکاش وِچ نہیں سی رکھ سکنا...آخر ایس نے ڈِگنا ہی ڈِگنا ہے۔” ڈکو ڈولے کھاندی ایہہ پتنگ ہُن لگاتار دھرتی ول ہی آ رہی سی۔ گُڈی لُٹاں دی بھیڑ دِیاں نظراں اتے اوہناں دے ودھدے ہوئے کدماں دی دِشا ایسے پتنگ ول ہی سن۔ نِشا دی سوچ ہور ودھیرے تیکھن ہو گئی سی۔ “ہور گھڑی پل نوں ہنیرا ہون توں پہلاں پہلاں ایس پتنگ نے لُٹی پھُٹی جانا ہے۔ لیرو لیر ہو جانا ہے۔ بچ وی گئی تاں کیہڑا میری ہی رہے گی۔ ایہہ تاں کِسے ہور دی ہی ملکیت ہو جاوے گی پھیر!” ایس دے نال ہی نِشا نے ڈور چرکھڑی بھُوآ کے پراں ماری۔ چُبارِیوں تھلے اُتر آئی۔ “ایہہ وی کیہ ہویا کہ آپے ای پتنگ چڑھا کے دِتی تے فیر آپے ای کٹ وی دِتی۔ جے ایہہ مخول ہی کرنا سی تاں چڑھا کے کیوں دِتی سا سُو!” سوچدی سوچدی نِشا گھر دِیاں بروہاں نال لگ کے رون لگ پئی سی۔ اوس دِیاں اکھاں وِچ اتھرو وگ رہے سن۔ بِلکُل اُوےں جیویں پوہ دی سنگھنی دھُند وِچ رُکھاں دے پتیاں توں ترِپ ترِپ کرکے پانی کِردا ہے۔ ایس ویلے ریشمی وی گھر نہیں سی جو اوس نوں ورا دیندی۔ چوکا بھانڈا سانبھ کے کِسے گوانڈھی دے گھر گئی ہوئی سی اوہ۔ چودھری من پُھول تاں سویر دا پھگواڑے گیا ہویا سی۔ اوہ گھر دے مُکن والے سؤدے پتیاں دی پُورتی خاطر ہی شہر گیا ہویا سی۔ اُداس نریش وی ہو گیا سی۔ اوس نے وی کدوں چاہیا سی نِشا والی پتنگ دی ڈور نوں کٹنا۔ اوس نُوں آپنے آپ اُتے انتاں دا روہ آیا سی اودوں ۔ اوہ وی ایس حد تک کہ اوس نُوں آپنی پتنگ دا اُڈنا وی بھیڑا بھیڑا لگن لگ پیا سی۔ اوہ جاندا سی کہ نِشا روندی ہووے گی۔ اوس نے ا اپنی ڈور چرکھڑی تھائیں ہی سُٹ دِتی اتے بھج وگیا نِشا دے گھر ول۔ ہُن کھٹے رنگ دے پِنڈے اتے لال پُوچھل والی پتنگ وی ہواواں دے رحم تے ہی سی۔ ایس پتنگ دا حشر وی نِشا دی پتنگ والا ہی ہونا سی۔ نِشا دے چہرے اُتے دُکھ دے پرچھاویاں دے گوڑھے ہون توں پہلاں ہی نریش نِشا دے گھر پہُنچ گیا۔ نِشا بُوہے نال لگی ڈُسوں ڈُسوں رو رہی سی۔ “نِشا” “میرے نال نہ بول” ناگنی وانگ پھُنکاری سی نِشا! “نِشا سچ منی میں جان بُجھ کے ڈور نہیں سی کٹی۔” نریش دی معصومیت دے بول سن ایہہ۔ “جان کے کٹی سی توں، پہلاں گھر گھر کھیڈدیاں وی تاں جان کے ہی گھر ڈھاہوندا سیں...کہِدے...کہِدے کہ نہیں سی ڈھاہوندا۔” نِشا دی گل سچی سی۔ غیر منطقی وی نہیں سی۔ اِک کمبنی نریش دے متھے توں پیراں تک ہی نہیں، اوس دے روم روم وِچ پھر گئی سی۔ اوہ تاں جیویں پتھر دا بُچھ ہی ہو گیا سی۔ کیہ جواب دیندا اوہ نِشا نوں۔ کُجھ چِر دوویں ہی چُپ رہے۔ فیر نِشا ہی بولی سی۔ “نریش” “ہوں” “غُصے تاں نہیں ہو گیا؟” “نہیں پر سچ منی تیری ڈور میں جان کے نہیں سی کٹی۔” “من گئی۔ پر ہُن میں پتنگ کدی نہیں اُڈاؤنی۔” “کیوں، کیہ گل؟” “آ ویکھ، تیری اُڈا کے دِتی پتنگ دی ڈور نے میری اُنگلی دا کیہ حال کر دِتے۔” نِشا دی وچلی اُنگلی وِچوں اجے وی لہو سِم رہیا سی۔ نریش نے نِشا دے ہتھاں نوں آپنے ہتھاں وِچ بوچ لیا۔ آپنی قمیض دے پلے نال نِشا دی اُنگل وِچوں سِم رہے لہو نوں پُونجھ دِتا۔ نیڑے ہی منجی اُتے پئی اِک ٹاکی چُکی، اوس دی اِک کِناری پاڑی تے نِشا دی اُنگلی تے بنھ دِتی۔ نِشا دِیاں اکھاں وِچ اُبھری ہوئی اُداسی دے ساہمنِیوں نریش وی من ہی من وِچ سوچ رہیا سی” اگوں توں میں وی پتنگ نہیں اُڈاواں گا۔” اچن چیت ہی نریش دی نِگاہ نِشا دی سجی گلھ اُتے پئے لہو دے لال پُونجھیاں تے پے گئی۔ ایہہ پُونجھے نِشا دی سجی اکھ دے ہیٹھلے پاسے سن۔ “نِشا توں اینا کیوں روئی؟” نریش نے پُچھنا چاہیا سی۔ اوس دی جِیبھ صِرف ‘نِشا’ ہی کہہ سکی سی کہ اوس دا گچ بھر گیا سی۔ گھڑی پل وِچ نریش نے آپنے آپ نوں بولن دے قابل کر لیا تے کیہا، “اج توں میں وی پتنگ نہیں اُڈاؤنی۔ “نہ اُڈاویں، پر ِانج دس کہ توں میرے نال ناراض تاں نہیں ہو گیا؟” “نہ بِلکُل نہیں، بس اِک واری ہس کے وِکھادے۔” نِشا ہس پئی۔ اوس دِیاں گوریاں گلھاں تے گُلال دی اِک پرت آئی تے نال دی نال الوپ ہو گئی۔ کُجھ کُجھ سنجیدگی بھری ایہہ لالی جس تیزی نال آئی سی، اوس توں وی کئی گُناں ودھ تیزی نال پرت گئی سی۔ ایس لالی پِچھے لُکی ہوئی اِک سوہی جیہی سنگ وی سی۔ سنگ دا آپنا ہی سُہپن سی۔ نریش نے ایہہ سُہپن تھوڑا تھوڑا محسوس وی کر لیا سی۔ نریش نے منجی اُتے پئی ٹاکی نوں دوبارہ چُکیا پانی وِچ بھِیویا...نِچوڑیا اتے نِشا دے چہرے تے ان سُکھاوےں پلاں دی چُغلی کر رہے نِشاناں نوں صاف کر دِتا۔ ‘اوہ دیکھ تایا جی وی آ گئے’ گھر دا سودا پتہ چُکیں آؤندے من پُھول دے پِچھے پِچھے ریشمی وی تُری آ رہی سی۔ ایس دے نال ہی ایانے مناں دے شنکے وی صاف ہو گئے۔ چھ نیانیاں دے وعدے اکثر کچے پکے ہی ہوندے ہن۔ بچپن دی دوستی والی کچہری وِچ نِشا اتے نریش دا اگوں توں پتنگ نہ اُڈاؤن دا وعدہ تاں جانو کہ پتھر تے لیک سی۔ اوس وعدے توں بعد اِک نہیں...دو نہیں...پُوریاں پنج رُتاں کنیں کترا گئیاں سن۔ ایس لمےں عرصے وِچ نریش نے...نِشا نے..کِسے نے وی پتنگ نہیں سی اُڈائی۔ ایہناں پنجھی ورِھیاں وِچ بہُت کُجھ بدل گیا سی۔ نہیں سی بدلیا تاں دوستی دا پُھل! نریش ہُن ہائی سکول دِیاں کدھاں توں اگانہہ ٹپ چُکیا سی۔ ہُن اوہ لائل پوُر خالصہ کالج، جالندھر وِچ پڑھدا سی۔ ہوسٹل وِچ کمرہ نہ مِلن دی وجہ کرکے اوہ آپنے کئی ہور ساتھیاں وانگ کِرائے دے کمے وِچ ہی رہندا سی۔ لگ بھگ ہر سنِچروار پِنڈ چلے جاندا تے سوموار سویرے جالندھر پرت آؤندا سی۔ ہُن اوہ نیانا نہیں سی۔ سیانا سی بہُت سیانا۔ سوخم اہِساساں والا تے بہُت ہی جذباتی۔ پڑھائی وِچ پہلاں وانگ ہی ہُشیار سی۔ بچپن دِیاں بال کھیڈاں دی تھاں ہُن ہاکی اتے باکسِنگ نے لے لئی سی۔ ہاکی دا تاں مداری سی نریش! نریش ہُن این.سی.سی. دی پریڈ وِچ وی شامل ہوندا سی۔ وردی وِچ اوس دی دِکھ کمال دی سی۔ پریڈ وِچ انوشاسن اتے وِلکھنتا نے افسراں نوں ایس حد تک کیل لیا کہ اوہ این.سی.سی. دے پہلے ورھے وِچ ہی پلاٹون انڈر آفیسر بن گیا سی۔ نِشا وی ہُن دسویں وِچ سی۔ پانشٹے دے کُڑیاں والے ہائی سکول وِچ پڑھدی سی۔ نِشا اُتے اجے جوانی دا پُورا پرکاش تاں نہیں سی ہویا پر ہُن اوہ نیانی وی نہیں سی۔ کانیاں مانیاں دی پُورے دے کہے ہوئے شبد ہُن اوس لئی ارتھ بن چُکے سن۔ اوس نُوں چُنی لین دا چج اتے ارتھ دوویں گلاں پتہ لگ چُکیاں سن۔ ہُن اوہ پہلاں وانگ چنچل نہیں، گمبھیر چِت تے سنویدنشیل سی۔ نِشا نوں پڑھائی وِچ کوئی مشکل پیش آؤندی تاں اوہ آؤندے سنِچروار نوں ہی اُڈیکدی۔ نریش دے پِنڈ آؤن دی کنسوا نال ہی اوہ آپنیاںمشکلاں،کتاباں اتے کاپیاں سمیت نریش دے گھر پہُنچ جاندی سی۔ ہاں، نریش دے گھر لئی تُرن توں پہلاں اوہ ریشمی جاں من پُھول توں ضرور پچھدی۔ نریش دے گھر پہُنچ کے نِشا دِین دِیال تے سوِتری نوں ستِکار دینا کدی وی نہیں سی بھُلدی۔ نریش نِشا نوں جو کُجھ وی سمجھاؤندا، دِل نال سمجھاؤندا۔ نریش دی شیلی ہی کُجھ اجیہی ہوندی کہ اوس دی سمجھائی ہوئی گل نِشا نوں جھٹ سمجھ آ جاندی تے اوہ اوس نُوں مُڑ کدے وی نہ نہ بھُلدی۔ سکول دِیاں ماسٹرنیاں نوں تاں سویٹر دستانے وغیرہ بُنن توں ہی ویلھ نہیں سی مِلدی۔ نِشا دسویں دے پرچیاں دِیاں بوجھل پنڈاں اِک اِک کرکے سِر توں لاہ رہی سی۔ ایہناں دِناں وِچ ہی نریش این.سی.سی. دے کیمپ وِچ ہتھیاراں دی سِکھلائی لے رہیا سی۔ فوجی جنگ دے ہُنر سِکھ رہیا سی۔ ایہی دِن سن جدوں ہندی چینی بھائی بھائی دے نعر ے نوں تریڑ آ گئی سی۔ تریڑ کیہ اصل چ چینیاں نے سجناں والا سوانگ رچ کے وَیر کمایا سی۔ ہِند چین دوستی دا پُھل سڑ سُک کے سُواہ ہو گیا سی۔ دوستی دے نازک پِنڈے دی پِٹھ وِچ خنجر کھُبھیا پیا سی۔ اکھّاں لہو دے اتھرو کیر رہیاں سن۔ ورِھیاں دی دوستی دا پُل پلاں چھِناں وِچ ہی ڈھیہہ ڈھیری ہو گیا سی۔ پنچ شیل دی سندھی لہو لُہان سی۔ تڑپھ رہی سی۔ نیفا دِیاں گگن چُمدیاں پہاڑیاں دا شانت ماحول بمباں تے گولیاں دی واچھڑ نال گونج اُٹھیا سی۔ ایہناں رُکھ وِہونیاں اُچائیاں دے پِنڈے برف دِیاں پرتاں نے ڈھکے ہوئے سن۔ دُدھوں چِٹی بپھر انسانی لہو نال رنگی گئی سی۔ وِچاری برف پہاڑاں دے پِنڈے تاں ڈھک سکدی سی پر وحشیانہ جنگ دی کھیڈ وِچ ڈُلھے انسانی لہو دے داگاں نوں کیویں ڈھکدی۔ ماواں دے پُتر، بھیناں دے وِیر اتے سُہاگناں دے سُہاگ کوہے جا رہے سن، دُولی! توانگ توں تیج پور ول وگدی، پہاڑی ندی نُگم چو دا ویگ متا پانی وگ تاں عام وانگ ہی رہیا سی پر اوسدی کل کل دا سنگیت قتل ہو چُکیا سی۔ ہُن اوہ سنگیت نہیں سی رہیا ۔ راتو رات ریڈیو دِیاں سنچار سُراں بدل گئیاں سن۔ ایس جنگ بارے گل کردیاں شاہ محمد دِیاں سطراں یاد آؤندیاں نیں: شاہ محمدا اِک سرکار باجھوں، فوجاں جِت کے انت نوں ہاریاں نی جنگ دا حشر بھارت اتے بھارتیاں لئی ماڑا ہی رہیا ۔ وڈی شان و شوکت والے ہِندوستان دِیاں نظراں شرم نال جھُک گئیاں ہن۔ بھارت کھیتری طاقت بنن دے سُپنے اُن رہیا سی۔ ایہہ سُپنے دِناں وِچ ہی کِرچاں کِرچاں ہو گئے۔ اُچیاں پہاڑیاں تے میک موہن ریکھا دے نال نال چینیاں نے ہر تھاں تے حملہ کر دِتا سی۔ اُتر پچھم وِچ لداخ توں لے کے اُتر پُورب وِچ ولوگ تک۔ بھارتی فوجاں اڑیاں تاں بس دو تھاواں تے چشول اتے ولونگ۔ ایہہ دیش موقعے دی سرکار تے ہی جاندا ہے کہ ایس جنگ لئی اسیں نہ تاں جنگی طور تے تیار سی اتے نہ ہی نفسیاتی طور تے ۔ بھارت واسیاں دے نال نال بھارت دا آپنا چہرہ بُری طرحاں ولُوندھرِیا گیا سی۔ دُنیا بھر وِچ جانِیا پچھانیا امن دا مسیحا اودوں دا بھارتی وزیر اعظم چاچا نہرو وی اندروں باہروں ہِل گیا سی۔ ایس حملے توں بعد نہرو آپنی گواچی ہوئی شانو شوکت مُڑ حاصل نہیں سی کر سکیا۔ بھارتی اتہاس دے ایس کالے کانڈ توں پہلاں چین دے بُرے اِرادیاں دے اشارے تاں مِلدے رہے۔ پر نہرو چُپ رہیا ۔ چین نوں پرچاؤندا رہیا ۔ چین دے خِلاف بولیا تاں اودوں جدوں پانی سِر توں لنگھ گیا۔ جدوں چینیاں نے ساڈی سرزمیں تے حملہ بول دِتا سی۔ فوج اتے فوجی جرنیل تاں ہی دوشی ٹھہرائے جا سکدے نیں جے کِسے وی پڑاء تے مُلک دے رہِنُماواں نے چینیاں دی بدنیتی بارے کوئی ماڑی جیہی سمبھاونا وی اوہناں تک پہُنچائی ہوندی۔ چینی حملے جاں گھُس پیٹھ لئی تیار رہن نوں کیہا ہوندا۔ جنگ نال جُڑے ریڈیو پرسارناں نوں نریش بڑے گوہ نال سُندا۔ جذبیوں اُونا بچپن بہُت پِچھے رہ کے ماضی دا اتہاس بن چُکیا سی۔ سرحد تے جوجھدے کِسے جوان دی بہادری بھری گانا سُندیاں نریش دے دُھر اندر اِک خواہش انگڑائی لیندی کہ اوسدی خاکی وردی ہری وِچ بدل جاوے۔ عمر دے ورِھیاں اگے نریش دی کیویں چلدی۔ ِانج اوس دے سُپنے دا لمّا وجود پلاں وِچ ہی بونا ہو جاندا۔ سُپنے دا قد چھوٹا ہوندا ویکھ کے نریش ایہہ وی سوچدا کہ سُپنیاں نوں سچ وِچ بدلنا انسان دے آپنے ہتھاں وِچ ہی تاں ہوندا ہے۔ اوس نے من اندر اِک دائیا دھار لیا۔ تہیہ کر لیا کہ اِک نہ اِک دِن اوہ ہری وردی پا کے ہی رہے گا۔ خاکی وردی ہُن اوس نُوں تنگ تنگ لگدی سی۔ نریش وِچ انتاں دی پھُرتی سی۔ ایسے پھُرتی محنت اتے لگن صدقہ اوس نُوں کیمپ وِچ سرووتم کیڈِٹ دی شیلڈ مِلی۔ نِری شیلڈ ہی نہیں، پلاٹون انڈر آفیسر توں کمپنی انڈر آفیسر بن گیا سی اوہ! کیمپ ختم ہون توں بعد نریش نوں پِنڈ پہُنچن دی کالھ سی۔ پِنڈ پہُنچن تک لگن والے سمےں نوں اوہ ایمُنیشن بُوٹاں دے کوکیاں نال مسل دینا چاہوندا سی۔ دسویں دے نتیجے نِکل چُکے سن۔ نِشا چنگے نمبر لے کے پاس ہو گئی سی۔ من پُھول نے نِشا دے کالج داخلے لئی ساری دی ساری ذمہ واری نریش دی ہی لائی سی۔ نریش والے کالج وِچ ہی داخل ہونا سی نِشا نے! نِشا دے داخلے توں علاوہ اوس نُوں ہوسٹل وِچ کمرہ دِواؤن دا آہر پاہر وی نریش نے ہی کیتا سی۔ سبھ کُجھ سہج سی۔ سرل سی۔ ہُن آئے سنِچروار نریش اتے نِشا اِکٹھے ہی شام ویلے پِنڈ آؤندے۔ سوموار سویر سار پرت جاندے۔ پِنڈ والے اڈے توں گھر آؤندیاں تے گھروں اڈے ول جاندیاں پِنڈ نال لگدے چھپڑ کولوں ہی لنگھنا پیندا سی۔ آؤندیاں جاندیاں دُمیل ول ڈُبدے چڑھدے سورج دِیاں سندھوری کِرناں ایہناں دوہاں نوں بوڑھ دے چوڑے چوڑے پتیاں دِیاں وِرلاں وِچ دی ویکھدیاں رہِندیاں۔ آپنی سندھوری بھاء ایہناں دِیاں اکھاں وِچ بھردیاں رہِندیاں۔ شاید ایہی دِن سن کہ بچپن دی دوستی جو جوانی دی دہلیز تک ایہناں دی اُنگلی پھڑی ہوئی سی، ملکڑے جیہے نِشا اتے نریش دے اچیت پُنے وِچ ہی ایہناں دی اُنگلی پیار دے ہتھ وِچ پھڑا کے...آپ ماضی دا اتہاس بن گئی سی۔ ست وقت تِل تِل کرکے تِلکدا رہیا ۔ ورھے بن بن بیتدا رہیا ۔ نریش دے کمرے وِچ، نِشا دے ہوسٹل وِچ نِشا اتے نریش اِک دُوجے نوں مِلدے رہے۔ کوئی روک ٹوک نہیں سی اوہناں نوں! اِک دُوجے دِیاں اکھاں دے سرووراں وِچ حسرتاں دِیاں بیڑیاں دوہاں نے ویکھیاں سن۔ جد کدی وی نِشا اتے نریش مِل بیٹھدے، اوہ رج کے گلاں کردے، فیر وی اکھاں وِچ تردیاں حسرتاں کِسے دی وی جِیبھ دا بول نہ بن سکیاں۔ جِسمانی طور تے نِشا...نریش اِک دُوجے دے نیڑے تاں ضرور رہے پر جِسماں دا نِگھ کدی نہیں سی مانیا۔ ایہناں دا پیار اجے تیک خاموش سی۔ چن تاریاں دی چاننی وانگ سچا تے سُچا...پاک پوِتر۔ ایہناں تِلکے ہوئے ورِھیاں دے مختصر جیہے وقت نے اِک ہور جنگ ہنڈھا لئی سی 1965 وِچ۔ ایس جنگ وِچلیاں دھِراں بھارت اتے پاکستان سن۔ جنگ دا میدان جمو کشمیر دِیاں پہاڑیاں، ایہناں دے پیراں نال لگدا نیم پہاڑی علا قہ پنجاب دے میدان اتے راجستھان دی کوہاں دے کوہ وِچھی ہوئی ریت سی۔ پہلاں بہُت پہلاں...1947 وِچ بھارت نالوں اوس دے دِل دا ٹوٹا اڈ ہون ویلے وی ایہہ دھرتی انسانی لہو نال نہاتی سی۔ پنجاب اِک توں دو ہو گئے سن۔ دوہاں پنجاباں وِچکار اِک پہاڑ جیہی حد کھڑی ہو گئی سی۔ بہوتے لوک آپو آپنی جنم بھوں توں بیگانے ہو گئے سن۔ اوہناں دے ہسدے چہریاں اُتے دہشت اتے ڈر قابض ہو گیا سی۔ گبھروآں دِیاں تنیاں ہوئیاں چوڑیاں چھاتیاں سُنگڑ گئیاں سن۔ اوہناں دِیاں سرو ورگیاں اُچیاں دھوناں وی نیویاں پے گئیاں سن۔ ہزاراں، لکھاں اکھیاں وِچلی وِچارگی نوں رب وی اکھی ویہندا تاں ضرور ڈول جاندا۔ الف ننگی زندگی تھاں تھاں تے دھاہاں مار رہی سی۔ ماواں دِیاں چھاتیاں چوں دودھ نہیں رت دے ٹیپے سِمدے سن۔ ایہہ سبھ کیوں ، کیویں تے کِس لئی ہویا؟ ایہہ گوندا گُندن وِچ کِس کِس دا ہتھ سی؟ ایہہ سبھ کُجھ سوچن دی کِسے نوں وی ویلھ نہیں سی۔ ایہہ وِچارے تاں جاناں بچا کے بھجن دے آہر وِچ سن۔ ونڈ دے کھُردرے پیراں تھلے بہُت کُجھ خاموشی دا رُوپ دھار گیا سی۔ دیش دے نال نال ادیب وی ونڈے گئے سن۔ کئی جوان دِلاں دی محبت دوہاں پنجاباں وِچکارلی خونی لکیر دی بلی چڑھ گئی سی۔ محبت جو ذات پات دِیاں واڑاں ٹپ چُکی سی۔ بندش ہین ہو چُکی سی۔ محبت جس نے کوئی حد نہیں سی منی۔ لیرو لیر کر دِتی سی ایس لکیر نے! نفرت دی خونی لکیر کھِچن والیاں نوں رتی بھر وی شرم نہ آئی۔ اوہناں دے آپنے مسئلے جو حل ہو گئے سن۔ اوہناں نوں پیار محبت نال دُور دا وی واسطہ نہیں سی۔ محبت دے سِرناویاں دا حشر پانی تے کھِچی لکیر والا ہو گیا سی۔ ریت اُتے چھڈی پیڑ وانگ مر کھپ گئے سن محبت دے سِرناویں۔ پیار کرن والیاں اِک واری ہار من کے دُوجے تھاں دِل نہ لایا۔ سماج دے عالم برداراں نے اوہناں نوں آپنی من مرضی دی پوڑیئے چاڑھ دِتا۔ پیار کرن والیاں جِسماں دے نِگھ تاں ہور تھاں سوںپ دِتے پر روہاں دا بدل نہیں سی کیتا۔ ہُن ایس65 دی جنگ وِچ ایہناں دے جمے ہوئے ہی اِک دُوجے دے لہو نال آپو آپنی تروہ بُجھا رہے سن۔ جمن والیاں دِیاں روہاں وِلک رہیاں سن۔ ایس لڑائی ویلے ہری وردی پاؤن لئی نریش دی وِدیک یوگتا تاں پُوری سی...عمر اجے وی اڑِکا بنی بیٹھی سی۔ عمر دا فرق وی بہُتا نہیں سی۔ تھوڑا ہی سی...بہُت تھوڑھا! اَٹھ کالجاں دے سالانہ امتحان نیڑے سن۔ سارے پڑھیار پُورے ورھے دی کھٹی کھٹن دے آہر وِچ رُجھے ہوئے سن۔ نریش نے سینا وِچ کمیشن لین لئی بِنے پتر بھیجیا ہویا سی۔ اِیہنیں دِنیں ہی ِالہٰ آباد دے سروِس سِلیکشن بورڈ ( ایس.ایس.بورڈ) ولوں نریش نوں اِنٹروِیو لئی بلاوہ آ گیا۔ اوس نے سالانہ پرچیاں دی تِیاری وِچے ہی چھڈ دِتی۔ چِروکے سُپنے نوں سچ وِچ بدلن لئی ِالہٰ آباد پہُنچ گیا۔ ِالہٰ آباد، جِتھے ترِوینی دے سنگم استھان تے گنگا، جمنا اتے سرسوتی مِلدیاں ہن۔ گنگا، جمنا وانگ سرسوتی وی بڑا لما پینڈا کچھ کے ایتھے پہُنچدی ہے۔ بدری ناتھ دے اُتر ول بھارت تِبت سرحد تے نِکا جیہا پِنڈ ‘مانا’ وسدا ہے۔ ایتھوں دے بشِندے ‘میری چھِپے رہن دی چاہ’ والے گڑھوالی ہی ہن۔ پِنڈ مانا توں ہوندی ہوئی سرسوتی ندی سرحد دے نال نال وگدی اخیر گنگا جمنا دی ڈھاکے چڑھدی ہے۔ ترِوینی دے سنگم دا اٹُٹ حِصہ بن جاندی ہے۔ ایس. ایس. بی. دے پارکھوآں دی کسوٹی تے نریش پُورا اُتریا سی۔ ایس کامیابی بارے ِالہٰ آباد توں ہی نریش نے آپنے پِتا دین دِیال نوں تار راہیں خبر بھیج دِتی سی۔ اِنٹروِیو توں ویلھیاں ہو کے نریش ترِوینی دے سنگم اُتے اِشنان کرن وی گیا۔ ربوں ہی ایہہ ‘جوگ اِشنان’ دا دِن سی۔ شاستراں مطابق ایس دِن ایتھے اِشنان کرن والے انسان دے سارے پاپ بخشے جاندے ہن، روگاں توں چھُٹکارا مِلدا ہے اتے عمر سو ورھے دی ہو جاندی ہے۔ ایہہ دِن بارھاں ورِھیاں دی وِتھ بعد آؤندا ہے۔ جدوں سورج دوآلے گھُمدیاں نوں دے نوں گرہِ اِک ہی سیدھ وِچ آ جاندے ہن تاں ایس دِن چڑھدے سورج دی پہلی کِرن ترِوینی دے سنگم اُتے ہی ہوندی ہے۔ جوگ اِشنان والے دِن توں کئی دِن پہلاں ہی میلہ بھرنا شروع ہو جاندا ہے۔ ایس میلے نوں “پورن کُنبھ” دے ناں نال وی جانِیا جاندا ہے۔ ِالہٰ آباد توں واپس جالندھر آؤندیاں اگلی سویر دی اُڈیک وِچ نریش رات بھر گڈی وِچ جاگدا ہی رہیا ۔ پُوری رات اوس دے خیالاں دی ندی وِچ سوِتری اتے دِین دِیال دی خوشی دے نال نال نِشا دا چہرہ وی تاریاں لاؤندا رہیا ۔ سورج دِیاں سجریاں کِرناں دی آمد دے نال ہی گڈی جالندھر پہُنچ گئی سی۔ نویں عمر سی۔ نویاں حسرتاں سن تے ایس دے نال نال نویں اتے ٹھوس سپھلتا وی سی۔ نریش سِدھا پِنڈ نہیں سی گیا۔ آپنے جاگدے تے سچ ورگے سُپنے...نِشا نوں مِلن لئی اوس دے ہوسٹل پہُنچ گیا سی۔ اجے، کالج لگن وِچ سماں سی۔ ہوسٹل دی مائی راہیں نرے نے نِشا نوں سُنیہا گھلیا۔ آپ السائے جیہے کامن روم وِچ بیٹھ گیا۔ مسیں پنج مِنٹ ہی انتظار کیتی ہوویگی کہ ‘ہائے نریش’ بنسری دے سُر ورگے بولاں دے نال ہی نِشا وی کامن روم دا حاصل بن گئی۔ “کدوں آئے سی”؟ نال دی نال ہی نِشا نے سوال کر دِتا۔ ‘ہُنے..تے سِدھا تیرے کول۔” نِشا دے چہرے تے مُسکراہٹ آ گئی۔ پل کُو دی چُپ پِچھوں “حضور آہ حالت کیہ بنائی ہوئی اے؟” کُجھ کُھل کے ہسدے ہوئے نریش دا اِشارہ، نِشا دے ننگے سِر اتے اُلجھے ہوئے والاں ول سی۔ تُہاڈا سُنیہا مِلن تے بھجی آئی ہاں۔ سُناؤ اِنٹروِیو کیویں رہی؟ ایس ویلے نِشا آپنے ہتھاں نوں اِک خاص انداذ وِچ ہِلا رہی سی۔ “سی..لیک..ٹِڈ” ذرا چِتھ کے کیہا سی نریش نے۔ “ہیا...کوک...ریچ” پُوری خوش ہو کے دُھر اندروں کیہا سی نِشا نے! نِشا دے اگے ودھے ہوئے کولے ہتھ نُں نریش دِیاں پیڈیاں ا اُنگلاں نے گھُٹیا اتے جِیبھ نے ‘تھینکس’ کیہا سی۔ “اٹھ اپریل نوں آفیسرز ٹرینِنگ سکول مدراس پہُنچنا ہے”، نریش نے نِشا نوں دسیا سی۔ “اچھا! تے فیر فائنل پیپر؟” نِشا نے اچنبھے جیہے نال سوال کیتا تے نریش نے ہسدیاں ہسدیاں کیہا، “چھڈ پراں پیپراں نوں انڈر گریجوئیٹ ہی صحیح۔” فوجی قانون اتے انوشاسن نریش اُتے لاگوُ ہو چُکیا سی۔ اٹھ اپریل نوں مدراس پہُنچن دی مجبوری نے نریش نوں سالانہ پیپراں توں لاںبھے کر لیا سی۔ چار اپریل نوں نریش نے مدراس لئی روانہ ہونا سی۔ صِرف ویہہ دِن باقی سن۔ ویہہ دِناں نے تاں جھٹ ہی پِگھل جانا سی۔ ایہی سوچیا سی نِشا نے کہ اوس دے گورے چہرے تے اُداسی دے پرچھاوےں اُتر آئے سن۔ چہرے تے اُتری اُداسی دا اکھر اکھر نریش دِیاں اکھاں نے پڑھ لیا سی۔ ایس توں پہلاں کہ نریش وی جذباتی ہو جاندا، اوس نے کیہا، “نِشا میں پِنڈ وی جانے، پہلاں کمرے تے جا کے نہا دھو لواں۔ توں وی تیار ہو کے اُدھر ہی آ جا۔” “ٹھیک ہے۔” “کدوں تک آئیں گی؟” “تُسیں چلو میں آئی۔” “او کے سی یو” کہہ کے نریش آپنے کمرے تے پہُنچ گیا۔ کمرہ جو اوس دا سبھ کُجھ سی تے جس اوس دا کُجھ وی نہیں رہنا، پر ایس کمرے نے اوس دے چیتیاں ‘چوں کدی وی منفی نہیں سی ہونا۔ نریش نہا دھو کے تیار ہو چُکیا سی۔ اوس نے آپنا سارا سمان وی بنھ لیا سی۔ نریش اتے اوس دا سارا سمان کمرے توں وداع ہون لئی تیار سن۔ دیر سی تاں بس نِشا دے آؤن دی۔ نریش دِیاں کِتاباں اتے نوٹس وغیرہ اِک سیبے وِچ بجھے ٹرنک اُتے پئے ہوئے سن۔ نریش الانی منجی تے بجھے ہوئے بِسترے دی ڈھوا لائی سُستا رہیا سی۔ دروازے تے کھٹ...کھٹ دی آواز ہوئی۔ چ.ر.ر.ر. کرکے بوہا کُھلیا اتے ڈھُک گیا۔ مہک نے اندر آ کے انگڑائی لئی۔ سارے دا سارا کمرہ مہِکا دِتا۔ نریش بیٹھا ہو گیا۔ اوس دی مُسکراہٹ نے نِشا نوں جی آیاں کیہا۔ نِشا دے چہرے تے خوشی سی۔ اُداسی سی۔ دوویں چیزاں سن۔ ‘سُنا فیر نِشا پیپراں دِیاں تیاریاں کیویں چل رہیاں ہن؟” “بہُت ودھیا” کہہ کے نِشا کمرے وِچلی نریش والی اِکو اِک منجی دی ہے تے بیٹھ گئی۔ ‘مدراس، تیرے توں دُور وقت بڑا لنگھیا کرو۔” ایس دے نال ہی اِک ڈونگھا جیہا ساہ کھِچیا سی نریش نے۔ “وقت ایدھر کیہڑا سوکھا لنگھنے پر تُسیں آپنی ٹرینِنگ دِھیان نال کرِیو۔” “لے اِدے وِچ تینوں کوئی شک آ!” “نہ شک تاں کوئی نہیں، ہاں سچ، مدراس وڈا شہر آ۔ اُتھوں دِیاں ہوراں توں بچ کے رہیں۔” نریش دی کلائی پھڑ کے کیہا سی نِشا نے۔ بے پرواہی نال مُسکراؤندی نِشا دِیاں اکھاں وِچ اوس دا دِل وی دِس رہیا سی۔ بھولا جیہا دِل۔ “نِشا! میری تاں اِکو ای حور اے۔” کہہ کے نریش نے نِشا دی گلھ تھاپڑ دِتی تے گل تُردی رکھدیاں کیہا، “جان توں پہلاں اِک دو وار ہی مِل ہونے آپنی حور نوں۔” ایس ویلے نِشا دِیاں خوبصورت اکھاں وِچ پانی سِم رہیا سی۔ نِشا نے آپنیاں بھِجیاں پُتلیاں اُتانہہ چُکیاں تے نظر اِک ٹک نریش دے چہرے تے جمعں لئی۔ اوس دا دِل کیتا کہ اوہ ساری دی ساری پِگھل کے نریش دے چہرے وِچ ہی لُک جاوے۔ ایس دے نال ہی اچیتنا دی حالت وِچ نِشا نے نریش دے سجے ہتھ آپنے گورے اتے کُلھے ہتھاں وِچ گُھٹ لیا۔ اج توں پہلاں وی ایہناں ہتھاں نے اِک دُوجے دی چھوہ نوں محسوس کیتا سی پر اودوں ایہہ انجان ہتھ سن۔ ورِھیاں دی پُلانگھ نال پُلاںگھ دھرتی عمر نے نِشا اتے نریش دے جیون کتاب تے بچپن اکھر نوں مِٹا کے جوانی لِکھ دِتا سی۔ بے لغام جوانی دے جوان ہتھاں دی پیار چھوہ نال ہتھ اِک وِشال سمُندر بن گئے۔ سمُندر دی وِشالتا وِچوں اِک لہر اُٹھی تے جِسماں وِچ دی چھنن چھنن کرکے گُزر گئی۔ نِشا اتے نریش دا، دوہاں دا نواں تجربہ سی ایہہ۔ نِشا دے ہتھ کِنا چِر نریش دے ہتھ دا دستانہ بنے رہے۔ دوہاں دِیاں اکھاں وِچ جوبن دا سرور ودھدا گیا۔ باہر سڑکاں اُتے، شہر وِچ اتے دُنیاں وِچ سبھ کُجھ عام وانگ آپو آپنی چالے تُر رہیا سی۔ کمرے اندر تاں وقت کھلو گیا سی۔ سُمیر پربت دے وانگ! پچھم ول جھُک رہے سورج دِیاں دِن بھر دِیاں تھکیاں ٹُٹیاں کِرناں دے جھُنڈ نے بُوہے دی وِرل وِچوں نریش نوں نِشا دے گورے ہتھ آپنے بُلھاں نال چُمدیاں ویکھ لیا سی۔ سورگ دی اُساری وِچ رُجھے دِلاں نوں ویکھ کے کِرناں وی مُسکرا رہیاں سن۔ سارے دِن دی تھکاوٹ بھُل گئی سی ساریاں دِیاں ساریاں کِرناں نوں۔ صورتحال کوئی وی ہووے چِر ستھائی نہیں ہوندی۔ سدیویں نہیں ہوندی۔ اوس وِچ کدی نہ کدی چڑھائ اُترائ ضرور آؤندا ہے۔ ملکڑے جیہے نِشا نے نریش دے ہتھ دوالِیوں آپنے ہتھ پچھانہہ کِھچ لئے اتے کیہا، “تُسیں پِنڈ وی تاں پہُنچنا ہے۔” ایس دے نال ہی رنگین پل اِک وِسریا ہویا سُپنا بن گئے۔ “ہاں ہُن توں وی ویلے سِر ہوسٹل پرت جا میں پرسوں جاں چوتھ پھیر آواں گا۔” تے ایس دے نال ہی نریش نِشا نوں وداع کرن لئی منجی توں اُٹھ کھلوتا۔ “ہاں سچ نِشا، آہ بنڈل سانبھ لے۔” ‘بنڈل!’ ‘کِتاباں تے نوٹس فائنل ائیر دے۔ میرے لئی تاں بنڈل ہی ہن۔ تیرے بہُت کم آؤن گے اگلے سال۔ تیرے لئی بڑے کم دی چیز نے۔ پسند وی آؤن گے۔ ایس ویلے دوویں اِک دُوجے دِیاں اکھاں وِچوں آپو آپنا مستقبل ویکھ رہے سن۔ نِشا دِیاں اکھاں وِچ اُداسی سی۔ نریش نے کِتاباں اتے نوٹس ٹرنک اُتوں چُکے اتے نِشا دے ہتھاں نے بوچ لئے۔ اِک پیاری جیہی مُسکان نے نریش دا دھنواد وی کیتا۔ انچاہے جیہے من نال نریش نے نِشا نوں ہوسٹل لئی وداع کر دِتا۔ نِشا دے جان توں بعد نریش اِک واری فیر منجی تے لیٹ گیا۔ کُجھ سوچن لگ پیا...آپنے بارے..نِشا بارے۔ شاید ایہی کہ اِک دُوجے دِیاں اکھاں وِچ ویکھیاں حسرتاں جِیبھ دے بول بنیاں وی تاں اودوں جدوں کہ وِچھڑن دی گھڑی نیڑے ہی...عین نیڑے کھڑی سی۔ کمرے توں وداع ہون توں پہلاں نریش دِیاں نظراں نے کمرے دا کونا کونا بڑے پیار نال ویکھیا۔ ویکھدا وی کیوں نہ! بھاوےں ایس کمرے نے کدی وی نریش دی ملکیت نہیں سی بننا۔ پر، ایس وِچ سِرجیا سورگ تاں اوس دی ملکیت سی۔ سورگ، جو اجے اِک سُپنا سی۔ کِسے دُور دراڈی ادِکھ ندی وِچ تردا ہویا سُپنا۔ سُپنا نریش دا...نِشا دا...دوہاں دے سانجھے سورگ دا سُپنا! نَوں نریش دے فوج وِچ کمیشن لئی چُنے جان دی خبر دے نال ہی دِین دِیال دے چہرے تے پکے ہوئے کاٹھے بیراں دی لالی اُتر آئی سی۔ چھاتی وی گِٹھ چوڑی ہو گئی سی۔ ایہہ خبر آپے ہی پِنڈ دے گھر گھر وِچ فیر گئی سی۔ سارا دِن ودھائیاں تے ودھائیاں آؤندیاں رہیاں سن۔ پِنڈ دی برادری نوں جلسے دے نال نال دین دِیال نے پُوجا پاٹھ اتے دان دکھنا دی وی کوئی کسر نہیں سی چھڈی۔ مندر وِچ بھنڈارا کروایا سی۔ مندر، گُردوارے، سکول اتے پنچائت لئی وِت مطابق دان دِتا سی۔ دو تِن دِناں توں چڑھدے لیہندے سورج دِیاں کِرناں نے سوِتری اتے دِین دِیال لئی اُڈیک دے نقش دھار لئے سن۔ صُورت است ہو رہیا سی۔ اُڈیک اتے اُتسُکتا نال دھڑک رہے گھر وِچ اِک دستک نے حرکت لے آندی سی۔ دستک دے نال ہی نریش دے قدم ویڑھے دا حاصل بن گئے سن۔ نریش خوش سی...بہُت ہی خوش۔ اوس نے ماتا پِتا دے پیریں سِر جھُکا کے ستِکار دِتا۔ اوہناں دی اسیس پراپت کیتی۔ دین دِیال نے نریش نوں جپھی پا لئی۔ ہِک نال لایا اتے اوس دی کنڈھ نوں بڑے موہ نال تھاپڑِیا۔ نریش نے تروینی دے سنگم استھان تے جوگ اِشنان کرن بارے دسیا تاں سوِتری اتے دین دِیال بہُت ہی خوش ہوئے سن۔ دو تِن دِن پِنڈ رہ کے نریش فیر جالندھر گیا۔ نِشا نوں نال لے کے فِلم دیکھی۔ فِلم سی بسنت۔ ایس فِلم وِچ مدھو بالا چار پنج سالاں دی بال کلاکار سی۔ شاید ایہہ فِلم مدھو بالا دی پہلی ہی فِلم سی۔ ‘میرے چھوٹے سے من میں چھوٹی سی دُنیا رے’ گیت تے مدھو بالا دی اداکاری بڑی پیار لگ رہی سی۔ نریش دے چیتیاں دی کینوس تے اچن چیت ہی نِشا دے بچپن دے نقش اُبھر آئے سن۔ دھُپڑ چھاؤں کھیڈدی نِشا دے نقش۔ بوڑھے دے ٹاہن نال لمکدی نِشا دے نقش۔ سکولے پڑھن جا رہی تے پڑھ کے گھر پرتدی نِشا دے نقش۔ ایس دے نال ہی نریش نے نِشا دے موڈھیاں اُتوں دی بانہہ ولا لئی۔ آپنے نال جیہے لا لیا اتے کیہا، “نِکی ہوندی توں وی تاں ایہو جیہی لگدی سیں۔” “توں ہُن؟” نِشا دا سوال سی۔ “ہُن...ہُن کیہڑے پاسِیوں گھٹ اے توں؟” کہہ کے نریش نے نِشا دے موڈھیاں تے ولی ہوئی بانہہ دا دبا رتا کُوودھا دِتا۔ ایس دے نال ہی نِشا کُجھ جھِجکی، سِمٹی اتے شرما وی گئی سی۔ فِلم ختم ہون تک سورج پچھم دی دُمیل ٹپ چُکیا سی۔ نِشا دے ہوسٹل پرتن دا وقت وی نیڑے لگ چُکیا سی۔ فِلم ختم ہون بعد نریش تے نِشا تھوڑھا جیہا پکی سڑک تے تُرے۔ اِک پُلی آ گئی۔ پُلی تے پہُنچدیاں ہی نریش نے نِشا نوں کیہا، “ایتھوں سوئے سوئے چلدے ہاں۔ سیر دی سیر نالے پینڈا وی گھٹ۔” “ٹھیک آ” کہِندیاں نِشا نریش دے نال ہی سوئے دی پٹڑیے پے گئی۔ وگدے سوباے دے پانی دا سنگیت، دُولی بوگن وِلیئے دِیاں ویلاں، سفیدے اتے ٹالھیاں دے رُکھ اوہناں دے دِلاں وِچ جھرناہٹ پیدا کر رہے سن۔ دِلاں دی دھڑکن ودھا رہے سن۔ نریش دے ہتھ نوں نِشا دِیاں کومل اُنگلاں نے مُٹھی جندرا مار رکھیا سی۔ ٹِم ٹِماندے سِتاریاں دی روشنی نے ایہناں دوہاں دِیاں اکھاں وِچ آلھنا پا لیا سی۔ پر چانن دی تھاں ہنیرے نے مل لئی سی۔ ہنیرے نوں ایہناں دے پرچھاوےں ہور گوڑھا کر رہے سن۔ ہنیرا اڈو اڈرے پرچھاویاں دے استِتو نوں ختم کر رہیا سی۔ نِشا نوں ہنیرے وِچ نریش دے نال تُرنا چنگا چنگا لگ رہیا سی۔ ہنیرے وِچ گواچ جانا چاہوندی سی اوہ۔ اوس نے کُجھ ایس طرحاں محسوس کیتا کہ جیویں اِک ہور سُوآ اوسدی اندرلی کِسے رگ وِچ وگن لگ پیا ہے۔ اوسدی ساری دی ساری کایا وِچ اِک عجیب جیہی کمبنی چھِڑ پئی سی۔ اچن چیت ہی اوس نُوں احساس ہویا کہ اوس دے ہتھ وِچلا ہتھ تاں غیر حاضر سی۔ نِشا ڈر گئی سی۔ اوہناں پلاں وِچ ہی تیج دے چن دی مدھم جیہی روشنی دبے پیریں آئی۔ ایس دے نال ہی پٹڑی دے پُوجے پاسے نریش نوں نِشا نے ویکھ لیا۔ سُکھ دا ساہ لیندیاں نِشا نے پُچھیا، “مینوں کدوں چھڈ گئے سی؟ ایس دے نال ہی دو کُو کالھے کالھے قدم پُٹ کے نِشا نریش کول اپڑ گئی۔ “جدوں توں چھڈ گئی سی” کہہ کے ہُن نریش نے نِشا دا ہتھ پھڑھ لیا سی۔ اِک دُوجے دا ہتھ پھڑی اجے کالج ہوسٹل دے ادھ وِچ وی نہیں سن پہُنچے کہ ‘نریش تیرے نال تُردی تُردی میں آپنے آپ نوں بھُل گئی ساں۔ میں کِسے نال کدی تُری وی تاں نہیں۔ بس ہُن میرا ہتھ نہ چھڈیں” نشہ دے ایہہ لفظ کہن سار ہی نریش نے نِشا نوں آپنیاں باہواں دے ولیویں وِچ لے لیا۔ پیار دے سُچیت جذبیاں دی شدت وِچ ہی نریش دے مونہوں بول کِرے سن، “نِشا...اج توں آپاں اِک دُوجے دے مناں دے ہتھ پھڑ لئیے۔” نریش دِیاں باہواں وِچ سِمٹی نِشا دا سریر اِک وار تاں کمب اُٹھیا سی۔ نِشا کِسے سوچ وِچ ڈُب گئی سی۔ کُجھ پلاں دی چُپ نوں توڑیا وی نِشا نے ہی سی۔ “نریش” “ہوں” “اِک گل دسیں گا؟” “کیہ” “جیہڑی منزِل پہُنچ توں بہار ہووے... اوس دے سُپنے پالنے کیہ ایہہ بھرم پالن والی گل نہیں؟ کیہ ایہہ پاگل پن نہیں؟” اِک بُجھارت جیہی پا دِتی سی نِشا نے! نریش دی سوچ دے امبراں تے پِنڈ دا ماحول بھنبو تارے بن کے نچن لگ پیا سی۔ اوس دے متھے وِچ اِک رولا جیہا پین لگ پیا سی۔ متھا تیر وانگ تن گیا سی۔ اصلیت دے لیڑے پا کے اِک سوچ سون دی بدلی وانگ اُٹھی۔ نریش دے دِل اتے دِماغ دے ریشے ریشے وِچ پھیل گئی۔ سوچ چودھری من پُھول اتے دین دِیال دی دوستی دی سی۔ کچے دودھ دی مہک ورگی سچی تے سُچی دوستی دے اتہاس دی۔ دوستی دا اتہاس جو نریش دی عمر توں وی کئی ورھے لما سی۔ ایہی اتہاس تاں تھمھ سی من پُھول دے وِشواس دا۔ ایسے وِشواس سِر اوس بھابی ریشمی دی ٹوکا ٹاکی دے باو جود نِشا نوں بچپن وِچ مُنڈیاں نال کھیڈنوں وی کدی نہیں سی ورجیا۔ وِشواس دا ایہہ تھم تاں اج وی اڈول سی۔ سوچاں دے وا ورولے وِچلی اکھ نے پیار دی نِسری ہوئی فصل تے گڑھیمار ہوندی تاں ویکھ لئی سی پر دِن دے چڑھا ورگے سچ نوں من کیویں جھٹلا دیندا۔ نریش دے چہرے تے پرتکھ رُوپ وِچ آئی سنجیدگی نِشا دے سوال دا جواب بن گئی۔ “نِشا! ارادہ مضبوط ہووے تاں ناممکن توں ناممکن سُپنے وی سچ بن جاندے نیں۔” ایہہ قہقے نریش نے نِشا دا متھا چُم لیا۔ گھڑی پل بعد نِشا دُوآلِیوں بانہواں دا ولیوا ہٹا کے اوس دا اِک ہتھ آپنیاں پیڈھیاں ا اُنگلاں وِچ لے لیا۔ ہُن ہنیرے نوں ہور گُوڑا کردے دوہاں دے قدم اتے پرچھاوےں ہوسٹل ول ودھن لگ پئے۔ ہوسٹل پہُنچن توں بعد وی...اِک دُوجے دے مناں دے ہتھ پھڑ لئے” نریش دے ایہہ بول نِشا دے کناں وِچ مِشری گھولدے رہے۔ جنم جنم دے ساتھ دا وعدہ دوہاں دے روم روم وِچ رچ چُکیا سی۔ دوہاں دے مناں تے اُکریا گیا سی ایہہ وعدہ۔ نریش دے واپس پِنڈ پہُنچن توں پہلاں تیج دا چن آپنی مست جیہی روشنی نوں سمیٹ کے کدوں دا سؤچ چُکیا سی۔ دس نریش دے ایہہ بول کہ ارادہ مضبوط ہووے تاں ناممکن توں ناممکن سُپنے وی سچ بن جاندے نیں۔ ہولی ہولی، نِشا دا وِشواس وی بن گئے۔ نریش دے وِشواس دی ستھِرتا توں اُلٹ نِشا دا وِشواس کدی کُھلھے آکاش وانگ پھیل جاندا تے کدی سُنگڑ جاندا سی۔ گئی رات نِشا نوں چج نال نیندر نہیں سی آئی۔ رات دی چُپ وِچ ہر آؤندی جاندی ریل گڈی دی چیک نال نِشا دا تراہ نِکلدا رہیا ۔ ساری رات جاگو میٹی وِچ ہی لنگھ گئی سی۔ پُوری رات اُسلوٹے بھندیاں ہی کٹی سی اوس نے ۔ دِنے اُٹھن بعد وی نِشا دا من اُپرام ہی رہیا ۔ ہر پل نریش دا عکس اوسدی بِرتی نوں کرِنگڑی پا لیندا۔ من دا روا بدلن لئی اوہ کوئی کاپی جاں کتاب پھولدی تاں اوس اُتے لِکھے ہوئے اکھر وی نریش دے ہی نقش بن جاندے۔ سورج پچھم دی گود وِچ پناہ لے رہیا سی۔ رات دا نیم جیہا ہنیرا دِن دی لو نوں نِگل چُکیا سی۔ رات دی سیاہی من چاہے ڈھنگ نال پھیل چُکی سی۔ کھِلری پئی چاننی نوں رات دی سیاہی نے ہولی ہولی لپیٹ لیا سی۔ نِشا دے دِل اندرلی ٹِک ٹِک دی لے کدی ٹُٹدی سی...کدی جُڑ جاندی سی۔ اوس دے آؤندے جاندے ساہواں دی گتی وی اِک سُر نہیں سی۔ دِل دی پُستک وِچ نریش دے نقش سنبھالی اوہ آپنے کمرے دے بُوہے دی کُنڈی مار کے ہوسٹل دے کامن روم وِچ جا کے بیٹھ گئی۔ چُفیرے چُپ سی۔ کامن روم وِچ نِشا دے سِوائے کمرے دی چُپ ہی سی۔ اچانک باہر برانڈے وِچوں اِک پیر چاپ نِشا دے کنی پئی۔ پیر چاپ مرداویں سی۔ نِشا دی جانی پچھادی پیر چاپ! بیت چُکے پلاں دی تیکھنتا نوں بھُل کے نِشا اُٹھی اتے برانڈے وِچ پہُنچ گئی۔ اُڈیک دِیاں تھکاویاں گھڑیاں اِک پل وِچ ہی بھُل بھُلا گئیاں سن۔ “نریش” لگ بھگ چیکی سی اوہ۔ “ہائے نِشا” نریش نے نِشا نوں باہواں وِچ پرو لینا چاہیا۔ اوس دِیاں ادھ کھُلیاں باہواں آپ مُہارے ہی واپس سِمٹ گئیاں ۔ ہاں ایس پِچھوں نریش دے اگے ول ودھے ہوئے ہتھ نوں نِشا دے سجے ہتھ دی کوملتا نے پھُلاں جیہا ہُنگارا بھریا سی۔ “آؤ کامن روم وِچ بیٹھدے ہاں۔” “چل، بس دس پندراں مِنٹ ہی ہن۔” “کون کون آیا نال؟” “پِتا جی، بیجی، چاچا (من پُھول )تے پریتم” “سارے کِتھے نیں ہُن؟” “اوہ تاں سٹیشن تے پہُنچ گئے ہونے نیں۔ میں تاں بہانہ مار کے تینوں مِلن آ گیا۔” ہُن لمے وِچھوڑے لئی تیار دو پیار بھِجیاں روہاں کامن روم وِچ بہندیاں سن۔ بہن ویلے نِشا دی چُنی سِر توں ڈھِلک کے اوہدے موڈھیاں تے ٹِک گئی سی۔ اوس دے والاں دا جادو نریش نوں کیل رہیا سی۔ کامن روم دے بریک پاردرشی پردیاں وِچ ہی باہرلیاں ٹیوب لائیٹاں دے چانن صدقہ ہوسٹل دے باغیچے دا گھاہ نظر آ رہیا سی۔ مست ہوا وِچ جھومدے اشوک رُکھ، گُلاب اتے ہور پُھل بُوٹے وی آپو آپنا حُسن لُٹا رہے سن۔ نِشا اتے نریش دے دِلاں اندرلا پیار دا ہڑ ایہناں سارے پُھل بوٹیاں دے سُہپن نال کھہِ رہیا سی۔ کامن روم وِچ انسانی جِسم تاں صِرف دو ہی سن۔ ایہناں توں علاوہ اِک بھیڑ جیہی سی یاداں دی۔ اگڑ پِچھڑ آئیاں بے ترتیب جیہی اں یاداں دی بھیڑ نے گھڑمس جیہا پا دِتا سی۔ یاداں دی ایس بھیڑ نے...بھیڑ دے گھڑمس نے...گلاں وی اُلجھا دِتیاں سن۔ کُجھ وی ہووے تِلک چُکے ورِھیاں دِیاں یاداں نے جِیوندے اج نال اِک سُر ہو کے گلاں کیتیاں سن۔ گلاں ورتمان دِیاں۔ گلاں مستقبل دِیاں۔ جنم جنم دے ساتھ والے وعدے نوں ہور پیڈھیاں کر لیا سی...نِشا نے...نریش نے...دوہاں نے۔ وداع دی گھڑی ویلے نِشا دِیاں اکھاں بھر آئیاں سن۔ پر، اکھاں دے کویاں وِچ سِمے پانی نوں اندرے اندر ہی پی گئی سی۔ سرلتا دی تصویر نِشا نے پُورے دے پُورے نریش نوں آپنیاں ہرنوٹیاں اکھاں دے اندر ہی ولیٹ لیا سی۔ نریش نِشا دِیاں اکھاں وِچوں لِشکاں ماردے لپھزاں نوں پڑ رہیا سی۔ “میں...تیری ہاں...صِرف تیری۔” “نِشا وقت ہو گئے” سُن کے “او. کے. گُڈ لک” کہِندیاں نِشا نے آپنے گورے ہتھ نال دروازے ول اِشارہ کیتا۔ اِشارے نال ہی نریش لُو اگے لگن لئی کیہا۔ آپ نریش دے پِچھے پِچھے تُرن لگ پئی۔ ہرے کچور بگیچیاں دے وِچ وِچالِیوں دُھر گیٹ تک نریش نوں وداع کرن گئی سی نِشا! ہوسٹل وِچلے آپنے کمرے تک دی واپسی دا پندھ پِنڈ والے سکول توں وی کِتے ودھ لگِیا سی اوس نُوں ! اِک دُوجے توں وداع ہون توں پہلاں نریش نے نِشا دے..نِشا نے نریش دے من والے ہتھاں نوں کرِنگڑی پا لئی سی۔ ریلوے سٹیشن تے دین دِیال، سوِتری، من پُھول اتے پریتم توں علاوہ نریش دے کُجھ کالجییٹ دوست وی حاضر سن۔ گڈی دے پہُنچن تے نریش نے سارے مِتراں نال دُعا سلام کیتی۔ سوِتری، دین دِیال اتے من پُھول ساریاں نوں ستِکار دِتا۔ نریش نے پہلی وار گھروں بہُت دُور جانا سی۔ اولاد توں وِچھڑن لگیاں ماپیاں دِیاں آندراں نوں کِھچ پیندی ہی پیندی ہے۔ سوِتری اتے دین دِیال دِیاں اکھاں وِچ اتھرو بھر آئے سن۔ پر ایہناں اتھروآں وِچ اِک سُکھ سی۔ روحانی سُکھ! ‘جاندیاں سار خط پاویں’ سوِتری نے ہُکمیا لہجے وِچ آکھیا سی۔ ‘چنگا بیجی’ کہہ کے نریش دین دِیال دے پیریں جھُکن مگروں سوِتری دے گلے لگ پیا۔ سوِتری دے گُلابی مُکھ نوں آپنے دوہاں ہتھاں وِچ پھڑ لیا۔ اگوں سوِتری نے اوس دا مُتھا چُمیا۔ سوِتری اتے دین دِیال دی اسیس لیندیاں ہی نریش تُر رہی گڈی وِچ داخل ہو گیا۔ گڈی آپنی رفتار تے چل پئی سی۔ نریش کُجھ چِر دروازے وِچ کھڑا رہیا ۔ پِچھے ول ویکھدا رہیا ۔ وداع کہہ رہے ہتھاں دِیاں تلیاں لئی اوس دا ہتھ نظر دی پرواز تیکر ہُنگارا بنیا رہیا ۔ وِدائگی لئی ہِلدے ہتھاں وِچلی دُوری ودھدی ودھدی آپ ہی ہنیرے دے خلاء وِچ گواچ گئی سی۔ جالندھر دی جوہ پِچھے رہ گئی۔ یاداں دی پنڈ تاں نریش دے نال ہی سی۔ ٹھل پا پا کے چِروکنے ڈکے ہوئے نریش دے اتھرو وی ویہہ چُکے سن۔ نریش دی نیندر وِچ جالندھر والا کِرائے دا کمرہ اِک سمُندر بن گیا۔ چن چاننی رات...ٹِمٹِماندے تارے۔ سمُندر وِچ اِک نہیں، دو نہیں..کئی بیڑیاں ترن لگ پایاں۔ بیڑیاں دی بھیڑ وِچ اِک بیڑی دے ملاح نِشا اتے نریش سن۔ دوہاں دے ہتھاں وِچ اڈو انڈرے چپو سن۔ بیڑی وِچ ہواواں نال ڈولدی ماضی دے دیویاں دی لوء سی۔ چھلاں دے نال نال اُٹھدی بیٹھدی بیڑی پتن ول تاں ودھ رہی سی۔ پر پتن بہُت دُور سی اجے! اینی دُور کہ ہُنگارا وی نہیں سی بن سکدا۔ نریش دی اکھ کھُلی تاں گڈی قاضی پیٹ دے نیڑے تیڑے سی۔ باہر بھاری مشینری بناؤن دے کارخانے کوہاں تیکر پھیلے ہوئے سن۔ وِچ وِچالے کھیت وی دِسدے۔ پُورب ولوں سورج سُنہِری کِرناں دے پُوراں دے پور بِکھیر رہیا سی۔ نِکے نِکے چھنباں دے پانی لِشکوراں مار رہے سن۔ ایہناں چھنباں دے پانیاں وِچ چڑھدے سورج دِیاں کِرناں اِشنان کر رہیاں سن۔ مدراس پہُنچن لئی اجے اِک دِن دا سفر باقی سی۔ پُورے ست دِن ہو گئے سن نریش نوں گیاں۔ نِشا دے سالانہ پیپر شروع ہو چُکے سن۔ کئی وار اوس دے من اندر اِک تراٹ اُٹھدی۔ ایس دا عِلاج وی اوہ آپ ہی لبھ لیندی۔ آپنے اندر نال گلاں کرکے۔ نریش تاں اوس دے اندر وسدا سی۔ اندر دی چُپ اِک ہُنگارا بن جاندی۔ نِشا دِیاں کیتیاں گلاں دا ہُنگارا! اج نِشا دے نام اِک خط سی۔ مدراس 1984 بہُت ہی پیاری نِشا! یاد میں ایتھے ٹھیک ٹھاک پہُنچ گیا ہاں۔ تیرے ناں ایہہ میرا پہلا خط ہے۔ اج ہی پِنڈ وی چٹھی پائی ہے۔ اج شام نوں سبھ توں پہلاں چڑھن والے تارے ‘وینس’ نوں ویکھیا سی۔ چیتے ای کالج پارٹی والے دِن توں اِک گیت گایا سی : ‘انبراں تے چڑھے گا۔ کوئی یاد تینوں کرےگا، پردیس وسن والیا۔’ ‘وینس’ نوں ویکھن سار تیرے بول میرے کناں وِچ گونجن لگ پئے سن۔ شِو نے آتھن دا تارہ ‘وینس’ نوں ہی کیہا سی۔ کئی گورے تاں پیار نال آپنیاں دھیاں دا ناں وینر رکھ دیندے ہن۔ وینس شام نوں چڑھدے ول سبھ توں پہلاں دِسدا ہے۔ سویرے سویرے لیہندے ول دُوجے سارے تاریاں دے است ہون بعد وی کُجھ چِر لئی ٹِمٹِماؤندا رہندا ہے۔ دو ویلے اجیہے ہوندے ہن جدوں آسمان تے وینس توں علاوہ ہور کوئی وی تارہ نہیں دِسدا۔ روز سویرے شام وینس نوں ضرور ویکھیا کریں۔ اودوں ، میں وی وینس نوں ہی ویکھدا رہاںگا۔ ٹھیک اے نہ۔ ایداں اسیں روز اِک دُوجے نوں مِل لیا کراں گے۔ تیرے پیپر چل رہے ہون گے۔ پرچے دِھیان نال دیویں تے لِکھی کہ کیویں دے ہوئے ہن۔ ہور کوئی پِنڈ دی نویں تازی خبر سار ہووے تاں لِکھی۔ جواب چھیتی دیویں۔ تیرا صِرف تیرا نریش میرا پتہ نمبر ٥٧٩١ جی. سی. نریش کُمار جسامی کمپنی آفیسرز ٹرینِنگ سکول،مدراس نِشا دا جواب آؤن تک نریش دی سِکھلائی صحیح ڈھنگ نال شروع ہو چُکی سی۔ بہُت سخت سی سِکھلائی۔ کدی کدی سِکھر دوپہر دی ورھدی اگ وِچ ایکسٹرا ڈرِل ویلے ڈرِل اِنسٹرکٹر حوالدار چین سنگھ چیکدا “جی...سی...ایس میں زیادہ بولونگا نہیں۔ میری اُنگلی کے اِشارے پر آپ اوپر کو جنگ لگائیں گے اور ایڑی کے بل نیچے آئیں گے...ایسے” کہہ کے چین سنگھ اوہناں نوں آپ نمونے وجوں اِک جمپ مار کے وِکھا دیندا۔ کئی وار اُتوں سکول ایڈجوٹینٹ(انوشاسن لئی ذمہ وار ادھیکاری)میجر وِجے سنگھ گھوڑی تے سوار ہو کے آ جاندا۔ کیڈِٹس لئی نِری دہشت سی اوہ۔ “چین سنگھ اِن جےںٹل مین کیڈِٹس کو مِٹی مے مِلا دو نہیں تو میں تُمہیں بے چین کر دوں گا۔” کہہ کے میجر وِجے سنگھ تاں گھوڑی دی مُہار آپنی کوٹھی ول موڑ لیندا۔ پر، چین سنگھ کیڈِٹس لئی ہور کرڑا ہو جاندا۔ ایکسٹرا ڈرِل توں مُڑن ویلے سینیرز آرام کرکے ترو تازہ ہو چُکے ہوندے۔ ہُن ایہہ سینیرز ایہناں دی ریگِنگ شروع کر دیندے۔ کوئی سینیر کِسے جونیئر کولوں اوس دا ناں پُچھدا تاں اوہ ‘سر...سر’ کردا کُجھ چِر آپنا ناں چیتے کرن تے ہی لا دیندا۔ سِکھلائی دوران فوجی جنگ دے ابھیاس تاں ہونے ہی ہونے سن۔ ایہناں ابھیاساں دوران گشتاں کردیاں نریش نے تامِلناڈو دی دیہاتی زندگی وی رج کے ویکھی اتے مانی سی۔ اوس نُوں ایہہ وِشواس ہو گیا سی کہ پنجاب وانگ ایتھے وی پینڈو تہذیب دا بول بالا ہے۔ پِنڈاں دے لوک اِک دُوجے نال جُڑے ہوئے سن۔ ایس جوڑ دا سبندھ اوہناں دی سانجھی رہِتل سی۔ اوہناں دا آپسی بھائیچارا سی۔ ترکالاں دی چُپ وانگ پینڈو مرداں اتے عورتاں دے سُبھاء وِچوں سادگی جھلکاں ماردی سی۔ سپشٹتا اوہناں دی زندگی دا اہم انگ سی۔ ہاں، تامِل ناڈو اتے پنجاب دے پون پانی دا بہُت فرق ہے۔ ایسے فرق صدقہ دھرتی دی ستھا دے نال نال رُکھاں، جھاڑاں دِیاں کِسماں وِچ وی رک سی۔ فسلاں دا فرق سی۔ گھراں دی بناوٹ شیلی وِچ فرق سی۔ کھان پین دِیاں وستاں وِچ فرق سی۔ جُثیاں دے رنگاں وِچ فرق سی۔ اِس کورس وِچ کوئی تِن سو دے لگ بھگ جنٹلمین کیڈِٹس سن۔ پہلے دِن ایہہ سارے دے سارے اِک دُوجے لئی اجنبی سن۔ وکھو وکھرے صوبیاں دے۔ وکھو وکھریاں بولیاں والے۔ پہلے دِن ہی ایہناں سبھناں نوں سکول دے ادھِکاریاں ولوں وکھو وکھریاں بٹالیناں، کمپنیاں، پلٹوناں اتے سیکشناں وِچ ونڈ دِتا گیا سی۔ کُجھ دِناں وِچ ہی ایہہ چہرے اِک دُوجے لئی اجنبی نہیں سن رہے۔ نویاں دوستیاں دے پیچ پے چُکے سن۔ اِک دُوجے دے دُکھ سُکھ وِچ شریک سن ایہہ سارے دا سارے جنٹلمین کیڈٹس۔ کمپنی بیرک دی کندھ تے جڑے ہوئے ڈاک تختے دے ‘ن’ والے خانے وِچ نریش دے نام لگ بھگ روز ہی اِک دو چِٹھیاں ضرور ہوندیاں۔ کدی دین دِیال اتے سوِتری دی۔ کدی نِشا دی تے کدی کِسے دوست دی۔ چِٹھیاں دی سارے کیڈِٹس نوں ہی بڑی اُڈیک ہوندی سی۔ دِین دِیال اتے سوِتری دےخط نریش لئی حوصلے دا تھم بن جاندے۔ ماکھِیوں مِٹھا پیار اوسدی رگ رگ وِچ بھر دیندے۔ نِشا دا خط آؤندا تاں نریش دا دِل اِک ستار بن جاندا۔ خط دے اکھر ستار دِیاں رگاں نوں چھیڑدے۔ مستی وِچ سُتیاں تارہں نوں جگا دیندے۔ نریش نوں لِکھے پہلے ہی خط وِچ نِشا نے سویر شام وینس نوں ویکھنا قبول کر لیا سی۔ نال نال ایہہ لِکھ کے آپنا حق وی جِتلایا سی “آپنی ٹرینِنگ دِھیان نال کریں، نالے میری گل چیتے ای نہ۔ جے کوئی پُٹھا کم کیتا تاں مِلن تے بہُت کُٹاں گی۔” ایہہ پڑھ کے نریش ہس پیا سی۔ محبت نال بھِجیاں چِٹھیاں آؤندیاں رہیاں...جاندیاں رہیاں۔ چِٹھیاں نے بازارو ڈھنگ دے پیار محبت والے کیرنے کدے نہ پائے۔ سستی قِسم دا اوٹ پٹانگ وی کدی نہ بولیا۔ اوہناں دے خطاں وِچلی نِکی نِکی گل بات بڑی سوکھی اتے آپ مُہاری ہوندی سی۔ ہاں کدی کدی نِشا کوئی نہ کوئی ٹپا لِکھ بھیجدی سی۔ ٹپے جیہناں دے ارتھاں نوں ہُن اوہ سمجھدی سی۔ نریش وی سمجھدا سی۔ نِشا تے نریش ہر روز سویرے شامیں ‘وینس’ ویکھنا نہ بھُلدے۔ ایہناں دے من اِک انبر سِرج لیندے۔ اوس انبر دے اِک سرے توں دُوجے سرے تک اِک خوبصورت سترنگی پینگھ چھا جاندی۔ اِک سویر وینس ویکھن توں بعد نریش نے کبوتراں دے اِک جوڑے نوں کلول کردیاں ویکھ لیا۔ اوہناں دِیاں ہرکتاں وِچوں نریش نِشا دی کِسے ادا نوں لبھدا رہیا ۔ اوس دِن آسمان وِچ گواچ چُکا وینس نریش دِیاں اکھاں وِچ ہی تاں اُتر آیا سی۔ کِنا چِر بیٹھا رہیا سی اوس دِیاں اکھاں وِچ ؟ سوہنا سُنکھا وینس۔ آفیسرز ٹرینِنگ سکول دِیاں سڑکاں دوالیں لگے امباں دے رُکھ بُور تے آ گئے سن۔ نریش دی مُراد وی اوس دے پیراں کول آ کھڑی سی۔ ہور کُجھ دِناں نوں نریش اتے اوس دے بہوتے ساتھیاں نے جنٹلمین کیڈیٹس توں سیکِنڈ لیفٹیننٹ بن جانا سی۔ بُور تے آئے انباں دے رُکھاں کولوں لنگھدیاں نریش نوں پِنڈ والا بوڑھ یاد آ جاندا تے اوہ سوچدا “بوڑھ تے وی گوہلاں آ گئیاں ہون گیاں۔” گیاراں پاسِنگ آؤٹ پریڈ دا دِن۔ جنٹلمین کیڈٹس دے صِدق دا لمّا امتحان ختم ہو گیا سی۔ سِکھلائی دے اخیرلے دِن نے اج دم توڑ دینا سی۔ سارے دے سارے جنٹلمین کیڈِٹس لئی اِک نوےں یُگ دی شُروعات ہونی سی۔ آفیسرز ٹرینِنگ سکول دا ڈرِل سُکایار ہمیشہ کیڈِٹس دِیاں اکھاں وِچ رڑکدا رہندا سی۔ ایہی ڈرِل سُکایار اج پھیریاں تے بہن والے جوڑیاں وانگ شِنگاریا ہویا سی۔ اِک شمیانے تھلے آئے مہِماناں دے بیٹھن لئی کُرسیاں ڈٹھیاں ہوئیاں سن۔ تھل سینا دے مُکھی نے سلامی لینی سی۔ ڈرِل سُکایار وِچ لام بند ہوئے کیڈِٹس دے اُتوں دی اِک ہیلی کاپٹر پُھل پتیاں دا مینہہ ورسا گیا۔ پُھل پتیاں دی برکھا دے نال نال اِک مہک دی وائیں جیہی وگن لگ پئی سی۔ براس بینڈ دی دھُن نال پاسِنگ آؤٹ پریڈ شروع ہو گئی۔ نریش جسامی کمپنی دا کمپنی انڈر آفیسر سی۔ “کیمپ...نی...دائنے دیکھ” چِتھی ہوئی اتے کڑکویں آواز وِچ حُکم دے کے نریش نے منچ اُتے کھلوتے ہوئے تھل سینا مُکھی نوں میانوں کڈھی ہوئی تلوار دی سلامی دِتی۔ ساودھان کھلوتے تھلا سینا مُکھی دا ہتھ وی نریش دی سلوٹ دا جواب بن گیا سی۔ مہِماناں والے شامیانے تھلے دین دِیال اتے سوِتری وی بیٹھے ہوئے سن۔ نریس نوں سلامی دیندیاں ویکھ کے دین دِیال مُڑ کے جوان ہی تاں ہو گیا سی، “پرماتما میرے پُتر نوں کِسے بھیڑی نظر توں بچائیں” سوِتری نے من ہی من وِچ کہیا سی۔ پاسِنگ آؤٹ پریڈ وِچ حِصہ لے رہے سارے دے سارے جنٹلمین کیڈٹس دیاں موڈھیاں تے سیکنڈ لیفٹیننٹ دے پُھل تاں لگے ہوئے سن پر ایپلِٹس نال ڈھکے ہوئے سن۔ سارے دے سارے کیڈٹس اوہناں دے رِشتے دار، ادھی رات لئی اُتاولے سن۔ ادھی رات...زیرو....زیرو...زیرو...زیرو آفیسرز لہی۔ جدوں، ایہناں ساریاں نے سیکنڈ لیفٹیننٹ بن جانا سی۔ ہنیرا ہون دے نال ہی نیلے انبر نوں ٹِم ٹِم کردے تاریاں نے مل لیا سی۔ کیڈِٹس میس دِلاں وِچ مولدیاں حسرتاں دی شرنگاہ بن گیا سی۔ میس باہرلے لان دِیاں گُٹھاں تے لگیاں بتیاں دے آ رہے چانن دے ہڑ وِچ ہرے کچور گھاہ دی دی پتی پتی دِس رہی سی۔ گھاہ اُتے پیلیاں، چِٹیاں، لال، ہریاں، رنگ برنگیاں کُرسیاں...تھاں تھاں تے گڈیاں ہوئیاں وڈیاں وڈیاں چِٹے رنگ دِیاں چھتریاں دودھ چِٹیاں کھُنباں لگ رہیاں سن۔ نریش دے نال نال دین دِیال اتے سوِتری وی میس وِچلی بھیڑ دا حِصہ بن چُکے سن۔ سارے دے سارے جنٹلمین کیڈِٹس ایلائیو گرین(مِلٹری دی ہرے رنگ دی وردی) وِچ سن۔ سکول دے سارے افسر، اوہناں دِیاں بیویاں اتے اوہناں دے بچے من مرضی دِیاں پوشاکاں وِچ سج دھج کے آئے سن۔ نریش ہوراں دے ٹیبل نیڑے ہی اِک ہور ٹیبل تے دو اؤرتاں اِک دُوجی دے آہمو ساہمنے کُرسیاں تے بیٹھیاں سن۔ اِک نے پیازی رنگ دی ساڑی بنھی ہوئی سی۔ اوس دے چُکوےں جوڑے وِچ پُھل ٹُنگے ہوئے سن۔ دُوجی نے سکرٹ بلاؤز پایا ہویا سی۔ سکرٹ وی بہُت اُچا۔ مِنی سکرٹ۔ ایس عورت دے وال وی کٹے ہوئے سن۔ مرداں وانگ نِکے نِکے وال۔ ایہہ دُوجی عورت مِسز بھاسکر سی۔ نریش دے اُستاد کیپٹن بھاسکر دی ووہٹی۔ دوویں وِسکی دے گُھٹ بھر رہیاں سن۔ مِسز بھاسکر نے سِگرٹ وی لا لئی سی۔ اوس نے کش کھِچیا۔ دُھواں آسمان ول چھڈیا۔ دھوئیں دا گول چھلا بن گیا۔ ایدھر نریش سوِتری اتے دین دِیال اِک سُک دے نال نِمبو پانی دِیاں چُسکیاں بھر رہے سن۔ ایس ویلے مِسز بھاسکر دِیاں نظراں آسمان ول سن۔ نظراں انبر دے ن جاں تاریاں نال نہیں سگوں دھونئیےں دے چھلے نال چِپکیاں ہوئیاں سن۔ اِکو ساہے وِسکی دا گلاس نبیڑ کے ؟سنے اِک ہور کش کھِچیا۔ پہلاں نالوں وی زور دی دھواں چھڈیا۔ پہلے چھلے دا دائرہ کافی وڈا ہو گیا سی۔ اِک نواں چھلا پہلے وِچ دی لنگھ گیا۔ دھوئیں دے چھلے بندے رہے اُتانہہ اُڈدے رہے...چانن اُتلے ہنیرے وِچ گواچدے رہے۔ “نریش توں ایہناں نشیاں توں بچ کے رویں” سوِتری دے دِل وِچلی گل دین دِیال نے ہی کہہ دِتی سی۔ “پِتا جی کدی من وِچ وی نہ لیائیو۔ تُہاڈا نریش کوئی وی اجیہا کم نہیں کرے گا جس نال تُہانوں نیواں ویکھنا پوے۔” نریش دے جواب وِچ درِڑھتا سی۔ لہجے وچلی مضبوتی دین دِیال دی تسلی بن گئی سی۔ چار...تِن...دو...اِک۔ زیرو...زیرو...زیرو....زیرو...آورس۔ پِپِنگ سیریمنی دا وقت۔ میس دِیاں ساریاں بتیاں بُجھ گئیاں ۔ گھُپ ہنیرا۔ کیڈِٹس میس ادھا مِنٹ ہنیرے وِچ غوطے کھاندا رہیا سی۔ ایس ہنیرے وِچ سارے دے سارے جنٹلمین کیڈِٹس دیاں موڈھیاں توں ایپلیٹس غیر حاضر ہو گئے سن۔ موڈھیاں توں ایپلیٹس لاہُن والیاں ا اُنگلاں آشیرواد ورگے ہتھاں دِیاں سن۔ دوست کُڑیاں دے ہتھاں دِیاں سن تے جاں کِسے بڈی (ساتھی) دے ہتھاں دِیاں سن۔ نریش دے موڈھیاں لئی آشیرواد ورگے ہتھ حاضر سن۔ اِک موڈھے تے دین دِیال اتے دُوجے تے سوِتری دے۔ بتیاں فیر جگ گئیاں سن۔ چفیرا جگ مگا رہیا سی۔ سارے دے سارے جنٹلمین کیڈِٹس ہُن سیکِنڈ لیفٹیننٹ بن گئے سن۔ ایپلیٹس دی بھیڑ پیراں تھلے لِتڑ رہی سی۔ اج نریش ویس نوں ویکھنا ہی بھُل گیا سی۔ اِک بیڑی دے چپو سنبھالی نِشا اوس دے چیتیاں دے دریا وِچ اُتر آئی سی۔ ایس توں پہلاں کہ نریش وی اوس بیڑی دا سوار ہو جاندا، آفیسرز ٹرینِنگ سکول دے براس بینڈ نے اِک انگریزی گیت ‘نمبر ففٹی فور ہاؤس آف دا بینبو ڈور” دی دھُن چھیڑ دِتی۔ میس وِچلے بہتے مرد اتے عورتاں حرکت وِچ آ گئے۔ نچن لگ پئے سن سارے دے سارے۔ بانہواں وِچ باہواں پا کے۔ مرد عورتاں نال۔ عورتاں مرداں نال ایہناں دے سریر پارے وانگ تھرکن لگ پئے سن۔ نچ رہے جوڑے اِک دُوجے دی ملکیت وی نہیں سن۔ کیپٹن بھاسکر دی ووہٹی میجر سندھو نال نچ رہی سی۔ سندھو دی کیپٹن بھاسکر نال۔ کُجھ اِک نوےں نوےں بنے افسر وی نچ رہے سن۔ دوست کُڑیاں دے نال۔ بہتے مرد عورتاں بھانت بھانت دِیاں رنگ بِرنگیاں مستیاں وِچ رُجھے ہوئے سن۔ اِکڑ دُکڑ جوڑے ولا رِتے جیہے کِسے نُکر تے بیٹھے گلاں باتاں کر رہے سن۔ پیار پیار وِچ ہی اِک دُوجے دی جُوٹھی شراب پی رہے سن۔ لمے لمے بُلھاں والا وِنسینٹ ڈی کوسٹا سینٹ تھومس مُونٹ نیڑلی بدنام بستی دی ڈیزی نال نچ رہیا سی۔ ڈی کوسٹا دی پِپِنگ سیریمنی وی ڈیزی نے ہی کیتی سی۔ میس وِچلی رنگینی اتے رونق مانن توں نریش دے من نے تاں اِنکاری نہیں سی ہونا۔ دین دِیال اتے سوِتری دی حاضری ہی نریش نوں ایس ناچبے دے شروع ہون ویلے ہی ہوٹلا چولا ول لے تُری سی۔ باراں نویں نویں بنے سارے افسراں نوں آپو آپنیاں پلٹناں وِچ حاضر ہون توں پہلاں پندراں پندراں دِناں دی چُھٹی دِتی گئی سی۔ نریش دی پلٹن پونچھ وِچ سی۔ نریش، دین دِیال اتے سوِنتری گریںڈ ٹرنک ایکسپریس راہیں مدراس توں دِلی جا رہے سن۔ ریل دے متھُرا پہُنچن توں پہلاں ایہہ تریوے گوڑی نیندرے سُتے پئے سن۔ نریش نے تاں ہری وردی پائی ہوئی سی۔ اوہ اِک باغ وِچ پہُنچیا۔ نِشا پہلاں ہی اوس باغ وِچ سی۔ اوسے دا راہ ویکھ رہی سی، سِر اُتے کالی چُنی تے نیم گُلابی رنگ دا سوٹ پایا ہویا سی۔ نِشا کِسے اپسرا جیہی لگ رہی سی۔ نریش نوں آؤندیاں ویکھ اوس دا چہرہ اِک مُسکان بن گیا سی۔ اوس دے قدم وی نریش ول پلانگھاں بھر کے آپو وِچلی وِتھ گھٹاؤن لگ پئے سن۔ چِر بعد مِلیاں دو روہاں مِلنسار اِک دُوجے نال جُڑیاں۔ جُڑ کے پھِس پایاں۔ نِشا دِیاں اکھاں وِچوں پیار دے موتی ترِپ ترِپ کِر رہے سن۔ کم اؤن چیر اپ ناؤ کہہ کے نریش نے نِشا دی گلھ تھاپڑ دِتی۔ نریش مُسکرا رہیا سی۔ نِشا وی مُسکرا پئی۔ دوہاں دِیاں نِگاہاں اِک دُوجے دِیاں اکھاں وِچ تِلک آئیاں...بیڑیاں بن کے...اکھیاں دِیاں جھیلاں وِچ۔ کوگریچولیشن، لیفٹیننٹ نریش۔ تھینک یو ویری ویری مچ، نِشا۔ چلو اُدھر، کِسے بینچ اُتے بیٹھدے ہاں۔ چلو پاتشاہو، کہہ کے نریش نے نِشا دا اِک ہتھ سنبھال لیا، دوویں بینچ ول تُر پئے۔ اودوں ہی ہوا دا اِک بُلا آیا۔ نِشا دے والاں وِچوں اِک لِٹ آوارہ ہو گئی۔ اوس دے چوڑے متھے نوں چھیڑدی چھیڑدی کھبی گلھ اُتے سرک آئی۔ نِشا نے سِر جھٹکیا۔ ایس دے نال ہی گلھ تے آئی لِٹ واپس والاں وِچ جا رلی سی۔ بہُت ہی پیاری اُدا سی نِشا دی۔ اج وینس اِکٹھے ہی ویکھاں گے۔ نِشا نے اینی گل کہی ہی سی کہ پیڑے پیڑے اے...پیٹھا...پیٹھا آ۔ متھُرا کا مشہور پیٹھا ایس چیک چِہاڑے نال نریش جاگ پیا۔ سُپنا چھائیں مائیں گیا، اکھاں ملدا نریش ادھ وِچکاروں ٹُٹے تے بیت چُکے سُپنے نوں چیتیاں دی کینوس توں ویکھن مانن وِچ رُجھ گیا۔ ایہنیں دِنیں نِشا بی. اے. اخیرلے ورھے دے سالانہ پرچیاں دی تِیاری کر رہی سی۔ نریش دا بہُتا سماں جالندھر ہی بیتدا سی...نِشا نال۔ مسیں ہفتہ توں گھر رہِنے، تیرے پیر نے کہ گھر ٹِکدے ہی نہیں، کہِندیاں اِک دِن سوِتری نے نریش نوں لگ بھگ جھِڑک ہی دِتا سی۔ جھوٹھ موٹھ دی جھِڑک دا نرش نے وی جھوٹھا موٹھا جواب د دِتا سی۔ بیجی کالج دے پُرانے مِتراں بیلیاں نوں وی تاں مِلنے۔ جواب وِچ رائی بھر ہی صحیح، سچ دی چاشنی تاں ضرور سی۔ جالندھر دی لال رتن ٹاکی وِچ حقیقت فِلم لگی ہوئی سی۔ پونچھ روانگی توں اِک دِن پہلاں نریش ت نِشا ایہی فِلم ویکھن گئے سن۔ اوہ باکس وِچ بیٹھے سن۔ نِما نِما چانن سی۔ فِلم شروع ہوئی نوں مسیں دس مِنٹ ہی ہوئے سن کہ کُرسی دی باہی اُت پئے نِشا دے ہتھ اُتے نریش دا ہتھ ٹِک گیا، نریش نے نِشا دے ہتھ نوں پولا جیہا گھُٹیا۔ نِشا نریش ول اُلر گئی۔ پُورے دا پُورا باکس نشیا گیا سی۔ فِلم چلدی رہی۔ پردے تے فوجیاں دی لڑائی دا سین چل رہیا سی۔ شیہاں ورگے جوان گولیاں نال چھلنی ہو کے ڈھیہہ ڈھیری ہو رہے سن۔ آپو آپنے مُلکھ ولوں پوائیاں وردیاں دا قرضہ اُتار رہے سن۔ ایہی پل سن کہ اصل فِلم نِشا دِیاں نظراں توں اولھے ہو گئی سی۔ اوسدی نظر اگے تاں اِک پتنگ سی۔ سوہے پِنڈے تے کھٹی پُوچھل والی پتنگ۔ پتنگ جس دی ڈور نے اوس دا موہ تیاگ دِتا سی۔ بچپن وِچ ایسے پتنگ نوں چڑھاؤندیاں نِشا دی آپنی ہی اُنگلی وِچوں سِمیا لہو ہُن اوس دِیاں اکھاں وِچوں تُپکا تُپکا ٹپک رہیا سی۔ نریش دا ہتھ تاں نِشا دِیاں میڈھیاں نال کھیڈ رہیا سی۔ اوہ نِشا دی حالت توں اُکا ہی بے خبر سی۔ اوس نُوں نہیں سی پتہ کہ اج وی نِشا دِیاں گلاں توں لہو دے ٹیپے اوس نوں ہی پُونجھنے پینگے۔ لہو دے ٹوپے جو گھِرنا جاں نفرت دی نہیں، سگوں پیار دی تصویر سن۔ نریش دا ہتھ نِشا دِیاں میڈھیاں اُتوں دی سرکدا سرکدا اوسدی اِک گلھ اُتے تِلک آیا۔ اُیتھے ہی ٹِک گیا۔ نریش دے ہتھ اُت ٹپ کرکے اِک کوسا جیہا اتھرو کِریا۔ نِشا! ایہہ کیہ؟ شُدین تاں نہیں ہو گئی؟ نریش د ایہہ کہن سار نِشا تربھک گئی۔ حیران ہوئے نریش نے آپنی پےںٹ دے بوجھے وِچوں رومال کڈھیا۔ نریش دے ہتھ وِچلا رومال نِشا دِیاں دوہاں گلھاں اُتے فیر گیا۔ دو نِکیاں نِکیاں ندیاں دا سارے دا سارا پانی ڈیک لا کے پی گیا۔ نِشا نے وی کِسے بھیڑے سُپنے جیہی سوچ نوں من وِچوں باہر وگاہ ماریا۔ دِل دی دھک دھک تاں اجے وی نِرنتر جاری سی۔ فِلم ختم ہو گئی۔ نریش نے نِشا نوں ہوسٹل گیٹ اُتے چھڈیا۔ چھیتی چُھٹی آؤن دا وعدہ کرکے نِشا توں وداع لئی اتے آپ پِنڈ پہُنچ گیا۔ سورج دِیاں سجریاں کِرناں دے نال ہی چھڈیاں دی محفل نے بوڑھ دے تھڑے تے اُتارا کر لیا سی۔ نرش، اوس دا دوست پریتم، چودھری من پُھول ، دین دِیال اتے سوِتری اڈے ول جا رہے سن۔ نریش دا کُجھ سمان بنتو مزبی نے چُکیا ہویا سی اتے کُجھ پریتم دے سائیکل تے بنھیا ہویا سی۔ چھڑیاں نے ایہناں نوں ویکھ لیا۔ او بِندرا پتہ ای پنڈتاں دا نریش افسر لگ گیا۔ کِتھے؟ فوج وِچ۔ لگِیا وی وڈا افسر آ۔ لفٹین لگ گیا۔ سِدھا ای۔ بئی پڑھدا وی بڑا صیغہ۔ تیرے آنگ زردا تاں نی سی پھکدا رہیا ۔ آہو یار وی چار جماتاں پڑھ لیندے تاں ڈنگراں مگر کاس نوں فیر د۔ مال تاں ودھیا پٹی فیر دا پتندر۔ کیہڑا۔ اواے، اوہ چودھریاں دی کُڑی، نِری بِجلی آ سا...۔ ڈھکیا رہ اواے، کِسے ہور نے سُن لیا تاں سِر تے وال نی دِکھنا اِک وی۔ لِتراں نال گنجا ہو جو۔ چُپ وی کر جا کنجرا، اوہدا بُڑا وی نالے ای آ۔ چلو اُٹھو اوئے، جاندے جاندے باہمن نوں مِل تاں لئیے۔ ایس دے نال ہی سارے دے سار چھڑے تھڑے توں ہیٹھاں اُتر آئے۔ اگل وانڈھی ہو کے نریش نوں مِل۔ ودھائی دیندیاں دُعا سلام وی کر لئی۔ نریش نوں وی بوڑھ تھلے کھلونا چنگا چنگا لگ رہیا سی۔ سورج دِیاں کِرناں دے پُور بوڑھ دے چوڑے چوڑے پتیاں دِیاں وِرلاں وِچوں لنگھ کے نریش دا سیس چُم رہے سن۔ ایہہ اڈے تے پہُنچے ہی سن کہ پانشٹے توں جالندھر والی بس گھرر گھرر کردی آ کھلوتی۔ بس اُتے چڑھن توں پہلاں پِنڈ دے کئی معزز سیانیاں نے نریش دا سِر پلوسیا۔ اوس دے انگ سنگ تُردی اسیس دِتی۔ ایہناں اسیساں وِچ پیار، ستِکار، شردھا اتے خوشی سارا کُجھ حاضر سی۔ دِین دِیال، سوِتری، من پُھول اتے پریتم جالندھر تک نریس دے نال گئے سن۔ ایہناں سبھناں نے جالندھر دے ریلوے سٹیشن توں نریش نوں وِدعیا کیتا سی۔ پٹھان کوٹ دی فوجی پناہ گاہ (ٹرانزِٹ کیمپ) تے حاضر ہون توں بعد نریش مِلٹری دی جیپ اُتے پونچھ لئی روانہ ہو گیا۔ نوشہِرا، سُندربنی کسبیاں نوں پار کیتا ہی سی کہ نریش نوں قُدرت دے بے مثال جادو نے کیل لیا۔ پہاڑیاں دے پِنڈے دِیاں ڈھلاناں تے اُگیاں پتلیاں پتلیاں جھاڑیاں، لم سُلمے درخت سارے ہی کِکلی جیہی پا رہے سن۔ ہر پل نظارے بدل رہے سن۔ پون جنگل دی نشیائی مہک نوں چُفیرے لُٹا رہی سی۔ نریش دی سوچ ماضی اتے مستقبل دِیاں وادیاں وِچ وِچردی رہی۔ ورتمان تاں اوہ جی رہیا سی۔ رج کے۔ جیپ اِک بہُت ہی اُچے بھِنبر گلی نہ دے درے تے پہُنچ گئی۔ اوتھے اِک ڈھابا سی۔ نریش نے جیپ رُکوائی۔ ڈرائیور ترسیم لال نوں دو کپ چاہ بنواؤن لئی کیہا۔ ایس ویلے یخ ٹھنڈی تیز ترار ہوا سنگھنے رُکھاں دے پتیاں دی کنگھی پٹی دا کم کر رہی سی۔ نریش ڈھاب دے اندر جا ک بیٹھ گیا۔ ڈھاب دِیاں کندھاں تے تصویراں ٹنگیاں ہوئیاں سن۔ تصویراں پہاڑاں دِیاں۔ فِلمی ہیروئناں دِیاں۔ ادھ ننگیاں کُڑیاں دِیاں۔ نال نال گُروآں اوتاراں دِیاں وی۔ چاہ پین مگروں ترسم لال جیپ تے آپنی سیٹ نال ڈھوا لا کے کِسے گھریلو سوچ وِچ ڈُب گیا سی۔ چاہ پی ک نرش نے ترسیم لال نوں چلن لئی کیہا۔ کوئی دو گھنٹیاں بعد جیپ ناریاں دے ٹرانزِٹ کیمپ وِچ پہُنچ گئی سی۔ رات پے چُکی سی۔ تارے ٹِم ٹِم کر رہے سن۔ چندرما نریش دے سُپنیاں وانگ ودھ گھٹ رہیا سی۔ اگلی سویر دِیاں کِرناں دے پرکاش نال ہی نریش پونچھ لئی روانہ ہو گیا۔ آپنی پلٹن وِچ جا حاضر ہویا۔ اوس رات پلٹن نے آفیسرز میس وِچ سیکنڈ لیفٹیننٹ نریش کُمار دا سواگتی بھوجن سی۔ بھوجن توں پہلاں جام چھلکے۔ نریش نے تاں صِرف نِمبو پانی جاں کِسے پھل دا جوس ہی پینا چاہیا۔ اوسدی مرضی کیویں چلدی؟ ہری وردی دے انوشاسن نے ہی اوس دے ہتھاں وِچ جام پھڑا دِتا سی۔ نریش ایس خوشی دے موقعے تے وی اندرے اندر آپنے آپ نوں اِک گُناہ گار سمجھ رہیا سی۔ پِتا دِین دِیال دی کچہری دا گُناہ گار۔ پونچھ شہر پاکستان دی سرہن تے جاں ِانج کہہ لؤ پاکستان دی دھون تے وسیا ہویا ہے۔ پاکستان ولوں آؤندا بے تار نالہ اُتھوں دے شہر کہوٹا ولوں آؤندی سڑک دے نال نال وگدا ہے۔ بے تار ایداں لگدا ہے جیویں قُدرت نے پونچھ شہر دے پیراں وِچ پانی دی جھانجھر پا دِتی ہووے۔ ایس ویگ متے دی کل کل اٹھے پہر سنگیت الاپدی رہندی ہے۔ ایس سنگیت صدقہ قُدرت دے گُن گان نوں مَلو مَلی جی کر آؤندا ہے۔ تار دے اِک پاسے وسدا ہے پِنڈ چِڑی کوٹ اتے دُوجے پاسے دِگواڑ۔ ایتھوں دی آبادی میدانی تے نیم پہاڑی علاقیاں نالوں کئی ڈھنگاں نال وکھری ہے۔ ایتھوں دِیاں آبادیاں وِچ نریش نے پیار اتے بھروسے دے نقش تلاش کر لئے سن۔ ایتھوں دے جنگل شہری بستیاں نالوں کِتے ودھ پیارے لگدے سن۔ بھیڈاں بکریاں چاردے پہاڑی چرواہے پنجاب دے چھیڑوآں وانگ ہی گیت گاؤندے۔ اوہناں دے گیتاں دی گونج پہاڑاں دِیاں ڈھلاناں اُتلے سنگھنے رُکھاں اتے جھاڑیاں وِچ دی دُور دراڈے پہُنچ جاندی۔ نریش نوں ایہناں گیتاں دے بول تاں کُجھ کُجھ ہی سمجھ آؤندے سن۔ فیر وی ایہناں دی لے اوس دے کناں راہیں روم روم وِچ مِشری جیہی مِٹھاس گھول جاندی سی۔ نریش دی چوکی نیڑے جھاڑاں اتے رُکھاں نال کجے ہوئے وِرلے وِرلے کچے کوٹھے سن۔ ایہناں وِچوں کُجھ کوٹھے گدِیاں دی ملکیت سن۔ ایہہ گدی وسدے گھٹ نے جون زیادہ بھوگدے نے۔ فیر وی آپنے حال تے ہی خوش رہندے ہن۔ کالیاں تے چُپ چاں راتاں وِچ گدِیاں تے گدناں دے جاگدے ہون دی چُغلی صِرف دو گنلاں ہی کردیاں سن۔ پہلی سرہوں دے تیل نال بلدے لٹ لٹ دیویاں دی لوء۔ ایس لوء دی السائی جیہی چاننی کوٹھیاں دِیاں ادھ کھُلھیاں بھِتاں وِچوں باہر جھاکدی رہندی۔ دُوجی گھڑا پرات تھال تے کدی کدی بنسری دی ہوک وِچ پرُچے سنگیت دے نال نال کوئی گدی گیت۔ ہو ماڑے گدِیا...اجے دی راتیں روہ وے گدِیا چھِلڑو بی دِنیاں...بکرو بی دِنیاں کھانے گی دِنیاں گھیو...اجے دی راتیں روہ وے گدِیا۔ ہو ماڑے گدِیاں! ہو ماڑے گدِیاں!! اکثر ایہو جیہے کِسے گیت دے نال ہی نِشا دی یاد وی مہک بن کے گھل جاندی سی۔ نِرے نریش نوں ہی نہیں برف نال ڈھکیاں دھُند نال کجیاں پہاڑی وادیاں دی ٹھنڈی سیت ہوا نوں وی نشیا جاندی سی۔ نریش دی پلٹن نوں پونچھ وِچ دو ورھے ہو گئے سن۔ اوہ آپ سیکنڈ لیفٹیننٹ توں ترقی کرکے لیفٹیننٹ بن گیا سی۔ ایہناں دو ورھیاں وِچ نریش چار واری پِنڈ آیا سی۔ وفا دے حرف دی مہک تاں اوہ ماندا ہی سی۔ آئی وار محبت دے دائیئے نوں وی ہور پیڈھا کر آؤندا سی۔ محبت...جِس نے اجے تیک جِسماں دی نیڑتا ہی مانی سی۔ صِرف نیڑتا۔ بی. اے. کرن بعد نِشا ہُن گھر ہی ہوندی سی۔ نریش دے محبت نامے پہلاں پریتم دے گھر پہُنچدے تے فیر نِشا دے کول۔ پیار اکھّاں دِیاں پلکاں وِچ کدوں تک لُکیا رہندا۔ چھڑیاں دی ڈھانی وِچ تاں ایہناں دے پیار دی چُنجھ چرچ چروکنی ہو چُکی سی۔ نِشا نے نریش دے کِسے وی خط نوں کدی نہیں سی پاڑیا۔ سچی محبت ہووے تاں کھیتاں نوں پاڑن دی ہِمت وی نہیں پیندی۔ گھر دی ہی کِسے اوہل وِچ سانبھ سانبھ رکھے محبت نامے اِک دِن من پُھول دے ہتھ چڑھ گئے سن۔ اوس دِیاں اکھاں وِچ راجپوتی خُون اُتر آیا سی۔ اوس دا جی کیتا کہ پہلاں نِشا دی سنگھی گھُٹے تے فیر ....۔ غُصے دی ایس لہر نوں من پُھول اتے دِین دِیال دی ورِھیاں پُرانی دوستی دے خاموش اتہاس نے ٹھلھ پا دِتی سی۔ من پُھول نوں کوئی انرتھ کرنوں ورج دِتا سی۔ ہاں، من پُھول کِنا چِر اندروں اندر وِس گھولدا رہیا سی۔ من پُھول نے اِکل وِچ ساری گل ریشمی نال کیتی۔ خطاں دی عبارت توں ریشمی اتے من پُھول دوویں سمجھ چُکے سن کہ ہُن نِشا نوں جاں نریش نوں کِسے نوں وی ورجیا نہیں سی جا سکدا۔ ریشمی نے بڑا سوچ وِچار کے من پُھول نوں ایہہ ہی کیہا سی، “کیہڑی پرلو آ گئی اے؟ کِسے لنڈے بُچے نال بھج تاں نہیں گئی۔” اندروں اندر ریشمی نے ایہہ وی سوچ لیا سی کہ نریش افسر اے۔ جانِیا پچھانیا اے۔ ویکھیا بھالیا اے۔ رِشتے وی کیہڑے سوکھے لبھدے نیں۔ تے نِشا سوکھی رہے گی۔ سودا لاہیوندا سی۔ ریشمی دی سوچ کِسے ہٹی دی گدی تے بیٹھے بانیے والی ہی ہو گئی سی۔ تیراں نرش دی پلٹن لئی پونچھ توں روانگی دے حکم آ چُکے سن۔ اوسدی پلٹن نے ہُن چین دی سرحد تے نیفا وِچ سیلا اتے جسونتگڑھ دے نیڑے نوراں نہنگ جانا سی۔ مُلکھ دی اکھ اتے ڈھال بنن لئی۔ جسونت گڑھ نوں جسونت فورٹ (قلعہ) دے ناں نال وی جانِیا جاندا ہے۔ اُنج ایتھے نہ کوئی قلعہ سی تے نہ ہی ہے۔ جسونت گڑھ تاں 1962دی بھارت چین جنگ سمے دی اِک نِویکلی بہادری دی موہر ہے۔ موہر لائی سی دُوجی گڑوال رائفلز دے سِپاہی جسونت سنگھ نے۔ جٹ کماد نوں پیڑے جان لئی ہی بیجدا ہے۔ کماد مُڑ مُڑ اُگدا ہے۔ پھُٹدا ہے۔ آئی وار ہی ویلنے وِچ پیڑیا جاندا ہے۔ گل کیہ، کماد پیڑے جان لئی ہی اُگایا جاندا ہے۔ ایسے طرحاں فوجیاں دِیاں چھاتیاں وی گولیاں لئی ہی ہوندیاں ہن۔ پر، ساریاں دِیاں ساریاں چھاتیاں اتہاس تاں نہیں سِرجدیاں۔ جسونت سنگھ اتہاس سِرج گیا سی۔ تے گواہ ہے جسونت فورٹ۔ اِکو اِک یودھے دا قلعہ۔ قلعہ جس نوں چینی فوجیاں دا سالم برِگیڈ 72گھنٹیاں تک وی نہیں سی توڑ سکیا۔ اصل وِچ سِپاہی جسونت سنگھ آپنی پلٹن وِچ صِرف ایاسی لئی ہی مشہور سی تے بدنام وی۔ جسونت گڑھ سیلا اتے نوراں نہنگ دے علا قے وِچ لاما جاتی دے لوک رہندے ہن۔ سڑکاں تے مزدوری کردے ہن۔ تھوڑی بہُت واہی کردے ہن۔ چولاں تے مکی دی شراب کڈھدے ہن۔ ایس شراب نوں رکھشی، لوپانی، پھُلی وغیرہ کیہا جاندا ہے۔ جھونپڑیاں وِچ رہِندیاں ایہناں لامیاں دِیاں عورتاں تے کُڑیاں ہر آؤندے جاندے نوں شراب پیش کردیاں ہن۔ بِناں کِسے ڈر بھؤ دے۔ گاہک ایہناں نال ماڑی موٹی چھیڑخانی وی کر دیندے ہن۔ ایہہ اوس دا بُرا وی نہیں مناؤندیاں۔ ایتھے بہُت پہلاں ایہو جیہی اں جھوپڑیاں وِچ ہی اِک بُڈھا لاما آپنیاں دو جوان دھیاں نوراں اتے سیلا سمیت رہندا سی۔ نوراں اتے سیلا وی شراب ویچن دا کم ہی کردیاں سن۔ جسونت سنگھ دا نوراں تے سیلا دی جھوپڑی وِچ آؤن جان سی۔ جاندا تاں اوہ شراب دا گاہک بن کے سی۔ پر، اندروں اوہ سیلا تے نوراں تے اکھ رکھی بیٹھا سی۔ نوراں تے سیلا دا پیو اُنج تاں بھارتی فوج دے سمان دی ڈھوآ ڈھُوآئی دا کم کردا سی پر، اصل وِچ اوہ چینیاں دا بندہ سی۔ چین لئی جاسوسی کردا سی۔ اوہ بہُت چِراں توں ایدھر رہ رہیا سی۔ نوراں تے سیلا ایدھر ہی جمیاں پلیاں سن۔ بُڈھے لامے نے آپنیاں دھیاں نوں وی ایہہ خبر سار نہیں سی ہون دِتی کہ اوہ چین لئی جاسوسی دا کم کردا ہے۔ جس فوجی ٹُکڑی نال جسونت دا تعلق سی، اوس نوں جسونت گڑھ توں اُتر والے پاسے اِک بہُت اُچے پہاڑ دے سِکھر تے پیندی چوکی دی ذمہ واری مِلی ہوئی سی۔ جسونت سنگھ دی پارٹی روز شام ویلے اوس چوکی تے تُر کے جاندی۔ بنکراں دے اِرد گِرد تھوڑا چِر فیر دی تے فیر کُجھ لالٹیناں جگا کے بنکراں وِچ رکھ دیندی تے واپس ہیٹھاں پرت آؤندی۔ بنکراں وِچ جگدیاں لالٹیناں اوتھے فوجیاں دے حاضر ہون دا بھرم بنائی رکھدیاں۔ نوراں تے سیلا دے پیو نوں ایس گل دی جانکاری نہیں سی۔ روز دے میل گیل نے نوراں اتے سیلا دوہاں بھیناں نوں سِپاہی جسونت سنگھ دے واہوا نیڑے لے آندا سی۔ نوراں اتے سیلا کول روز دے آؤن جان توں جسونت سنگھ نوں اوس دے ساتھیاں نے تاں بتھیرا ورجیا۔ جسونت ہی نہ منیا۔ زنانی تے شراب ہر بندے دی سبھ توں وڈی کمزوری ہوندی ہے۔ شراب تاں بندے دے اندر جاندیاں ہی ڈھڈ اندرلیاں گلاں باہر وگاہ ماردی ہے۔ نوراں تے سیلا وی روز ہی جسونت نوں اُڈیکدیاں ہوندیاں سن۔ جسونت ہُن اوہناں لئی کوئی تُردا پھر دا گاہک نہیں سی۔ اوس نال تاں اوہناں دا موہ ہو گیا سی۔ موہ، جو جسونت نوں روز ہی اوہناں دی جھوپڑی ول دُھوہ لیاؤندا سی۔ اِک دِن جسونت پہاڑ سِکھرلی چوکی دی پیٹرولِنگ تے جان توں پہلاں نوراں تے سیلاں دی جھوپڑی وِچ گیا ہویا سی۔ رکھشی دا پہلا گلاس پیندیاں ہی اوس نُوں سیلا پہلاں نالوں وی پیاری پیاری لگن لگ پئی سی۔ سیلا نے جسونت نوں دُوجا گلاس رکھشی نال بھر کے پھڑایا تے پُچھیا : ‘تُہانوں ساری رات چوکی تے ٹھنڈ نہیں لگدی؟” خورے سیلا نوں جسونت دا جلدی جلدی پرت جانا چنگا نہیں سی لگدا۔ جسونت نے اِکو ساہے رکھشی دا دُوجا گلاس وی پی لیا۔ ‘کیہڑا کنجر رہندا اے اوتھے راتیں؟’ کہہ کے سیلا نوں آپنے نیڑے جیہے کرکے بِٹھا لیا۔ ‘جاندے تاں تُسیں روز او شامی’ نیڑے ہی بیٹھی حیران ہوئی نوراں دے بول سن ایہہ۔ “نوراں دسیں ولا پئی ساڈے بال بچے نہیں پئی ٹھنڈ چ مردے رہیے... اسیں تاں جا کے لالٹیناں جگائیدیاں نے تے نال دی نال تھلے واپس پرت آؤندے ہاں” شراب نے جسونت دے مونہوں بڑا وڈا بھید کڈھوا لیا سی۔ اوس رات سیلا چاہوندی سی کہ جسونت اوتھے ہی رہوے پر اوہ نہیں سی رُکیا۔ اوہنے سیلا نوں کیہا کہ دیوالی والے دِن پلٹن وِچ سارے دیوالی مناؤن گے تے اوہ دیوالی دی پُوری رات اوس کول ہی رہے گا۔ سیلا تے نوراں توں بے خبر ایہہ ساری گل بات جھوپڑی باہر کھلوتے اوہناں دے پیو نے سُن لئی سی۔ چوکی تے بھارتی جواناں دے نہ رہن دا بھیت راتو رات چینیاں تک پہُنچ گیا۔20اکتوبر،1962 دی رات نوں جسونت آپنے اقرار نوں نِبھاؤندا سیلا دی جھوپڑی دا نِگھ مان رہیا سی۔ نوراں باہروں بھجی بھجی آئی تے کیہا، “جسونت تیرے والی چوکی تے چینیاں نے حملہ کر دِتا ہے۔ ہُن نوراں تے سیلا آپنے باپ دی غداری توں جانو ہو گئیاں سن۔ اودھر جسونت دی پلٹن نوں پِچھے ہٹن دے حُکم مِل چُکے سن جس توں جسونت انجان سی۔ نوراں تے سیلا آپنے باپ دی غداری کارن جسونت نال اکھ مِلانوں وی شرما رہیاں سن۔ جسونت پلٹن توں غیر حاضر سی۔ دوشی سی۔ اوس دا کورٹ مارشل ہو سکدا سی۔ اوس نے آپنے آپ نوں مریا ہویا سمجھیا۔ ٹھیک ایسے ویلے اوسدی انکھ نوں ہلونا وجیا۔ نوراں تے سیلا وی آپنے آپ نوں مریا ہویا سمجھیا۔ ٹھیک ایسے ویلے اوس دی انکھ نوں ہلونا وجیا۔ نوراں تے سیلا وی آپنے آپ نوں دوشی سمجھ رہیاں سن۔ جسونت نے نوراں تے سیلاں توں اوہناں دی صلاح پُچھی۔ اوہناں دُھپ دِیاں کاتراں نے اخیرلے ساہ تک جسونت دا ساتھ دین دی حامی بھری۔ تے، ہِک ٹھوک کے آپنے باپ دی غداری دا قرض اُتارن دا وعدہ کیتا۔ بِناں کوئی دیر کیتیاں اوہ تریوے دی پلٹن دے خالی چھڈے مورچیاں وِچ پہُنچ گئے۔ مورچیاں وِچ ہتھیاراں اتے گولی سِکے دی کمی نہیں سی۔ جسونت دے ساتھی پِچھے ہٹن ویلے بہُت سارے ہتھیار اتے گولی سِکہ نال نہیں سن لِجا سکے۔ جسونت نے تِن مشین گناں دُشمن دے اگے ودھن والیاں تِن وکھریاں وکھریاں دِشاواں وِچ بیڑ دِتیاں۔ نوراں تے سیلا نوں میگزین بھرا سِکھا...گن چلاؤن دی پلاں وِچ ہی جاچ سِکھا دِتی۔ دُشمن نوں ویکھدیاں سار تِناں نے مشین گناں دا فائر شروع کر دِتا۔ دُشمن لئی اگے ودھنا نہ مُمکِن ہو گیا۔ تِن پاسیاں توں فائر آؤندا ویکھ کے چینی فوج والیاں بزُرگ لامے دی سوہ غلط سمجھی۔ یودھے جسونت سنگھ نے چینی فوج دے پُورے برِگیڈ نوں 72 گھنٹے روک کے رکھیا۔ اخیر وِچ نوراں تے سیلا دے باپ دوبارہ چینیاں نوں سوہ دِتی۔ “جِتھے تُسیں اڑے کھلوتے ہو، اوتھے اِک ہی فوجی ہے تے اوس دا ساتھ دے رہیاں ہن میریاں باغی ہو چُکیاں دو دھیاں۔” ہُن چینی فوج تھوڑا بہُت نُقصان جھل کے اگے ودھ آئی۔ جسونت سنگھ نے بھجن دی ذلالت جرن نالوں بہادر دی موت مرنا بِہتر سمجھیا۔ جسونت تے نوراں نوں چینیاں دِیاں گولیاں نے وِنھ دِتا سی۔ سیلا دِیاں ہنجو کیردیاں اکھاں جسونت دِیاں اکھاں وِچ تِلک آئیاں۔ جسونت نے نوراں تے سیلا نوں کہیا کہ وقت نہ گواؤ، بھج کے آپنی جان تے عزت نوں بچا لوو۔ نوراں تاں موجودہ نوراں نہنگ تک ہی پہُنچ سکی کہ دم توڑ گئی۔ سیلا اوس توں باراں کِلومیٹر اگے تیک بھجی گئی۔ اِک ڈونگھی کھائی آئی۔ سیلا نے چھال ماری تے آپنی جیون لیلا ختم کر لئی۔ آپنا ناں اوس چوٹی تے سدا سدا لئی لِکھ گئی۔ آخری ساہ تک لڑ کے جسونت نے وی ہری وردی دا قرض اُتار دِتا سی۔ ایدھر دُوجی گڑوال رائفلز والیاں تاں جسونت نوں غیر حاضر اتے بھگوڑا قرار دے دِتا۔ اوس دا کورٹ مارشل کر دِتا۔ فوج وِچوں ناں کٹ دِتا۔ جسونت سنگھ دی بہادری دا اتہاس تاں شاید برف دِیاں لہو لُہان پرتاں تھلے ہی دبیا رہندا جے کِتے یُدھ ختم ہون بعد بھارت سرکار نوں چین دی سرکار ولوں اِک خط نہ آؤندا۔ اوس خط راہیں چین دی سرکار نے سِپاہی جسونت سنگھ دی بہادری دی صفت کردیاں اوس نُوں سنمانت کرن دا اعلان کیتا سی۔ چین سرکار دی چٹھی مِلن تے شہیدی جام پی چُکے جسونت نوں دوبارہ سروِس تے لیا گیا۔ اوس دی سینیارٹی قائم رکھی گئی۔ اوس نوں مرن مگر پرم وِیر چکر اتے آنریری کیپٹن دے رُتبے نال سنمانِت کیتا گیا۔ چین دے فوجی جسونت دا سِر دھڑ نالوں اڈرا کرکے تاں آپنے نال لے گئے سن پر اج وی جسونت گڑھ وِکھے آنریری کیپٹن جسونت سنگھ دا بنکر وسدا ہے۔ بنکر وِچ اوس دا بِستر وِچھیا رہندا ہے۔ بکسے سنے اوس دا سارا سمان اوتھے ہی ہے۔ صاف سُتھری پریس کیتی گئی جسونت سنگھ دی وردی ہر ویلے ہینگر وِچ لمکدی رہندی ہے۔ کوئی وی آؤندا جاندا بنکر وِچ جا کے اوس اندر اُکریا اتہاس پڑھدا ہے تاں لوں کنڈھے کھڑے ہو جاندے ہن۔ اوتھے ایہہ وی لِکھیا ہویا ہے “پیسہ چڑھا کے شہید دا اپمان نہ کرو۔” چودھاں نریش اتے اوسدی ساری پلٹن پونچھ توں روانگی دی تِیاری کر رہی سی۔ ایہناں دِناں وِچ ہی دین دِیال نے نریش نوں اِک خط لِکھیا۔ اوس خط راہیں دین دِیال نے نریش نوں دو مہینیاں دی چُھٹی آؤن لئی لِکھیا سی۔ نریش نے چُھٹی لے لئی۔ پھگواڑے تک نوراں نہنگ جا رہی پلٹن دے نال ہی آیا۔ پھگواڑے توں آپدے ہلکے جیہے سمان نال بگھانے دی بس پھڑ لئی۔ نریش نے ایہناں چھُٹیاں وِچ آپنے سُپنیاں دی مِٹی نوں وتران دی نیت دھار لئی سی۔ اِک وار سکولی پڑھائی ویلے نریش نے کِسے ٹور تے جانا چاہیا سی۔ دِین دِیال نے نہ نُکر کیتی سی۔ دین دِیال دے مخالف کرن تے وی نریش نے جیویں کیویں آپنی ضِد پُگا لئی سی۔ ایہہ گل یاد آؤندیاں ہی نریش نے سوچیا کہ جے اوہ بچپن وِچ اِک معمولی ٹور لئی ضِد کر سکدا سی تاں کیہ ہُن عمر دے ایس پڑاء تے آپنی نِشا لئی ضِد نہیں سی کر سکدا۔ نِشا تاں اوس نُوں ساہواں توں وی ودھ پیاری سی۔ اوہ کدی وی نِشا دا اپرادھی نہیں سی بن سکدا۔ نالے، سپنیاں وِچ سِرجے مستقبل دے عالیشان بُرج نوں ڈھیہہ ڈھیری ہویا دیکھن دا جِگرا کِس کول ہو سکدا ہے بھلا! گھٹو گھٹ اِنساناں وِچ تاں نہیں ہو سکدا۔ نِشا کولوں تاں بغاوت کرن دی ہِمت نہیں سی کر ہونی۔ نریش نے من ہی من وِچ دائیا کر لیا کہ ایتکیں دین دِیال اتے سوِتری دے ساہمنے چِراں توں ان کہی گل نوں زُبان دے کے ہی رہے گا۔ اوس سوچیا کہ جے اوہ اِہس وار وی گل کرنوں کھُنجھ گیا تاں سُپنیاں وِچ سِرجے سورگ جیہے گھر نوں کدی وی سنھ لگن دا خطرہ ہو سکدا سی۔ اوس حالت وِچ اپرادھ اوہ آپ ہی بنے گا...پیار دی کچہری وِچ ساری دی ساری جواب طلبی اوسے دی ہی ہووے گی۔ کِسے وی حال نریش پیار دا مُجرم نہیں سی بننا چاہوندا۔ نریش نوں...نِشا نوں...کسے نوں وی نہیں سی پتہ کہ اوہناں دی پیار کہانی ہُن تک گُجھی نہیں سی رہی۔ اوہناں دے سِرجے ہوئے سُپنے تاں آپ ہُدرے ہو چُکے سن۔ آپے ہی سچ بنن لئی اُتاولے سن اوہ سُپنے۔ من پُھول دین دِیال، ریشمی اتے سوِتری نے آپس وِچ سارا صلاح مشورہ کر لیا سی۔ شگناں دی رُت دوہاں گھراں دے وِہڑیاں وِچ پیر دھرن لئی پر تول رہی سی تاں نریش دے چُھٹی آؤن دی۔ نریش بگھانے دے اڈے تے بس وِچوں تھلے اُتریا۔ اوس دے اُترن سار کئی ہتھ اوس دا سمان پھڑن لئی کالھے ہو گئے۔ بنتو ہریجن نے اوس دا اٹیچی سانبھ لیا سی۔ چھپڑ کنڈھلے بوڑھ کول اپڑ کے نریش دے پیر آپ مُہارے ہی کھلو گئے۔ چھِپ رہے سورج دِیاں سُنہِری کِرناں بوڑھ دے پتیاں ‘چوں تِلک کے نریش دے سِر نوں چُم رہیاں سن۔ پنڈت دین دِیال دے گھر دا بوہا کھڑکیا۔ کُھلیا۔ کھولھیا وی دین دِیال نے ہی سی۔ “او شاباش!” خوش ہوئے دین دِیال نے نریش دی کنڈھ تھاپڑی۔ چوکے ولوں کالھی کالھی تُری آئی سوِتری دے دوویں ہتھ نریش لئی اسیس بن گئے۔ بنتو اٹیچی رکھ کے پرتن ہی لگیا سی کہ سوِتری نے اوس نُوں ٹوک دِتا، “کھلو وی بنتیا، کالھی کاہدی آ، چاہ پانی پی کے جاویں۔” “چنگا چاچی” رب لمی عمر دیوے نریش نوں، جُگ جُگ جیوے۔ چاچی ساڈے گریباں کولوں تاں اسیس ای سردی آ۔ میں تاں بڑے ای چِراں پِچھوں دیکھیے ایہنوں۔” کہندا بنتو ویڑھے وِچلی دھریک دی جڑے بھُنجے ہی بیٹھ گیا سی۔ “آ لے بنتیا” کہہ کے نریش نے بنتو ول دس روپئے ودھائے۔ ‘ہادی کیہ لوڑ تی’ کیہا تاں سی بنتو نے پر اوسدی غریبی نے 10 روپئے پھڑ ہی لئے۔ سوِتری نے ساریاں نوں چاہ پانی پیایا۔ اسیساں دیندا ہویا بنتو وی وِدیا ہو گیا۔ “پُت کِنی چُھٹی آئیےں” دین دِیال نے پُچھیا سی۔ “جِنی تُسیں لِکھیا سی، دو مہینیاں دی۔” “بہُت ودھیا کیتا ای” ایہہ بول سوِتری دے سن۔ “ہُن پلٹن بہُت دُور چلی گئی آ۔ ایہناں چھُٹیاں دے مُکدیاں ہی میں سِدھا نوراں نہنگ جانا ہے۔ چین دے باڈر تے ۔” نریش نے دین دِیال تے سوِتری نوں دسیا سی۔ “ کِنی کُودُور اے ایتھوں؟” دین دِیال نے پُچھیا۔ جواب سُنن لئی سوِتری دے کن وی کالھے سن۔ “ایتھوں تِن راتاں تاں گُہاٹی تک لگدیاں ہن ریل گڈی تے ۔ فیر اوتھوں ٹرانزِٹ کیمپ توں مِلٹری دی کانوائی تے ہی جانا پیندا ہے۔” نریش نے دسیا۔ ایسے طرحاں ہنیرا ہون تک تے اوس توں بعد وی ایدھر اُدھر دِیاں نِکیاں نِکیاں گلاں ہوندیاں رہیاں۔ گلاں باتاں دے دؤر وِچ ہی نریش نے کُجھ تصویراں وی وِکھائیاں سن۔ تصویراں پونچھ علا قے دِیاں سن۔ اوس نے آپ ہی کھِچیاں سن۔ ایہناں وِچ اوس دا فوجی جیون اتے قُدرت پرتی موہ پلسیٹے مار رہیا سی۔ ادھی رات تک سارے ہی ہیٹھلیاں اُتلیاں ماردے رہے۔ گل گل وِچ اوہ پل وی آ گئے جدوں گل نوں مِلدے ہُنگارے نیندر وِچ گواچن لگ پئے سن...انت، پُوری طرحاں گواچ گئے سن۔ رات بی گئی۔ چِڑیاں دی چیں چیں تے چاٹیاں دی گھم گھم دے نال ہی سجری سویر دِیاں کِرناں نے پِنڈ دے نقشں وِچ تازگی بھر دِتی سے۔ پِنڈ دِیاں گلیاں وِچ پنجالیئے جُڑے بلداں دِیاں ٹلیاں آپنی چھنکار دی گونج نال سویر سار دی رُمکدی پون وِچ آپنا سنگیت گھول رہیاں سن۔ آب و ہوا نوں ہور نِکھار رہیاں سن۔ نریش اُٹھیا، نہایا تے چاہ پانی پی کے اوس نے ناشتہ کر لیا۔ ‘بی جی میں ذرا پریتم دے ہو آواں’ نریش نے کیہا۔ “اوتھے ہی نہ بیٹھا رہویں، گھر چھیتی پرتیں” سوِتری نے تاکید کیتی۔ “چنگا بی جی” کہہ کے نریش تُردا بنیا۔ اوہ نِشا دے گھر ول ہو تُریا۔ کِسے سکون دی بھال وِچ سکون جو اوس نُوں نِشا دا چہرہ ویکھ کے ہی مِلنا سی۔ من پُھول دے گھر دا بوہا ادھ کُھلیا سی۔ بُوہے دی وِرل وِچوں نریش دی نِگاہ اندر ویڑھے دا جائزہ لین لگ پئی۔ دین دِیال وی اوتھے ہی سی۔ اوہ تے من پُھول اِکو منجی تے بیٹھے ہوئے گلاں باتاں مار رہے سن۔ کول ہی ریشمی وی مُوڑھے تے بیٹھی ہوئی سی۔ بُوہے دی وِرل وِچوں ہی نِشا دی نظر نریش دی نظر نال کھہِ گئی سی۔ نظراں اِک ہو گئیاں سن۔ دوہاں دِیاں اودریاں ہوئیاں اکھاں وِچ چانن اُتر آیا سی۔ نِریاں اکھاں وِچ ہی نہیں، چانن تاں اوہناں دے روم روم وِچ تِلک آیا سی۔ ایس وقت آؤندے دِناں وِچ جو کُجھ ہون والا سی، اوس دی کُجھ کُجھ بھِنک نِشا نوں تاں سی۔ نریش نوں اجے کُجھ وی نہیں سی پتہ۔ نریش نے بوہا کھڑکایا اتے اندر لنگھ گیا۔ چودھری من پُھول اتے ریشمی نوں ستِکار دِتا۔ چور اکھاں نال چُفیرے جھاکدیاں نریش نے نِشا نوں گھر دے اِک کمرے وِچ الوپ ہوندیاں ویکھ لیا سی۔ ‘پر کیوں ؟’ ایہہ نریش دی سمجھ توں باہر سی۔ نریش نے چوکے نیڑے پئی اِک کُرسی چُکی۔ دین دِیال اتے من پُھول ہُنا دی منجی نیڑے ڈاہ کے بہہ گیا۔ ‘ہور پُت کیویں آ فیر ؟” من پُھول نے پُچھیا۔ “سبھ ٹھیک آ تایا جی، تُسیں آپنی سُکھ ساند دی دسو۔” نریش دا جواب سی۔ “دسنا کیہ آ لفٹین صاحب۔ سانوں تیری ساری شرارت دا پتہ لگ گیا۔” من پُھول نریش دے چہرے تے نظر جمائیں کہہ رہیا سی۔ کل بیٹھے دین دِیال دے چہرے تے مُسکراہٹ سی۔ “لے ہُن گل سُن لے پئی اگے توں تُسیں چوری چھِپے پھِلماں دیکھن نہیں جاؤگے۔ جاؤگے تاں دس کے۔ سمجھ گیاں کہ نہیں؟ سبھ کُجھ سمجھ کے وی نریش کولوں کوئی جواب نہیں سی بنیا۔ پر، نِشا دے الوپ ہون دا کارن اوسدی سمجھ وِچ آ چُکیا سی۔ اندروں اندریں نریش بہُت خوش ہویا سی۔ ریجھاں دے حسین دیوے جو لٹ لٹ بلن لگ پئے سن۔ وڈیاں ساہمنے اوس دِیاں اکھاں نیویاں ہی رہیاں سن۔ کِن چِر نیویاں ہی رہیاں۔ سنگ دی اِک سوہی جیہی بھاء نریش دِیاں گلھاں اُتے آئی اتے پرت گئی۔ بِلکُل اوسے تیزی نال جیویں کدی پتنگ کٹی جان دے حادثے بعد نِشا دِیاں گلھاں اُتے گُلال دی پرت آئی تے مُڑی سی۔ پندرھاں تیج پُور دے مِلٹری ہسپتال وِچ پرکھ نِرکھ بعد ڈاکٹراں نوں ایہہ یقین ہو گیا کہ کیپٹن نریش نوں پریلیمنری اُڈیمن دی شِکایت ہو چُکی سی۔ جلدی ہی آپریشن کر دِتا گیا۔ کوئی انرتھ ہونوں ٹل گیا سی۔ دو چار دِناں بعد نریش آپنے آپ نوں نوں بر نوں سمجھن لگ پیا سی۔ ماہِر ڈاکٹر اوس نُوں دس پندرھاں دِن ہسپتال وِچ ہی رکھنا چاہوندے سن۔ ہسپتال دی منجی تے پئے رہنا نریش دے سُبھاء نوں چِڑچِڑا کری جا رہیا سی۔ اوس دے پِنڈوں کئی دِناں توں کوئی خط وی نہیں سی آیا۔ خط جو پِنڈ دے موسماں دا ذِکر کردے سن۔ راہول تے نِشا دی مُسکان ہوندے سن۔ دِین دِیال تے سوِتری دی اسیس ہوندے سن۔ آپنے ہسپتال داخل ہون بارے کُجھ دِن پہلاں ہی نریش نے پِنڈ خط لِکھ دِتا سی۔ نال نال اوہناں نوں کِسے قِسم دا وی فیر نہ کرن لئی لِکھیا سی۔ ایہی دِن سن کہ کیپٹن نریش دی سالانہ رِپورٹ لِکھی جانی سی۔ اِک دِن نریش اِک ساتھی مریض نال تاش کھیڈ رہیا سی۔ کھیڈ سی ‘پپلو’۔ اوسدی پلٹن دا صوبیدار میجر بِشن دت کُجھ کاغذ کچھ وِچ ماری آ پہُنچیا۔ ‘رام رام صاحب’ کہہ کے بِشن دت نے نریش نوں سلوٹ ماری۔ نریش نے ہسدیاں ہسدیاں سلوٹ دا ہُنگارا بھریا۔ تاش دی کھیڈ وِچے ہی چھڈ دِتی۔ بیڈ دے کول ہی خالی پئی کُرسی تے بِشل دت نوں بیٹھن لئی کیہا۔ ‘ابھی کیا حال ہے صاحب؟’ بِشن دت نے پُچھیا۔ ‘ٹھیک ہوں ابھی، پلٹن میں سبھ کیسا ہے؟’ نریش دے جواب نال اِک سوال وی سی۔ ‘سبھ ٹھیک ہے صاحب۔ آپ کا انتظار ہے۔’ بِشن دت نے کیہا تاں نریش نے بیڈ کول لگے بیل بٹن نوں دبا کے وارڈ اٹینڈنٹ نوں بُلایا تے چاہ منگوا لئی۔ چاہ دِیاں چُسکیاں بھردیاں ہی نریش نے پُچھیا ‘کیسے آنا ہوا اِدھر تیزپُر؟’ صاحب کرنل صاحب نے آپکی اے.سی.آر. (سالانہ رِپورٹ) دے کے بھیجا ہے کہ آپ کے دستخط کرا لاؤں۔ اور یے کُچھ آپ کیہ پرائیویٹ ڈاک بھی ہے۔’ کہِندیاں بِشن دت نے اِک سیل بند لِفافہ تے کُجھ چِٹھیاں کیپٹن نریش دے حوالے کر دِتیاں۔ نریش نے پرائیویٹ چِٹھیاں تاں سِرہانے ہیٹھاں رکھ لایاں۔ سیل بند لِفافے دی سیل کھولھی۔ کرنل ولوں لِکھی گئی رِپورٹ دِھیان نال پڑھی۔ ہمیشہ وانگ اوسدی اے. سی. آر. ابو ایوریج ہی سی۔ نریش خوش سی۔ اوس نے رِپورٹ اُتے آپنے دستخط کر دِتے۔ ‘صاحب بُرا نہ مانو تو وارڈ آفِس سے کِسی اٹینڈنٹ کو بُلا دیجیئے’ نریش نے بِشن دت نوں کیہا۔ ‘ٹھیک ہے صاحب’ بِشن دت دے بُلاؤن اُپرنت اٹینڈنٹ آ گیا۔ اوس نُوں کہہ کے نریش نے اِک ماچس تے تھوڑی جیہی لاکھ منگوا لئی۔ نریش نے آپنی اے. سی. آر. نوں لِفافے وِچ پایا۔ لاکھ گرم کیتی۔ لِفافہ مُڑ سیل کر دِتا۔ سیل کرن مگروں اے. سی. آر. والا لِفافہ صوبیدار میجر بِشن دت نوں ہی سونپ دِتا۔ ‘اچھا صاحب، اِجازت دےں’ کہہ کے بِشن دت پلٹن واپس جان لئی تیار ہو گیا۔ اوس نے نریش نوں سلوٹ ماری تے واپس نوراں نہنگ لئی روانہ ہو گیا۔ بِشن دت دے جان بعد نریش نے سِرہانے ہیٹھوں آپنی پرائیویٹ ڈاک کڈھی۔ اِک چٹھی تاں پریتم دی سی تے دُوجی نِشا دی۔ نِشا دی چٹھی والے لِفافے وِچ ہی دین دِیال اتے سوِتری دِیاں چِٹھیاں سن۔ دین دِیال اتے سوِتری دِیاں چِٹھیاں پڑھدیاں نریش نوں محسوس ہویا کہ دوویں اوس دے سِر تے ہتھ پھیر رہے ہون۔ نِشا ولوں لِکھے ہوئے خط دے اکھر پانی دے تُپکیاں نال بھِج کے سُکے ہوئے سن۔ برف ورگے ٹھنڈے اکھر ایس گل دی گواہی بھردے سن کہ نِشا نے روندیاں روندیاں خط لِکھیا سی۔ نِشا بہُت اُداس سی تے اوس دی اُداسی دا کارن نریش دا بیمار ہونا ہی سی۔ نریش نے ایہناں ساریاں نوں جواب وِچ بے فِکر تے نِسچِنت ہون لئی لِکھیا۔ نال نال ایہہ وی لِکھیا کہ اوس نُوں دو تِن دِناں وِچ ہی چُھٹی مِل جاوے گی۔ اوہ واپس پلٹن پہُنچ کے چھیتی ہی چُھٹی لے کے پِنڈ آوے گا۔ نریش نے نِشا نوں خط وِچ لِکھیا سی ‘نِشا فوجیاں نوں حد توں زیادہ پیار نہیں کرنا چاہیدا۔ مندا ہاں کہ پیار اِک ور ہے پر بھولیے ور سراپ وِچ تاں وی تاں بدل سکدا ہے۔ خیر ہُن کوئی فِکر نہ کریں، میں بِلکُل ٹھیک ٹھاک ہاں۔ راہول نوں میرا پیار دیویں۔’ سولاں کیپٹن نریش نوں ہسپتال توں چُھٹی مِل گئی سی۔ اوہ واپس آپنی پلٹن وِچ پہُنچ گیا سی۔ دِناں وِچ ہی اِک کالا بولا وا ورولا آیا، اِسدا سارے دا سارا رُخ نریش ول ہی سی۔ ایہہ وا ورولا نریش دا بہُت کُجھ ڈھیہہ ڈھیری کر سکدا سی۔ اوس دا بہُت کُجھ دب جانا سی ایس ملبے دے ہیٹھ۔ زندگی دا چین، پریرنا تے سارے دے سارے ارمان۔ نریش دا فوجی وردی دا چائ اِک وار تاں کِسے لاں تے لمک گیا سی۔ پر، اوہ بچ نِکلِیا سی ایس وا ورولے دے وِچوں۔ اوس دے سُپنیاں دی پکی پکائی ہاڑی جاں ساؤنی ربی مار توں غرق ہونوں بچ گئی سی۔ ہاں، ایس وا ورولے نے نریش نوں بھن کے ضرور رکھ دِتا سی۔ ایسے وا ورولے نے نریش دی چُھٹی لے کے پِنڈ جان والی سدھر نوں تہس نہس کرکے رکھ دِتا سی۔ ایس وا ورولے صدقہ نریش دی ہو رہی ٹُٹ بھج نوں دین دِیال تے سوِتری تاں اکھں ویکھ گئے سن پر اوہناں دوہاں نے ایس بارے کِسے نال وی کوئی گل ساںجھی نہ کیتی۔ نریش دا جو حال ہونا سی، ہویا۔ ایس طوفان نے دین دِیال اتے سوِتری لئی وی بُڈھاپے دا وہی کھاتہ اگیترا ہی کھول دِتا سی۔ اوہناں دے چہریاں توں جھُرڑیاں پھُٹن لگ پایاں سن۔ چِٹھیاں نِشا دِیاں نریش نوں تے نریش دِیاں نِشا نوں آؤندیاں رہیاں، ہاں نریش دا چُھٹی تے نہ آؤنا نِشا نوں ٹُک ٹُک کے کھاندا رہیا ۔ جس وا ورولے نے نریش دا دِل پھوڑے وانگ دُکھن لا دِتا سی، ہُن اوہ لنگھ گیا سی۔ ہاں، ایس دِیاں کھِلریاں پُلریاں حقیقتاں نریش دے دُھر اندر کِتے نہ کِتے چُپ چاپ لُک کے بیٹھ گئیاں سن۔ نریش دی بدلی انبالہ چھاؤنی گھر دے نیڑے ہو گئی سی۔ ایتھے اوس نُوں پریوار سمیت رہن لئی بنگلا وی مِل گیا سی، نِشا اتے راہول توں علاوہ نریش آپنے پِتا دین دِیال اتے ماتا سوِتری ہوراں نوں وی آپنے نال انبالے ہی رکھنا چاہوندا سی۔ اوہ نہیں رہے۔ شروع شروع وِچ کُجھ دِن رہے تے فیر پِنڈ پرت گئے سن۔ دین دِیال، من پُھول ، سوِتری جاں ریشمی جس کِسے دا وی جدوں کدی وی دِل کردا، انبالے آ جاندے۔ مِل گِل کے فیر پِنڈ واپس پرت جاندے۔ ٹبر توں علاوہ پِنڈ دا کوئی وی جی اوہناں نوں انبالے مِلن آؤندا تاں نِشا سمیت نریش نوں رب جِنا چائ چڑھ جاندا۔ نریش ترقی پا کے میجر بن گیا سی۔ ہُن اوہ کمپنی کمانڈر سی۔ سبھ کُجھ عام وانگ چل رہیا سی۔ رِڑھدا رِڑھدا راہول وی آپنیاں توتلیاں گلاں نوں بہُت پِچھے چھڈ آیا سی۔ ہُن اوہ بھجا فیر دا سی۔ شرارتاں وی واہوا کردا سی۔ سکولے پڑھن جاندا سی۔ نریش تے نِشا جد کدی وی شام ویلے کلب جاندے تاں راہول نوں آپنے نال ہی کھڑدے۔ اِک دِن نریش پلٹن جان لئی تیار ہو چُکیا سی۔ جیپ نوں اُڈیک رہیا سی۔ راہول وی سکول جان لئی تیار سی۔ سکول بس اُڈیک رہیا سی۔ دوویں پِیو پُتر کوٹھی دے باہرلے برامدے وِچ کھڑے سن۔ اچانک ہی راہول نے آپنے ہتھاں دے پنجے نریش دی بیلٹ وِچ اڑا دِتے تے کیہا، “ڈیڈی ڈیڈی، اج پِکچر دِکھاؤگے؟” “کِیؤں وئی اج کیہ گل اے؟” “بس ایوےں دِل کردے، ڈیڈی!” “ضرور وِکھاواں گا بیٹے۔” “پرومِس کرو فیر ۔” “او کے پرومِس۔” راہول نے ‘تھینک یو’ کیہا ہی سی کہ اینے نوں جیپ آ گئی۔ نریش دفتر چلیا گیا۔ کُجھ چِر بعد راہول دی سکول بس وی آ گئی۔ راہول سکول چلا گیا۔ راہول دے سکول جان توں بعد دین دِیال تے سوِتری نوں آیاں بہُتا سماں نہیں سی ہویا کہ نریش وی جیپ تے مُڑ گھر پہُنچ گیا۔ عام طور تے نریش دوپیہری دو وجے گھر آؤندا سی۔ نریش نے گھر آئے ماتا پِتا نوں ستِکار دِتا پر اوس وِچ عام ورگا ٹھرھما نہیں سی۔ نِشا کُجھ کُجھ حیران سی۔ نریش جلدی ہی آپنے سون والے کمرے وِچ چلا گیا۔ نِشا وی اوس دے پِچھے پِچھے اوسے کمرے وِچ پہُنچ گئی سی۔ نریش نے نِشا نوں بیٹھن لئی کیہا۔ نِشا نریش دے نال ہی پلنگھ اُتے بیٹھ ای۔ نریش نے آپنی اِک بانہہ نِشا دے موڈھیاں اُتوں ولا دِتی اتے کیہا، “نِشا ہُنے ہُنے پاکستان نال جنگ چھِڑ گئی ہے” ایہہ سُن کے نِشا تربک گئی سی۔ “ساری دی ساری پلٹن تیار ہو چُکی ہے، اسیں ایتھوں ٹھیک ساڈھے باراں وجے بارڈر لئی روانہ ہونا ہے۔” نِشا سبھ کُجھ چُپ چاپ سُنی جا رہی سی۔ ‘ہاں، میں راہول نوں اج شامیں پِکچر وِکھاؤن دا وعدہ کیتا ہے، اوس نُوں پِکچر ضرور وِکھا کے لیائیں۔” وِچوں ہی ٹوکدیاں نِشا نے کیہا، تے کیہ راہول نوں مِل کے وی نہیں جاووگے؟’ ایس ویلے نِشا دِیاں اکھاں وِچ گلیڈو سن۔ ‘وقت ہی نہیں’ کہہ کے نریش آپنے اِک ہتھ دے پوٹیاں نال نِشا دِیاں اکھاں پُونجھن لگ پیا۔ تے کیہا، “کملیے توں اِک فوجی افسر دی پتنی اےں تے اینا چھوٹا دِل! تینوں تے اُلٹا خوش ہونا چاہیدے۔ جے اسیں ہی ویلے سِر وطن دی راکھی نہ کیتی تاں ہور کِس نے کرنی ہے؟” نِشا کولوں کوئی وی جواب نہیں سی بنیا۔ فیر وی اوس نے عام وانگ ہون دی کوشش کیتی۔ نریش نے گل جاری رکھدیاں کیہا ‘بی جی تے پِتا جی تیرے کول ہی رہ جان گے۔ حوصلے نال رویں، اُٹھ تُرن توں پہلاں آپنے ہتھاں نال چاہ بنا کے پیا۔” چاہ بناؤن گئی نِشا نے دین دِیال تے سوِتری نوں سبھ کُجھ دس دِتا سی۔ نریش جنگ تے جان لئی آپنی کِٹ تیار کر رہیا سی۔ دین دِیال تے سوِتری وی نریش دے کمرے وِچ پہُنچ گئے سن۔ نریش توں اُلٹ ایہناں دے چِہریاں اُتے گمبھیرتا سی۔ نریش تاں مُسکرا رہیا سی... اوس نُوں تاں عجیب جیہا چائ چڑھیا ہویا سی۔ یودھیاں والی مُسکراہٹ سی اوس دے چہرے اُتے۔ نِشا چاہ بنا کے لے آئی۔ ٹریا چاہ تے ہور نِک شُک نال بھری ہوئی سی۔ اِک پلیٹ وِچ برفی، اِک وِچ گُلاب جامناں، رس گُلے تے اِک ہور پلیٹ وِچ نمکین سی۔ پیالیاں وِچ چاہ پاؤندی نِشا ول ویکھ کے نریش نے کوئی گل نہ کیتی۔ صِرف مُسکرایا ہی سی۔ آپنی تِیاری دا کم وِچے چھڈ کے نریش نے ساریاں نال بیٹھ کے آرام نال چاہ پیتی۔ دین دِیال تے سوِتری نوں انبالے نِشا اتے راہول دے کول ہی رہن نوں کیہا تے پھیر آپنی تِیاری وِچ رُجھ گیا۔ ایس تِیاری بارے نِشا نوں کوئی خاص گیان تاں نہیں سی پر فیر وی اوہ نریش دی مدد کر رہی سی۔ نِشا تے نریش نوُں کُجھ وقت اِکلیاں دین لئی دین دِیال تے سوِتری چاہ توں ویلھے ہو کے باہر برامدے وِچ ڈٹھیاں کُرسیاں تے بیٹھ گئے سن۔ پُوری تِیاری کرن توں بعد نریش نے نِشا دے دوواں موڈھیاں تے آپنے ہتھ رکھ دِتے۔ اوس دِیاں اکھاں وِچ اکھاں پائیاں تے کیہا ‘چھیتی ہی پرت آوانگا، ہُن اِجازت دے’ وداع ہون توں پہلاں نریش نے نِشا نوں آپنیاں پیڈھیاں باہاں تے ولیویں وِچ لے کے چُمیا وی سی۔ گھر وِچ ہی پرارتھناں کمرے وِچ جا کے سیس نِوایا۔ نریش پرارتھنا کمرے وِچوں باہر نِکلِیا ہی سی کہ سوِتری نے نریش دے سِر توں پنج مِرچاں واریاں تے اوس دے متھے تے توے دی کالکھ دا ٹِکا لا دِتا۔ فیر آپنے ماتا پِتا دی اسیس لے کے میجر نریش جنگ لئی وداع ہو گیا سی، راہول نوں مِلے بِناں۔ جنگ دا سنویدھان فوجیاں دِیاں کئی اِچھاواں دی وکالت نہیں کردا۔ راہول سکولوں دوپہر دے تِن وجے پرتیا سی۔ “ممی ممی ڈیڈی کِتھے نیں؟” “کِیوں کیہ گل؟” “ اوہناں نے پکچر وِکھاؤن دا پرومِس کیتا سی۔” “بیٹے اوہناں دی پلٹن کُجھ دِناں لئی بہُت دُور چلی گئی ہے۔ پکچر تینوں میں دِکھا دیاں گی۔” ‘نہیں ممی، جد ڈیڈی آؤن گے اودوں ہی دیکھاں گا۔’ راہول دے جواب وِچ بے خوفی سی۔ ستارھاں ورِھیاں دے گربھ وِچوں جنگ دا نگارا پھیر بُلند ہو گیا سی۔ جموں کشمیر بھارت دی مُندری دا نگ رہیا ہے۔ اج وی ہے۔ جُگاں جُگاتراں تک رہے گا۔ شِوالِک، پیر پنچال، ہمالیا، جنسکار، کراکُرم اتے لداخ دا ٹھنڈا پردیش ہُن فیر جھُلسدیاں پوناں دی مار ہیٹھ آ گیا سی۔ ایس دے نال نال دریا سِندھ، جہلم، کِشن گنگا، چناب تے راوی دیاں پانیاں نوں وی پوناں دا اثر ہونا ہی ہونا سی۔ ایس حالے کُنگ پیش (کیسر) دے کھیتاں دی مہک پونا دی کتیریں کیویں چڑھدی؟ سُگندھیاں کیویں کھِلاردی؟ لداخ دی پنگورا اتے ایسے مورِری دِیاں جھیلاں تے ہنسا دے جوڑے اُڈان کیویں بھردے؟ کلول کیویں کردے؟ گیت کیویں گاؤندے؟ پہاڑاں وِچ گرجدے بدلاں اتے کڑکدی بِجلی نال ماحول ڈاڈھا ڈراؤنا ہو گیا سی۔ جنگل دے دیوداراں اتے چیل دے رُکھاں دی بھیانکتا دا رُوپ ہی دھار لیا سی۔ پت جھڑ دے اُتارے ویلے چِناراں دے پتر تاں آئے سال ہی جھڑدے ہن۔ بھوئیں تے قُدرت دا وِشال وِچھاؤنا بن جاندے ہن۔ پر ہُن تاں ایہناں چِناراں وِچوں وی اگ ہی اگ وس رہی سی۔ سیب، کھُرمانیاں، آڑو، بدام اتے اخروٹاں دے رُکھ وی گھٹ نہیں سن۔ اوہناں وِچوں وی ہتھ گولیاں دی واچھڑ ہی ہو رہی سی۔ پنجاب تے ریگِستان دے میدان وی سنتاپ بھوگ رہے سن۔ کدی ایتھے مور پیلاں پاؤندے سن۔ چِڑیاں چیں چیں الاپدیاں سن۔ خرگوشاں تے ہِرناں دِیاں چُنگیاں نِدھڑک سن۔ چھیڑوآں دے وگاں کولوں لنگھدیاں لوک گیتاں دِیاں ہیکاں سُنی دِیاں سن۔ تے ہُن جنگ دے دِناں وِچ ایتھے وی تھاں تھاں کُتیاں، گِدڑاں اتے ماس کھوریاں الاں دِیاں دوزخی کوکاں اتے چیکاں ہی سُندیاں سن۔ بِلیاں دی میاؤں میاؤں وی ویناں ورگی ہی لگدی سی۔ ہریاں بھریاں لہِلہاؤندیاں فصلاں نوں ٹِڈی دل تاں نہیں سی پیا۔ فوجیاں دے قافلے، بکتربند گڈیاں اتے اوہناں ٹےںک ایہناں نِکرمیاں پھسلاں نوں مِدھ رہے سن۔ توپ خانیاں دے گولے...بنبر جہازاں دے بمب ایہناں پھسلاں نوں پھوک رہے سن۔ بمباں دے دھماکے تاں ِانج سن جیویں بدل پاٹ رہے ہون۔ جوالامُکھی وانگ اگ دِیاں لپٹاں ماردے نپالم بمب دھرتی دی ہِک نوں پور پور لہو رہے سن۔ گولیاں دِیاں واچھڑاں تاں سون دے پھراٹیاں توں وی اگے لنگھ گئیاں سن۔ دہشت دے پرچھاویاں ہیٹھ بھیانکتا دا ماحول اتِ ڈراؤنا ہو گیا سی۔ ایہہ ڈر عام بندیاں تک ہی سی۔ ایہناں تے جنگ دا ڈر تاں ہے ہی سی۔ پر ایس دے نال نال آرتھِکتا دا بوجھ وی دِن بہ دِن ودھی جا رہی سی۔ اوہناں دے سہم وِچ وادھا کری جا رہیا سی۔ ایس دے اُلٹ فوجی تاں بے خوف سن۔ فوجیاں دے شبد کوش وِچ خوف ناں دا اکھر ہی نہیں ہوندا۔ ریڈیو توں ہو رہی نشریات نِشا دی...اوہو جیہی اں ہور کایاں دی ہِک اندروں اندریں لہو رہے سن۔ سرحد تے چلدیاں بندے کھانیاں گولیاں دی گونج اکثر ایہناں دے کناں وِچ پیندی۔ ایس گونج دے نال نال ایہہ روہاں تھر تھر کمب اُٹھدیاں۔ پر، آپنے اندرلے ڈر نوں جگ ظاہر نہ ہون دیندیاں۔ نو مینز لینڈ دے جھُلسے ہوئے رُکھاں تے پنچھیاں دے آلھنے آپو آپنی وِرانگی تے رو رہے سن۔ کئی تاں رُکھاں سمیت سڑ بل کے سُوآہ ہو گئے سن۔ سرحدوں ایدھر، سرہدوں اُدھر دُولی منُکھتا دا گھان ہو رہیا سی۔ ہواواں دی سیرت وِچ اِک سہم جیہا گھُل چُکیا سی۔ دھرتی انبر دوویں اٹھے پہر سوگی رہن لگ پئے سن۔ جنگی مشینری اتے گولی سِکہ بناؤن والیاں دا وپار سِکھر ول ودھ رہیا سی۔ اوہ اُتوں والی دے جنگ ورودھی بیان داغی آ رہے سن۔ اندرخاتے خوش سن۔ پاکستان نال بھارت دے ایس سِدھے سینِک یُدھ توں پہلاں ہی پُوربی اتے پچھمی پاکستان وِچ چِراں پُرانا گھریلو یُدھ چل رہیا سی۔ پاکستانی فوجاں دا اہم حِصہ ایسے گھریلو یُدھ وِچ بُری طرحاں اُلجھ چُکیا سی۔ خاص کرکے فوجی پُوربی پاکستان وِچ غیر انسانی تشدد کر رہے سن۔ سرکاری شہِ تے ایہہ فوجی ظُلم دے حد بنھے ٹپ چُکے سن۔ موت کولوں تاں سارے ہی ڈردے سن۔ پر،عورتاں تاں زندگی توں وی ڈردیاں سن۔ ایہہ ڈر فوجیاں دی دین سی۔ فوجیاں دے زور جبر دی ہی دین سی۔ ‘سو کیوں مندا آکھیے جِت جمیہ راجان’ ہِندوآں دے گورو، مُسلماناں دے پیر، شاہ فقیر گورو نانک دیو جی دے اُپدیش نوں پاکی فوجیاں نے مولوں ہی وِسار دِتا سی۔ میں تاں کیہ ویاکھیا کرنی ہے! گھُپ ہنیرا سی۔ جھاڑاں، کوٹھیاں اتے کھولھیاں دی اوٹ وِچ فوجیاں دا کیمپ سی۔ نشے وِچ دھُت فوجیاں دے کیمپ وِچوں نیم جیہا چانن باہر ول جھکانیاں جیہیاں ماردا سی۔ فوجیاں دی آپسی گھُسر مُسر بُجھوں بُجھوں کردے چانن نالوں کِتے زیادہ باہری سی۔ ایسے کیمپ کولوں ہی اِک سنت سُبھاء انسان ہنیرے دی اوٹ وِچ لنگھی جاندا سی۔ اوسدی منزِل تاں اوہی جاندا سی، کِسے گلوں اوہدے کن رس وِچ وِگاڑ پے گیا۔ پہلاں تاں اوہ بُری طرحاں تربھکیا۔ ہنیرے وِچ ہی اوس دِیاں اکھاں دی روشنی آپ مُہاری جیہی ودھ گئی سی...ِانج جیویں کوئی انھا سُجاکھا ہو گیا ہووے۔ جو کُجھ اوس نے ویکھیا، اکھیاں منن توں اِنکاری ہو رہیاں سن۔ یکدم ہی اوہدیاں اکھاں انھیاں ہون لئی تے کن بولے ہون لئی ترلومچھی ہون لگ پئے سن۔ ‘اِن شا اﷲ، اوئے کریمیا مال تے ودھیا ای۔’ ‘نوریا ہے تے ودھیا، پر سریروں بالڑی جیہی لگدی اے۔’ لگ بھگ سارے ہی جنگبازاں دے لہو دے رِشتے دار ریڈیو توں جنگ نال جُڑیاں خبراں ضرور سُندے۔ اِک دِن شام دِیاں خبراں وِچ ایہہ اعلان نامہ سی۔ ‘اِس لڑائی دا پہلا وِیر چکر میجر نریش کُمار لئی ایلانیا گیا ہے۔ وِلکھن ساہس اتے بہادری وِکھاؤندے ہوئے جاٹ ریجمنٹ دی اِک ٹُکڑی دے کمانڈر نریش کُمار اتے اوس دی اگوائی ہیٹھلی کمپنی دے سوربیر جواناں نے جاناں دی پرواہ نہ کردے ہوئے راتو رات چھنبھ سیکٹر وِچ دُشمن دِیاں تِن چوکیاں اُتے قبضہ کر لیا ہے۔” اعلان نامے دے کُجھ چِر بعد ہی چودھری من پُھول اتے ریشمی وی دین دِیال دے گھر پہُنچ گئے سن۔ اوہناں دے پِچھے پِچھے پریتم وی آ گیا۔ پریتم نے تاں بوہا وی نہیں سی کھڑکایا۔ ‘تایا جی خبراں سُنیاں جے! ودھائی ہو جے نریش نوں وِیر چکر مِلے گا۔ مندے او نہ میرے یار نوں!’ اِکو ساہے بولی جا رہیا سی پریتم ‘ہاں، بھابی جی مُونہہ تاں مِٹھا کروا دِیو۔ لیاؤ کوئی مٹھیائی شٹھیائی۔’ ایس ویلے راہول پریتم دِیاں لتاں نال شرارتاں کر رہیا سی۔ سوِتری نے مِنٹ نہ لایا۔ بانی نوں پیسے دے کے لڈو منگوا لئے۔ نِشا نوں نال لے کے پہلاں مندر گئی۔ متھا ٹیکیا۔ نریش دی سُکھ ساند منگی۔ فیر آپنے ہتھیں ساریاں دا پرساد نال مُونہہ مِٹھا کروایا۔ ایس توں بعد نریش دی سُکھ ساند دِیاں دو تِن چِٹھیاں آئیاں سن۔ فیر اِک دِن تار ہی آئی سی۔ تار آؤن ویلے دین دِیال تاں گھر نہیں سی۔ من پُھول اتے ریشمی سوِتری ہُنا کول ہی سن۔ سارے دے سارے جی ڈاکیے دے کول کھلوتے ہوئے سن۔ ڈاکیے نوں تار دے مضمون دا پہلاں ہی پتہ سی۔ ڈاکیے دے چہرے دی اُداسی نے ساریاں دے مناں وِچ سہم جیہا بھر دِتا سی۔ نِشا دے چہرے دا تاں رنگ ہی اُڈی جاندا سی۔ تار نِشا دے نام سی۔ اوہ تار پھڑدی ہوئی ڈر رہی سی۔ تار تاں لینی ہی پینی سی۔ نِشا نے دِل تے پتھر رکھ کے ڈاکیے دے فارم اُتے دستخط کرکے تار لے لئی۔ مضمون پڑھیا۔ “میجر نریش کُمار لاپتا ہے۔ اگلی خبر جلدی ہی پہُنچے گی۔’ ایف. پی. او. (فیلڈ پوسٹ آفِس) اے. پی. او. مضمون دا ساریاں نوں پتہ لگ گیا سی۔ اُداسی نے ساریاں دے چہریاں تے مل مار لئی سی۔ نِشا تاں ڈُسک ڈُسک کے رون ہی لگ پئی سی۔ سوِتری نے نِشا نوں آپنے کلاوے وِچ لے لیا۔ نِشا دِیاں اکھاں پونجھیاں تے کیہا، ‘دھیئے رو نہ۔ رب کولوں سُکھ منگ سُکھ، میرے پُتر دی سُکھ منگ دھیئے۔’ معصوم ہوندیاں وی راہول نِشا دا رون برداشت نہیں سی کر سکیا۔ ‘ممی، رو کیوں رہی اے؟’ دس نہ رو کیوں رہی ہیں؟ دس وی ممی کیہ ڈیڈی دیر نال آؤن گے؟’ ایہناں کالھے کالھے سوالاں دا نِشا کیہ جواب دیندی۔ اوس نے راہول نوں ہِک نال لا لیا، ‘پُترا رب کرے دیر نال ہی آ جان۔ آؤن ضرور۔’ ایہی جواب سی نِشا دا۔ اینے نوں دین دِیال وی گھر آ چُکیا سی۔ خبر سُن کے نونہہ ولوں پھڑائی تار توں تسلی کرکے اوہ وی پُورے دا پُورا گھبرا گیا سی۔ کِسے حیلے اوس نے جِگرا تکڑا کیتا۔ آپنی ودھدی ہوئی گھبراہٹ تے آپ ہی پردہ پا لیا۔ ٹبر دے سارے جیاں لئی ڈھارس بن کے کیہا کہ کوئی وی گھبراوے نہ۔ سارے رام دا نام جپن تے ارداس کرن پئی نریش ٹھیک ٹھاک ہووے۔ من پُھول تے ریشمی دا بہُتا سماں ہُن دین دِیال، سوِتری، نِشا اتے راہول کول ہی بیتدا سی۔ نریش دے پریوار لئی دھرواس بنن واسطے پریتم وی ایہناں دے گھیر گیڑے تے گیڑا رکھدا سی۔ سارے دے سارے بے چین سن۔ کِسے اگلی خبر لئی۔ گھردیاں نے ہی نہیں، نریش دے یاراں دوستاں سمیت پِنڈ دے کئی معزز جیاں نے تھاں تھاں سُکھاں سُکھیاں سن۔ پر اِک بلا دا نام ہے کال چکر۔ کال چکر نوں کِسے نال کوئی لاگا دیگا نہیں ہوندا۔ کِسے نال کوئی وی سروکار نہیں ہوندا۔ اوہ تاں آپنی تور تُردا رہندا ہے۔ آپ مُہارا وگدا رہندا ہے۔ کِسے دریا دے وانگ۔ دریا بھلے وی ہو سکدے ہن، ماڑے وی ہو سکدے ہن۔ بھلیاں تاں بھلا کرنا ہی ہویا پر ماڑے دریا تاں آپنے ہی وہِن اگلے اُجاڑے دی رتی بھر وی پرواہ نہیں کردے۔ پُورے چھ دِناں پِچھوں اِک ہور تار آ گئی۔ تار دین دِیال نے پھڑی سی۔ پڑھی سی۔ سارے ٹبر دِیاں ڈور بھور نِگاہاں دین دِیال دے چہرے تے ہی چِپکیاں ہوئیاں سن۔ دین دِیال کُجھ وی نہیں سی بولیا۔ اوس دا چہرہ پتھر ہوئی جا رہیا سی۔ ساریاں نے اصلیت نوں تاڑ لیا سی۔ راہول نوں چھڈ کے! “میں لُٹیا گیا اوئے..." دِین دِیال نے ایہہ دھاہ ہی ماری سی۔ کوئی لُکو نہیں سی رہ گیا۔ سارے دے سارے سمجھ گئے سن کہ کُل دا دِیوا بُجھ گیا ہے۔ دین دِیال دی بھُب دے نال ہی نِشا نے آپنیاں چوڑیاں تھائیں ہی بھن دِتیاں سن۔ اوس دِیاں وینیاں وِچوں لہو سِم رہیا سی۔ ہنجوآں دی تھاوےں ترِپ ترِپ لہو کِر رہیا سی۔ وینیاں جاں اکھیاں ‘چوں ہی نہیں، اوس دے روم روم وِچوں لہو دِیاں تریلیاں وگ رہیاں سن۔ دھرتی وِچ غرق ہو رہیاں سن۔ ایہناں لہو دِیاں تریلیاں جاں ٹیپیاں نوں ہُن کِسے وی نہیں سی پُونجھنا۔ مقدر نے وی نہیں۔ نِسشا دے جیون پتنگ دی ڈور ہُن نریش نے ہُن آپنے ہتھیں ہی تاں کٹ دِتی سی۔ نِشا دِیاں ڈراؤنیاں اکھاں دے عین ساہمنے دُمیل اولھے سورج دی اُداس ٹِکی شرن لے رہی سی۔ سورج دے نال نال اِک پتنگ وی سی۔ ڈِکے ڈولے کھاندی۔ لیرو لیر ہوندی۔ آکاش دی محبت تیاگدی ایہہ پتنگ ہولی ہولی دھرتی ول غرق ہو رہی سی۔ ڈُبدے سورج دا عکس نِشا نوں پلاں چھِناں وِچ ہی بھُل بھُلا گیا سی۔ ہُن نِشا آپ وی تاں مقدر دِیاں ہواواں دے رحم تے ہی سی۔ اوس دے جیون آدھار دی سارتھِکتا جِیون کتاب دے ہر اک صفے توں اگیتری ہی مِٹ گئی سی۔ جنگ دی شطرنج دے لاجواب کھِڈاری نریش دا، دیش سیوا دا سُپنا تاں پُورا ہو گیا سی۔ پر اوہناں ریجھاں دا کیہ بنیا جو ایس ہونہار سُپتر تے دین دِیال اتے سوِتری نے پال رکھیاں سن۔ اوہناں ریجھاں دا کیہ بنیا جو نِشا نے آپنے سُہاگ تے پال رکھیاں سن اتے اوہناں ریجھاں دا کیہ بنے گا جیہناں نے راہول دی معصومیت وِچ اجے جنم وی نہیں سی لیا۔ راہول دِیاں ریجھاں صِرف اِک پِکچر ویکھن تک ہی تاں محدود نہیں سن رہِنیاں۔ دوجیاں لئی دھرواس بنن گوچرا دین دِیال آپ ہی بھوئیں تے ڈِنگیا پیا سی۔ پِنڈ دا وِشال اِکٹھ ہو گیا سی۔ دین دِیال نوں چُک کے منجی تے لما پا دِتا سی۔ کوئی پیر جھس رہیا سی، کوئی ہتھاں نوں تے کوئی چھاتی نوں جھس کے گرمیش دے رہیا سی۔ پریتم وقت گُوآئے بِناں ہسپتال توں ڈاکٹر نوں لے آیا سی۔ ڈاکٹر دے پہُنچن توں پہلاں ہی اِک ہور بھانا ورت گیا سی۔ بُجھدے دیوے جیہے اِک دو ساہاں دے نال ہی دین دِیال دی عمر دا دھاگہ وی ٹُٹ چُکیا سی۔ رون پِٹن تاں کِسے دا وی نہیں سی جریا جاندا۔ نِشا نوں تاں کوئی سُدھ بُدھ ہی نہیں سی۔ وِچارے راہول دی کِسے نے کوئی وی پرواہ نہیں سی کیتی۔ اوس ول کِسے دا وی دِھیان ہی نہیں سی گیا۔ بھُن وٹا ہویا راہول سبھ کُجھ ویکھ رہیا سی۔ اوس دا چہرہ سُرخ ہو گیا سی۔ اکھاں وی سیجل ہو گئیاں سن۔ راہول اندروں اندریں رو رہیا سی۔ میٹیاں مُٹھیاں نال آپنیاں اکھاں نوں آپے ہی پُونجھ رہیا سی۔ لگ بھگ اوس دی معصومیت وی ایہہ گل ضرور سمجھ چُکی سی کہ ہُن اوس دا ڈیڈی اوس نُوں کدی وی پِکچر نہیں وِکھاوے گا۔ اوس دے معصوم دِل وِچ اُٹھدے طوفان تک کِسے دی وی جھات نہیں سی پئی۔ پُتر تے سُہاگ نوں وِلکدی سوِتری تاں پِٹ پِٹ کے نیلی ہو گئی سی۔ نِویکلے چرِتر اتے بہادری دی انتِم جھلک وِکھا کے نریش تاں ماضی دا تاریخ بن چُکیا سی۔ زندگی جیہے انمول اتے کھرے سِکے نال پیارے وطن دا قرض اُتار کے نریش نے پیراں وِچ نویاں رکاباں پا لایاں سن۔ اِک نوےں سفر دا شاہ سوار ہو گیا سی اوہ۔ کِسے نویں منزِل تے پہُنچن لئی۔ منزِل، جِتھوں کوئی وی پرت کے تاں نہیں آؤندا۔ ہاں کوئی کوئی امر ضرور ہو جاندا ہے۔ گِنتی مِنتی دے سو نہیں۔ سینکڑے سال جِیوندا رہندا ہے۔ فوجی وردی پاؤن ویلے کوئی وی سِپاہ سلار سو سال دی عمر دا چاہوان تاں نہیں ہو سکدا۔ ہاں، امر ہون دی جگیاسا تاں کر سکدا ہے۔شاید ایسے جگیاسا وس ہی نریش نے ‘جوگ اِشنان’ والے دِن ِالہٰ آباد دے ‘ترِوینی سنگم’ اُتے اِشنان کیتا سی۔ شاستراں دا مت وی جھوٹھ نہیں سی ہو سکدا۔ انسانی سمجھ دی گل ہے۔ نریش تاں امر ہویا سی۔ سو نہیں، سینکڑے ورھے جِیون لئی۔ کُجھ وی ہووے، جِیوندے جاگدے سُچیت مناں لئی اِک نِکے جیہے سرکاری کاغذ دے ٹکڑے نے چانن چانن گھر ہنیرے دِیاں پرتاں تھلے دب دِتا سی۔ ایس گھر دی چاننی ہنیرے دی ملکیت بن گئی سی۔ رونا پِٹنا دین دِیال اتے نریش دا اِکٹھا ہی سی۔ انتِم سسکار صِرف دین دِیال دا۔ نریش دا کیویں کردے۔ اوہ تاں فوجی سی۔ خورے کِسے نے کر ہی دِتا ہووے۔ پیو پُتر دی کِریا اِکٹھی ہی ہوئی سی۔ کِریا والے دِن بگھانے پِنڈ نوں آؤندا ہر راہ غمگین چہریاں نال اٹیا پیا سی۔ اُداسے چہریاں دی بھیڑ وِچ چھپڑ کنڈھلے بوڑھ دی اُداسی وی شامل سی۔ پِنڈ دا مندِر وی اُداس سی۔ گُردوارے دے سپیکر توں پاٹھ دی آواز آ رہی سی۔ گورو تیغ بہادر صاحب دے ویراگنی شلوک سن : جگ رچنا سبھ جھوٹھ ہے جانِ لیہُ رے میت کہہ نانک تھِر ن رہے جِیو بالو کیہ بھیت رام گہِیو راونُ گایو جا کوؤ بہُو پروار کہُ نانک تھِر کچھُ نہیں سُپنے جِیو سنسارُ چِنتا تا کیہ کیجیے جو انہونی ہوئے۔۔ ایہہ مارگ سنسار کے نانک تِھر نہیں کوئے جو اُپجِیو سو بِنسِ ہے پرو آجُ کے کالِ نانک ہرِ گُن گائے لے چھاڈ سگل جنجالِ بل چھُٹکِیو بندھن پرے کچھُ نہ ہوت اُپائے کہُ نانک اب اوٹ ہرِ گز جِیو ہوہُ سہائے بل ہوآ بندھن چھُٹے سبھ کِچھ ہوت اُتائے نانک سبھُ کِچھُ تُمرے ہاتھ مہہ تُم ہی ہوت سہائے سنگ سکھا سبھِ تجِ گئے کوؤ نہ نِبِہو ساتھِ کہُ نانک ایہہ بِپتِ مہہ ٹیک ایک رگھُ ناتھ اِس پریوار لئی جنگ ختم ہو چُکی سی۔ ساری دی ساری کھیڈ ختم ہو چُکی سی۔ پِچھے رہ گیاں لئی نریش اتے دین دِیال دے بھُچکے ہی بچ گئے سن۔ بوڑھ ہیٹھلا تھڑا تاں مہینیاں بدھی اُداس رہیا سی۔ ایس ہیٹھلا ہنیرا پِنڈ دے گھر گھر وِچ پھیل رہیا سی۔ ایس دے پتیاں وِچوں چھن کے آؤندیاں چڑھدے لہندے سورج دِیاں کِرناں ہُن کِسے لئی اسیس بننوں وی ڈر جاندیاں سن۔ ہُن تاں ایس بوڑھ دے تھڑے تے کوئی چوسر وی نہیں سی کھیڈدا۔ چھڑیاں دی دھونی نوں تاں تھڑا بھُلا بھلا ہی گیا سی۔ پِنڈ دا چھپڑ وی حالیہں پالیاں سمیت پِنڈ دِیاں نونہاں دھیاں دی رونق نوں ترس گیا سی۔ اوس دا ڈاکر بھوئیں وانگ تریتا پاٹیاں تھلا ہُن اکھاں پاڑ پاڑ ویکھدے بگلیاں دی ملکیت ہی تاں بن گیا سی۔ ایس قہر دی موت اُتے رب وی رویا ہووےگا ضرور۔ نِشا دِیاں اکھاں وِچلے اُداس سروور وِچ ماضی دے پرچھاویں کدی ڈُب جاندے تے کدی ترن لگ جاندے سن۔ اوس نُوں آپنا ویاہیا ہونا وی اِک سُپنا جیہا ہی لگدا سی۔ ماڑا موٹا سچ وی لگدا تا صِرف راہول کرکے ہی لگدا سی۔ بیت چُکے دی اُداس کتھا نے نِشا دے من وِچ زوریں آلھنا پا لیا سی۔ چہرے دا مگھدا ہویا رنگ تاں پیلی بُھوک ہو چُکیا سی۔ من دے آلھنے ‘چ بیٹھی اُداس کتھا نے نِشا دے چڑھدی جوانی جیہے دِل نوں کِسے بُڈھے وریس دا دِل بنا دِتا سی۔ سارے دے سارے سُپنے اِک اِک کرکے ہنجو بندے گئے تے اوڑک دھرتی وِچ غرق ہو گئے سن۔ نِشا دِیاں اکھیاں وِچ تاں ہُن موئے سُپنیاں دا سِوا ہی مگھدا سی...مسلسل۔ ورتمان نوں ٹپ کے نِشا دے من دِیاں اکھاں کئی وار نریش نوں لبھ لیندیاں سن۔ بہُتی ویر نریش دا جھؤلا دوج دے چندرما دی مدھم جیہی لکیر دی ہوند ورگا ہی ہوندا۔ ہاں، کدی کدی نریش آپ ہی پُورنماشی دا ثبوتا نشان بن کے نِشا دے ورتمان وِچ آ کھلوندا سی۔ اوس دے سُپنیاں وِچ آ بیٹھدا سی۔ سُپنیاں وِچوں اُٹھ کے مُڑدا مُڑدا کُجھ ہور سُپنے نِشا دے پلے بنھ جاندا سی۔ دِن دے چڑھاء نال ہی نِشا سارے دے سارے سُپنیاں دی اڈو اڈری سمادھ سِرج لیندی۔ بعد وِچ شلوکاں بارے سوچن لگ پیندی کہ کیہڑا شلوک کیہڑے سُپنے دی سمادھی تے اُکرنا ٹھیک ہووےگا۔ اٹھاراں سویر، دوپہر کہ شام...کِتھوں تُری ساں...کِتھے جانا سی...کرماں نے پُچا کِس مقام تے دِتا اے۔ بس، ایہی کُجھ ہی سوچدی سی نِشا۔ گھر دے بُوہے باریاں دا رنگ فِکا پے چُکیا سی۔ گرہِن لگے دِناں وانگ چفیرا ہنیرا ہی ہنیرا ہو گیا سی۔ ایسے ہنیرے وِچ ہی چودھری من پُھول وی دین دِیال اتے نریش والے سفر دا راہی بن چُکیا سی۔ سورج است ہون توں بعد نِشا گھر دی چھت اُتے جا کھلوندی۔ ہور گھراں وِچ بلدے ہوہے دیویاں نوں نِہاردی۔ سورج چڑھن ویلے وی نِشا گھر دی چھت اُتے ہی جا کھلوندی۔ سورج دی تازگی نال گلاں کرن لگ پیندی۔ ‘سورجا نِرا توں ہی تاں اکلا نہیں۔ نِری میں ہی تاں اِکلی نہیں۔ میرے ورگیاں ہور وی نے کئی۔ اوہ جو مِٹی وِچ مِٹی ہو گئے نیں، اوہناں نوں آکھیں تے صحیح کہ ساڈا سیک تاں اوہناں دے نال ہی مر کھپ گیا سی۔ سانوں سیک وِہونیاں نوں کلیاں کاریاں جِیونا تاں سِکھا جاندے۔” ہولی ہولی نِشا نے سورج بن کے جِیون دا دائیا کر لیا سی۔ ہاں، سوِتری اتے ریشمی تاں دھرواس وانگ اوس دے انگ سنگ سن۔ راہول اوسدی زندگی دا سبب سی۔ نریش ولوں تارے ہوئے ہری وردی دے مُل دا بقایہ اجے مُلک نے دینا سی۔ مُلک والیاں نے اوہ بقایہ تاریا وی : وِیر چکر۔ نقد رقم شوک متے گ سیاست داناں دے سوگ پتر ۔ پِنڈ والے سکول دا ناں میجر نریش میموریل سکول تے اوسے سکول وِچ نریش دی وِدھوا نوں ماسٹرنی دی پکی نوکری۔ ہُن نِشا سفید لِباس وِچ ہی رہندی سی۔ مِلٹری کلباں دِیاں پارٹیاں، پپلو، تنبولا وغیرہ سبھ کُجھ ماضی دا اتہاس بن چُکیا سی۔ہُن نِشا نریش میموریل سکول وِچ ہی پڑھاؤندی سی۔ ایہہ ہُن پرائمری سکول نہیں سی، سینئیر سیکنڈری سکول ہو گیا سی۔ بارھویں تک پڑھائی ہوندی سی۔ دو کمریاں توں ودھ کے ہر جماعت لئی اڈو اڈ پڑھن والے کمرے بن چُکے سن۔ سکول دے نیڑے ہی کھیڈاں لئی وی کُھلا میدان سی۔ راہول ایسے سکول وِچ ہی پڑھدا سی۔ سکول دے برامدے وِچ مُکھ دفتر دے اگے نریش دی آدم قد تصویر لگی ہوئی سی۔ تصویر دے اُتلے پاسے ‘میجر نریش کُمار (وِیر چکر) لِکھیا ہویا سی۔ تصویر دے عین تھلے موٹے اکھراں وِچ اِک شِعر لِکھیا ہویا سی : کر چلے ہم فِدا جان و وطن ساتھیو اب تمہارے حوالے وطن ساتھیو نِشا جد کدی وی نریش دی ایس تصویر کولوں لنگھدی تاں پل کُوکھلو کے نریش نوں ضرور نِہاردی۔ تصویر ویکھدیاں ہی اوہ مان متی ہو جاندی سی۔ ہر واری اوس نُوں نریش دی اِک ریجھ یاد آ جاندی ‘راہول نوں پائلٹ بناؤنا ہے۔’ صِرف ایہہ ہی اِک سُپنا سی جو اجے وی جِیوندا سی۔ ایہہ ہی سُپنا سی جو نِشا دِیاں اکھیاں وِچوں کِریا نہیں سی۔ زندگی آپنی رفتار چلدی رہی، کئی وار نریش نِشا نوں سُپنے وِچ مِلدا۔ راہول دی پرورِش دے نال نال اوسدی پڑھائی دا خیال رکھن لئی کہندا۔ دِل تکڑا رکھن لئی کہندا۔ نِشا دے خالی چیر وِچ سندھور بھردا۔ فیر الوپ ہو جاندا۔ سُپنے وِچ ہی نِشا وی نظر دی مار تک نریش دی پیڑ دبدی پر نریش دی پیڑ تاں پت جھڑ وِچ کِرے ہوئے پتر ہی ڈھک لیندے سن۔ اتیت دے اتہاس نے نِشا دے دِل دی بوٹی بوٹی تاں کھا لئی سی۔ ہُن اوس دے سریر دِیاں گراہیاں وی بھرن لگ پیا سی۔ دیوالی توں کُجھ دِن پہلاں ہی جنگ چھِڑی سی۔ ہُن فیر دیوالی نیڑے آ چُکی سی۔ مہینہ اسُو دا سی۔ سرادھ چڑھ گئے سن۔ مر مُک گیاں دی گتی کرواؤن دے دِن سن ایہہ۔ ہرِدُوآر جا کے سوِتری اتے نِشا، دین دِیال جا کے نریش دی گتی کروا آئیاں سن۔ من توں کوئی بوجھ لاہ آئیاں سن۔ پنڈتاں نوں دکشنا دین دے نال نال سورج نوں وی پانی دے آئیاں سن۔ ہرِدُوآروں پرتن دے کُجھ ہی دِناں بعد نویں سویر دا سورج چڑھن دے نال ہی نِشا دے گھر اِک دستک ہوئی۔ اوپری جیہی دستک سی ایہہ۔ سوِتری نے دروازہ کھولیا سی۔ اندر آؤندے میجر جوگِندر سنگھ نوں نِشا نے پچھان لیا سی۔ اوس دے نال دو ہور جوان سن۔ سوِتری دے نال نال نِشا نے وی اُٹھ کے ایہناں نوں ستِکار دِتا۔ دوہاں جواناں نے نِشا نوں ساودھان ہو کے فوجی سلوٹ دِتی سی۔ راہول وی کول ہی کھڑا سی۔ راہول نوں میجر جوگِندر سنگھ نے سِر پلوس کے پیار دِتا۔ نال آئے جواناں نے تاں وارو واری راہول نوں کُچھڑ چُک کے پیار دِتا سی۔ نِشا نے راہول نوں کیہا، ‘بیٹا ایہہ تیرے ڈیڈی دی پلٹن وِچوں آئے ہن۔ پرنام کرو۔’ راہول نے ماتا دی آگیا اِک دم منی تے سبھناں نوں وارو واری پرنام کیتی۔ میجر جوگِندر سنگھ اندر جا کے نِشا اتے سوِتری کول بیٹھ گیا۔ اینے نوں دوویں جوان باہر جیپ ول گئے تے اِک کالے رنگ دا کِٹ بیگ اندر لے آئے۔ لیا کے میجر جوگِندر سنگھ، نِشا اتے سوِتری دِیاں اکھاں ساہمنے اِک دیوان اُتے رکھ دِتا۔ جواناں نے کِٹ بیگ نوں سلوٹ ماری، باہر جا کے ویڑھے وِچ پئی منجی اُتے بیٹھ گئے۔ راہول ایہہ سبھ کُجھ بڑے دِھیان نال ویکھ رہیا سی۔ اوہ میجر جوگِندر سنگھ نوں مُخاطِب ہویا، ‘انکل میرے ڈیڈی نہیں آئےںگے کیا؟ میں پِکچر کیسے دیکھوں گا؟’ میجر جوگِندر سنگھ دِیاں اکھاں نم ہو گئیاں سن۔ اوس کول راہول لئی کوئی جواب نہیں سی۔ اوس نے راہول نوں گود وِچ لے کے اوس دا سِر پلوسنا شروع کر دِتا۔ ایس توں سِوا اوہ کردا وی کیہ؟ اوہ تاں نریش دا رہِند کھوہند لے کے آیا سی۔ نریش دی بچی کھُچی امانت اوس دے اصل وارثاں نوں سونپن آیا سی۔ میجر جوگِندر سنگھ نے پریوار دے غم نال آپنا غم سانجھا کیتا۔ بھانا منن نوں کیہا۔ نریش دا سمان تاں نِشا نوں سوںپ ہی چُکیا سی۔ چاہ پانی پیندیاں ہی گلاں باتاں وِچ اوس نے نریش دی دلیری اتے بہادری دی گاتھا تاں سُنائی ہی سی۔ ہاں، اوس نے ایہہ وی دسیا کہ نریش دا سسکار پُورے سنمان نال کیتا گیا سی۔ ایہہ سُنن تے سوِنتری اتے نِشا نوں اِک سکون جیہا آ گیا سی۔ کُجھ چِر بعد میجر جوگِندر سنگھ بھِجیاں اکھاں نال دوہاں جواناں سمیت واپس پلٹن نوں پرت گیا سی۔ نریش دا سارے دا سارا سمان اِک کالے رنگ دے کِٹ بیگ وِچ ہی تاں سی۔ لڑائی چھِڑن توں پہلاں نریش نے آپنے ہتھیں کِٹ بیگ وِچ آپنا نِک سُک پایا سی۔ نِشا نے وی اودوں نریش دی مدد کیتی سی۔ پر، ہُن نِشا ‘کلی نے ایس کِٹ بیگ وِچوں نریش دا رہِند کھوہند کڈھنا سی۔ بہُت اؤکھا کم سی نِشا لئی ایہہ۔ میجر جوگِندر سنگھ دے پرت جان بعد نِشا کِٹ بیگ تے مُودھے مُونہہ پے کے پھرل پھرل رون لگ پئی۔ سوِتری ریشمی تے راہول سارے ہی اوس نُوں چُپ کرواؤن دے آہر وِچ سن۔ رو رو کے نِشا دا من ہولا ہو گیا۔ ہِمت اِکٹھی کرکے نِشا نے نریش دا کِٹ بیگ کھول ہی لیا۔ ایس وِچوں نِکلدی ہر شے ہُن نِشا دا خزانہ ہی تاں سی۔ نِشا ہر چیز نوں سانبھ سانبھ کے رکھ رہی سی۔ راہول وی اوس دی مدد کر رہیا سی۔ نریش دے کِٹ بیگ وِچوں اِک ڈائری نُما کاپی وی نِکلی سی۔ کاپی دے سرورق اُتے موٹے اکھراں وِچ ‘اگ دا شتہیر’ لِکھیا ہویا سی۔ کاپی دے پنے پھرولن سار نِشا نے نریش دی لِکھت پچھان لئی سی۔ کِٹ بیگ دا سارا سمان سانبھ کے نِشا نے نریش دے ہتھاں دی لِکھی ڈائری دا اکھر اکھر اِکو ساہے پڑھ لیا سی۔ اوس دِیاں اکھاں بھر آئیاں سن۔ اوس دا من نریش کول پہُنچ کے کوک اُٹھیا سی۔ ‘نریش توں اینی پیڑ زری تے مینوں سوہ تک وی نہ دِتی۔’ نریش نے ہُن کیہ جواب دینا سی۔ نِشا نے کئی وار مُڑ مُڑ کے اوہ ڈائری پڑھی۔ نہ کھان دی سُدھ، نہ پین دی، پتہ ہی نہ لگا کہ کدوں رات پئی تے کدوں نِشا دی اکھ لگ گئی۔ اُنی اگ دا شتہیر زندگی زندگی اِک خالی سُپنے دی طرحاں بے مطلب کہانیاں دے ٹوٹے بن بن، کدی آؤندی کدی جاندی آؤندی جاندی ڈرا وی جاندی ویکھیں اگے کیہ ہونا ہے!! ٹیلیفون دے کھنبھے جو چلدی ریل چوں ویکھو دوروں تاں لگدے نِکے نِکے ہوند ایہناں دی صِفر ہی لگے نیڑے آؤن تاں ایہناں نیڑے سبھ کُجھ بونا بونا لگے بونے بونے صفراں اندر، آکار تاں ایہناں دا ہی پھبے چلدی ریلوں ایہو کھنبھے، جِیوں جِیوں پِچھے رہ جاندے نیں نِکے نِکے ہو جاندے نیں آپ ہی کِدھرے لُک جاندے نیں چیتیاں وِچوں بھُل جاندے نیں بھُلی شکل دا عکس دھُندلا، چیتیاں اندر چھڈ جاندے نیں اوڑک، چیتیاں اندر شکل وِہُونی دھُند ہی دھُند جیہی چھڈ جاندے نیں زندگی دے فیر سُپنے وِچ وی، اِداں ہی کُجھ ہوندا ہونے یاداں نوں پراں دھکدا ہونے دُور کِتے اوہ ڈکدا ہونے دھُند جو پِچھے رہ جانی ہے، اوہ وی چھیتی اُڈ جانی ہے اُڈی دھُند فیر بھُل جانی ہے، اُڈی دھُند فیر بھُل جانی ہے۔ مِلٹری ہسپتال تیج پور دے کمرے دی چھت تے پئی تریڑ کولوں روز سویرے شام، ہر ویلے ایہی پُچھدا ہاں “مینوں تاں سمجھ نہیں آؤندا، توں ہی دس۔ کیہ کِتھوں تے کیویں لِکھنا شروع کراں؟ میں لیکھک نہیں اُوں بس توں ہی دس۔ نال ایہہ وی دسیں کہ ہسپتال جو پہلاں میرے لئی وردان ثابت ہویا سی، ہُن چونڈ چونڈ کیوں کھا رہیا ہے؟” پیارے وطن دِیاں ہداں دی چوکسی کردا میں فوج دا افسر ہاں۔ فوجی سیوا دا اجے کوئی لما تجربہ وی نہیں۔ میں تاں اجے بس رِڑھنا ہی سِکھیا ہے۔ ایس ہسپتال وِچ اِک ہفتہ بیت گیا ہے۔ گھر چِٹھیاں تاں کئی پائیاں ہن۔ پر کِسے وی چٹھی دا آپنے ہسپتال داخل ہون بارے کوئی ذِکر نہیں کیتا۔ پہلاں جدوں ایسے ہسپتال وِچ داخل ساں، اودوں تاں پلٹن والے میری پرائیویٹ ڈاک ایتھے ہسپتال وِچ ہی پُچا دیندے سن۔ ہُن کیوں نہیں؟ حیران ہاں ڈاک کیوں نہیں آ رہی۔ میری پلٹن دا کمانڈنگ افسر کرنل بھیم سنگھ میرے بارے ہمیشہ ابو ایوریز رپورٹ ہی لِکھدا رہیا ہے۔ ایتکیں رپورٹ لِکھن دا مِتھیا ہویا وقت وی نہیں سی آیا۔ اج توں دس دِن پہلاں کرنل بھیم سنگھ نے مینوں آپنے دفتر وِچ بُلایا سی۔ میں دفتر پہُنچ کے اوس نوں سلوٹ ماریا۔ پائیپ دے کش کھِچدیاں اوس نے مینوں آپنے ساہمنے پئی کُرسی اُتے بیٹھن لئی اِشارہ کیتا سی۔ میں بیٹھن مگروں اوس دا دھنواد وی نہیں ساں کر سکیا کہ اوس نے اِک ادھ پچدھ چھپیا تے ادھ پچدھ ہتھ لِکھت کاغذ میرے ساہمنے رکھ دِتا۔ مینوں اوس اُتے دستخط کرن دے آدیش دِتے۔ اوس کاغذ تے اُکری ہوئی ہتھ لِکھت نے میریاں اکھاں نوں پتھر بنا دِتا سی۔ ایہہ میرے اُتے لِکھی گئی ‘سپیشل ایڈورس ریپورٹ’ سی۔ جدوں میں سارے دا سارا کمب رہیا ساں تاں ہتھاں دا کمبنا کوئی خاص مائنے نہیں رکھدا۔ میں کمبدے ہوئے ہتھاں دے نال ہی ریپورٹ دے ہیٹھلے پاسے ‘سائینڈ انڈر پروٹیسٹ’ لِکھیا تے دستخط کر دِتے۔ ‘تھینک یو سر’ کہہ کے اُٹھن ہی لگیا ساں کہ کرنل بھیم سنگھ نے ‘کیپ سِٹِنگ’ کہہ کے مینوں اوتھے ہی بیٹھے رہن لئی مجبور کر دِتا۔ کوئی دس مِنٹ بعد اِک ایمبولنس آئی تے سی. او. (کمانڈنگ آفیسر)دے دفتر ساہمنے کھلو گئی۔ میجر رحمان نے سی. او. دے دفتر وِچ آ کے سلوٹ ماریا تے کیہا، ‘سر میں تیار ہاں۔’ ایس دے نال ہی کرنل بھیم سنگھ نے مینوں کیہا، “نریش میں تینوں میجر ر حمان نال کُجھ دِناں لئی تیج پور ٹمپریری ڈیوٹی تے بھیج رہیا ہاں۔ ہُن توں جا سکدا ہیں۔” ‘آل رائیٹ سر’ کہہ کے میں سلوٹ ماریا تے سی. او. دے دفتر توں باہر آ گیا۔ میجر ر حمان اجے وی سی. او دے کول ہی سی۔ باہر ایمبولنس کول ڈرائیور توں علاوہ چار ہتھیاربند نوجوان وی سن۔ عجیب ڈرامہ سی ایہہ۔ میں آپنا اٹیچی اتے حلقہ جیہا بِسترا تیار کیتا۔ آپنے بیٹ مین (سیوادار)سِپاہی برِج لال راہیں آپنا سمان ایمبولنس وِچ رکھوا دِتا۔ چھیتی ہی اسیں نوراں نہنگ توں تیج پور دے راہ تے ساں۔ ایڈورس ریپورٹ دا میرے دِل نوں انتاں دا دُکھ سی۔ ایسے لئی میں چُپ سی۔ کافی دیر بعد میجر ر حمان نے ہی چُپ توڑی سی۔ “نریش یار تُمہیں کیا ضرورت تھی چاؤ (میجر شنکر دت چودھری)کے کیس وِچ سٹیٹمنٹ دینے کی۔ فالتو میں بابے (کمانڈنگ آفیسر) کو ناراض کِیا۔” ‘سر سمری آف ایویڈنس ریکارڈِنگ افسر نے مُجھے خُود بُلوایا تھا۔ اور سر میں گیتا کیہ قسم کھا کے جھوٹ کیسے بولتا؟ آپ ہی بتاؤ نہ...کیسے بولتا میں جھوٹ؟’ ‘نریش توں کِسی ٹمپریری ڈیوٹی پھِیوٹی پر نہیں جا رہا ہے یہ دیکھ” کہہ کے میجر ر حمان نے میرے ہتھ وِچ اِک فارم پھڑایا۔ اے. ایف. ایم. ایس. دس ناں دا فارم سی۔ ایس فارم نوں پڑھدیاں پڑھدیاں میریاں اکھاں اِک وار فیر پتھرا گئیاں ۔ میرے دُھر اندر تک ایہہ کھوہ جیہی پینی شروع ہو گئی۔ ایہہ پہلی وار سی کہ میں ہسپتال وِچ جواناں دے پہِرے بغیر چل رہیا ساں۔ شاید ڈاکٹر وین کٹیشور نے ہی ہدایت کیتی ہووے۔ پہِریداراں بغیر تُرنا مینوں اوپرا اوپرا لگ رہیا سی۔ ڈاکٹر وین کٹیشور دی کیبِن وِچ میرے توں پہلاں مِس گرُنگ آئی سی۔ مِس گرُنگ دے اندر جان بعد ڈاکٹر وینکٹ دی آواز سُنائی دِتی “کیپٹن نریش پلیز ڈو کم اِن سائیڈ” میں کیبِن دے اندر چلیا گیا۔ ڈاکٹر وینکٹ دے کہن تے میں اِک کُرسی تے بیٹھدیاں ‘تھینکس” کہہ دِتا۔ “کی تکلیف ہے؟” پُچھدے ہوئے ڈاکٹر وینکٹ آپنے اگے پئے کاگزاں نوں پڑھدا رہیا ۔ “سر کُجھ وی نہیں۔ میں بِلکُل ٹھیک ٹھاک ہاں۔ مینوں کوئی وی تکلیف نہیں۔” “کوئی سی.او. نال جھگڑا وغیرہ؟” “نہیں سر، ایسی کوئی گل بات نہیں۔” “ فیر ہور کیہ پروبلم ہے؟...ٹو ہیل وِد اِٹ۔” “نریش توں آپنے کمرے وِچ جا کے آرام کر۔” ڈاکٹر وینکٹ دا وتیرہ ٹھیک سی۔ میں اوس دے کیبِن وِچ کوئی وی اوپراپن محسوس نہیں سی کیتا۔ فیر وی آپنے کمرے وِچ جان توں پہلاں میں نہ چاہوندیاں وی ڈاکٹر نوں پُچھ ہی بیٹھا کہ میں یونِٹ کدوں تک واپس چلا جاواں گا۔ اوس دا جواب سی کہ اوہ ہفتہ کُو ہور آبزرو کرن گے۔ “ہفتہ کُوہور آبزرو کرن گے” کیہ حالی تک بِتائے پنجیاں دِن وِچ تسلی نہیں سی ہوئی۔ میری ایہہ اِچھا کہ کل پرسوں پلٹن نوں واپس روانہ ہو جاواں گا، سوالیا نشان بن چُکی ہے۔ ہاں، ڈاکٹر وےںکٹ نے میرے کمرے نوں رات ویلے باہروں جندرا نہ لگاؤن دے آدیش دے دِتے سن۔ اندروں اندر میں آپنے آپ نوں سوکھا جیہا محسوس کرن لگ پیا ساں۔ ہفتہ ہور بیت گیا ہے۔ ڈاکٹر وینکٹ نے سویرے سویرے بُلایا سی۔ اوس دے کیبِن وِچ جان توں پہلاں میرے دِل نے پرماتما کولوں ور منگیا سی کہ ایس اگ دے شتہیر تے ٹِکی چھت والے کمرے توں میرا کھہِڑا چھُڈوا دیوے۔ ہُن گھر دی یاد وی کُجھ زیادہ ہی ستاؤن لگ پئی سی۔ میں ڈاکٹر وینکٹ دے کیبِن وِچ پہُنچ گیا۔ اوس دے کہن تے کُرسی اُتے بیٹھ گیا۔ میرے بیٹھن توں بعد ڈاکٹر وےںکٹ نے مینوں دسیا کہ میں بِلکُل ٹھیک ٹھاک ہاں۔ پر فیر وی اوہ کچے پیریں مینوں واپس پلٹن وِچ نہیں سی بھیجنا چاہوندا۔ اوس نے مینوں ایہہ وی دسیا کہ اوہ مینوں اج ہی کمانڈ ہاسپیٹل لکھنؤ بھِجوا رہیا ہے۔ اوتھے ایڈوائیزر اِن سائیکیٹری کُجھ دِناں لئی میری جانچ کرے گا۔ ایس سبھ دے نال نال ڈاکٹر وینکٹ نے ایہہ وی کیہا کہ کوئی خاص گل بات نہیں ہے۔ ایویں خاناپوری کرن والی گل ہے۔ میں اگوں کُجھ وی بولنا واجب نہ سمجھیا، بول کے مِلنا وی کیہ سی۔ آپنی زندگی دے گھوڑے دی لگام اوس دے گیلے تے ول دین وِچ ہی بھلائی سمجھی۔ بھج لوے ایہہ گھوڑا، جِدھر وی بھجنا چاہوے۔ بعد دوپہر اِک نرسِنگ مددگار نے اِک وڈا سارا سیل بند لِفافہ، لکھنؤ تک دا فسٹ کلاس دا ریل یاترا لئی وارنٹ اتے راہ داری میرے حوالے کر دِتے۔ واپس جان توں پہلاں نرسِنگ اسسٹنٹ نے دسیا کہ گڈی رات اٹھ وجے چلدی ہے تے مینوں سٹیشن تک چھڈن لئی اِک جیپ ٹھیک چھ وجے آ جاوے گی۔ میں اوس کولوں ہسدیاں ہسدیاں ایہہ وی پُچھ لیا سی، “کیہ ایہہ باڈی گارڈ وی میرے نال ہی جان گے؟” اوس نے وی مِٹھا جیہا ہاسہ ہسدیاں کیہا، “ہُن ایہناں دی کوئی لوڑ نہیں۔ بھلکے سویرے ہی ایہہ سارے دے سارے نوراں نہنگ واپس جا رہے ہن۔” نرسِنگ اسسٹنٹ دے جان توں بعد میں سِپاہی حیات سنگھ راہیں مِس گُرونگ نوں آپنے کول بُلوا لیا۔ “مِس گُرونگ میں اج رات ہی کمانڈ ہاسپیٹل لکھنؤ جا رہا ہوں۔ میری قِسمت کا فیصلہ وہیں پر ہی ہوگا۔ گاڑی آٹھ بجے ہے۔” مِس گُرونگ نوں ایہہ گل پتہ نہیں میں کیوں اتے کِس ویگ وِچ کہہ دِتی۔ تیج پور ریلوے سٹیشن تے مِس گُرونگ مینوں وداع کرن لئی پہُنچ گئی سی ٹھیک شامی ست وجے۔ گڈی چلن ‘چ اجے اِک گھنٹے دا سماں سی۔ گُرونگ نے سلیولیس بلاؤز دے نال رلدی پیازی رنگ دی ساڑھی بنی ہوئی سی۔ اوہ میرے لئی ٹِفن وِچ کوئی دو ڈنگ دا بھوجن تے تھرمس وِچ چاہ وی لے کے آئی سی۔ میں کدی قیاسیا وی نہیں سی کہ گُرونگ میرے اینا نزدیک آ جاوے گی۔ گڈی چل پئی۔ میں بُوہے چ کھلو کے آپنا سجا ہتھ سِر توں اُتانہہ چُکیا۔ نظر دی مار تک میرا ہتھ گُرونگ لئی ہِلدا رہیا ۔ ایسے طرحاں گُرونگ دا ہتھ وی ہُنگارا بنیا رہیا ۔ تے فیر ، ہتھ آپو آپنے ہنیریاں وِچ گواچ گئے۔ میں برتھ تے بِسترا سِگھا کیتا۔ تیج پور ، رنگا پاڑا، ہاشی مارا، سردار پاڑا کئی نِکے موٹے سٹیشن میرا ساتھ چھڈدے گئے۔ رات دی روٹی کھا لئی۔ سون دی کوشش تاں کر رہیا ساں۔ پر نیندر کیویں آؤندی۔ گُرونگ بارے سوچدیاں سوچدیاں نِشا دی یاد وی تاں میرے کول ہی آ کے بیٹھ گئی سی۔ نِشا دی یاد آؤن بعد میں جتن کرکے گُرونگ دے خیال نوں بھور کے پرانہہ سُٹ دِتا۔ میں گُرونگ دے خیال نوں کِسے وی حالت نِشا دے برابر پال ہی نہیں سکدا۔ پالاں وی کیوں ؟ میرا گُرونگ دا رشتہ ہی کیہ ہے؟ ایہہ ضرور مندا ہاں کہ نہ چاہوندیاں وی میریاں اموڑ اکھاں تُردی فیر دی گُرونگ نال کُجھ نہ کُجھ وارتالاپ تاں ضرور کردیاں رہیاں ہن۔ پر جدوں گُرونگ مُسکراہٹ نال ہی ہیلو کہندی تاں ساڈے دوہاں وِچ کُجھ اِک پلاں لئی خاموشی چھا جاندی۔ میں کدی وی ایہہ خاموشی نہیں سی توڑی۔ ہمیشہ گُرونگ ہی چُپ نوں توڑدی سی۔ جو کہ، میں کدی وی نہیں سی چاہیا۔ اسلوں میں گُرونگ وِچوں نِشا نوں ہی ویکھدا ساں۔ جد کدی وی گُرونگ آپنے شولڈر کٹ والاں نوں جھٹکدی میں اوس دی ٹھوڈی توں تھلے کدی وی نِگاہ نہیں سی جمائی کیوں کہ جد تک خاموشی نہ ٹُٹدی، گُرونگ دے کٹے ہوئے وال ہی میری نِشا نوں میرے توں دُور لِجا سکدے حسن۔ شاید ایس کرکے گُرونگ دے نال بے انصافی ہوئی ہووے۔ پر میں وی گُرونگ نوں کدوں کیہا سی کہ “میں تینوں پیار کردا ہاں۔” میرا ایہہ سچ تاں میری نِشا دے نال ہی سی۔ آپنی جیون ساتھن نال۔ اوس نال، آپدے پیار نال میں پُورا پُورا انصاف کر رہیا ساں۔ ہسپتال وِچ گُرونگ دِیاں مُسکراہٹ بھریاں مِلنیاں نوں میں ہمیشہ ہمدردی ہی سمجھیا۔ اوہ مینوں پیاری ضرور لگدی سی۔ پر، اوس کولوں میں پیار دی خواہش جاں اُمید کدی نہیں سی کیتی۔ پیاری ایسے لئی لگدی سی کہ آپنی نِشا نوں اوس کولوں دُور بیٹھا نِت ہی مِل لیندا ساں۔ اِس گل دا خیال کہ گُرونگ میرے کولوں پیار دی اُمید رکھدی ہے، اودوں ہی ہویا جدوں گُرونگ تیج پور سٹیشن تے مینوں وداع کرن آئی تے وِدائی ویلے اوس نے میرا اِک ہتھ آپنے ہتھاں وِچ دبوچ لیا سی۔ جے کِتے ایہہ احساس تیج پور دے ہسپتال وِچ کِسے وی پڑاء تے ہو جاندا تاں میں نِشا دا چہرہ نہ ویکھنا قبول کر لیندا پر گُرونگ نوں صاف صاف کہہ دینا سی “پیار اِک نال ہی ہوندا ہے تے میرا پیار تاں پروان وی چڑھ چُکیا ہے۔” ادھی رات بیت چُکی ہے۔ ریل گڈی آپنی رفتار چلدی جا رہی ہے۔ لکھنؤ تک اجے چھ گھنٹیاں دا سفر باقی ہے۔ کل رات ریل گڈی وِچ ہی لنگھی۔ اج دا نواں سورج نویں سویر دے نال نال مینوں ایس اجنبی شہر لکھنؤ وِچ لے آیا سی۔ میں اِک ٹیکسی تے بیٹھ کے کمانڈ ہسپتال، لکھنؤ دے مُکھ دفتر وِچ پہُنچ گیا۔ آپنی راہ داری سمیت سیل بند لِفافہ وی دفتر وِچ بیٹھے اِک ملازم دے حوالے کر دِتا سی۔ ایس ادھیکاری دا رُتبہ لانس نائک دا ہی سی۔ میں اوس دے ساہمنے والی کُرسی تے بیٹھ گیا ساں۔ میرے ویکھدیاں ویکھدیاں اوس نے سیل بند لِفافے نوں کھولھیا تے میرے نال سبندھت دستاویزاں نوں پڑھن لگ پیا۔ وِچ وِچالے اوسدی نظر دستاویزاں توں ٹپوسی مار کے میرے ول ہو جاندی۔ پل بھر میرے تے ٹھہردی۔ مُڑ دستاویزاں تے جا ٹِکدی۔ تھلے ولمونہ کری اوہ میسنی جیہی ہاسی وی ہسدا رہیا سی۔ میں سبھ کُٹھ سمجھ رہیا ساں۔ مینوں روہ وی آیا۔ گل تاں وقت دی سی۔ وقت میرے ہان دا نہیں سی۔ مینوں آپنے دِل اُتے پتھر رکھنا ہی پیا۔ اوس ملازم نے کُجھ اِک فارم ہور وی بھرے۔ کئی تھاواں تے میرے دستخط وی لئے۔ نویں فارماں وِچوں کُجھ اِک تاں اوس نے آپنے دراز وِچ رکھ لئے تے کُجھ اِک پھارماں نوں سیل بند لِفافے وِچوں نِکلے دستاویزاں دے نال ہی نتھی کر دِتا۔ اوس نے آپنے کول ہی بیٹھے اِک ہور ادھیکاری نوں کیہا، ‘یے لو ڈاکومنٹس، صاحب کو ایمبولنس نمبر دو میں بِٹھا کر سائیکیٹرِک وِنگ وِچ چھوڑ کر جلدی سے واپس آ جانا۔” تھوڑی دیر بعد ہی میریاں اکھاں اگے کِسے جیل دے گیٹ نال رلدا مِلدا ‘سائیکیٹرِک وِنگ، کمانڈ ہاسپیٹل، لکھنؤ’ دا گیٹ سی۔ اندر پہُنچیا تاں ویکھیا کہ نِرا گیٹ ہی نہیں، ایس دی چاردیواری وی کِسے جیل نالوں گھٹ اُچی نہیں سی ودھ بھاویں ہووے۔ جیلاں دے چوگِردے تاں نِریاں کندھاں تے واچ پوسٹاں ہی ہوندیاں ہن۔ پر ایس سائیکیٹرِک وِنگ دی چاردیواری دے نال نال لو وائر اِنٹن گلمینٹ وی کیتی ہوئی سی۔ فیر وی سُنن ‘چ آیا ہے کہ ایتھوں کوئی کوئی قیدی بھج وی جاندا ہے۔ ایس جیل وِچ سارے دے سارے قیدی ہی نہیں ہن، ہاں کُجھ اِک بیمار وی ہن۔ ہو سکدا ہے اوہناں دی بیماری دا کارن کرنل بھیم سنگھ ورگے درِندے جاں اُدے ورگے کوئی ہور رینچ پانے ہی ہون۔ مانسِک روگاں دے پِتے عموماً کوئی نہ کوئی بھیدبھری کہانی ضرور ہوندی ہے۔ ایتھے سائیکیٹرِک وِنگ دے دو اڈرے اڈرے حِصے ہن۔ اِک حِصہ افسراں لئی ہے تے دُوجا ادر رینکس لئی۔ میرا بیڈ افسراں والے وِچ ہی ہے۔ ایتھے میں تیج پور وانگ کّلا نہیں ہاں۔ میرے نال چار ہور افسر ہن۔ اِک نوں چھڈ کے باقی تریوے گلیں باتیں تے تُرنوں فیر نوں وی نوں بر نوں لگدے ہن۔ اصلی بیمار تاں اِک کرنل ہے۔ اوہ آپنی یادداشت گوا چُکا ہے۔ اوسدی بیوی روز ہی اوس نُوں مِلن آؤندی ہے۔ گھنٹہ دو بیٹھدی ہے۔ اوس نال دُکھ سُکھ دِیاں گلاں کردی ہے۔ آپنیاں سیجل اکھاں پُونجھدی پرت جاندی ہے۔ اوہ کدے کدے میرے نال وی دو چار گلاں کر جاندی ہے۔ اوہ مینوں میری ماں وانگ ہی تاں لگدی ہے۔ اوس نال گلاں کرکے میرا اِکلاپا کُجھ گھٹ جاندا ہے۔ من ہولا ہو جاندا ہووے گا۔ دُوجے تِن افسراں وِچوں دو تاں میرے وانگ ہی کیدی ہن۔ فرق ہے تاں صِرف حادثیاں دا۔ حادثے وکھو وکھرے سن۔ میرے نال لگدے بیڈ والا میجر والیا نہ تاں قیدی ہے تے نہ ہی بیمار۔ اوس نے فوج چھڈن لئی اِستعفا دِتا سی۔ اِستعفا منظور نہ ہویا تاں اوس نے ایہہ چکر جان بُجھ کے آپ ہی چلا لیا سی۔ ایس افسر دی پلٹن وی لکھنؤ وِ ہی ہے۔ میں ایسے میجر والیئے نال کدی کدی پپلو کھیڈ لیندا ہاں ج شطرنج دی بازی لا لیندا ہاں۔ لکھنؤ پہنچے نَوں وی پُورے پندراں دِن ہو گئے ہن۔ گُھم پھر سکدا ہاں تاں صِرف چاردیواری دے اندر اندر۔ آخر اِک قاتلانہ رُچیاں رکھن وال بندہ سماج وِچ سرعام کیویں گُھم پھر سکدا ہے؟ میجر والیے نال پپلو کھیڈ رہیا ساں۔ اوس نُوں مِلن لئی اوسدی پلٹن دا اِک افسر آئے۔ میجر والیئے نے میرا اوس دا تعارف کروا دِنتا۔ اوہ میجر سِدھو سی۔ پہلاں کدی میں میجر والیے نوں دسیا سی کہ میری کوئی وی چٹھی پتری میرے تک نہیں پہُنچ رہی۔ میں اوس نُوں ایہہ وی دس دِتا سی کہ آپنے ہسپتال ہون بارے میں گھر بِلکُل نہیں لِکھنا چاہوندا۔ میجر والیے نے میجر سِدھو نوں کیہا، “سِدھو یار میں تاں فوج وِچوں نِکلنا ہے۔ ایہہ نریش تاں بھنگ دے بھاڑے پھسیا ہویا ہے۔ ایس نے آپنے بارے گھر وی کُجھ نہیں لِکھیا۔ ایس دا سی. او. ایس دی پرسنل ڈاک نوں وی آپنے کول دبی آ رہیا ہے۔ ری ڈائریکٹ نہیں کراؤندا۔ میں ایس نوں کیہا ہے کہ توں ساڈی پلٹن دے معرفت آپنا پتہ گھر والیاں نوں لِکھدے۔ یار توں اینی کُوکھیچل کریں کہ نریش دی ڈاک رنر راہیں ایتھے پُجا دیا کریں۔” “لے ایہہ وی کوئی کھیچل ہے۔ مائی پلئیر۔” میجر سِدھو دے کہن تے میں اوس دا شکریہ ادا کیتا۔ میجر سِدھو دے واپس جان بعد میجر والیئے نے مُڑ تاش ونڈنی شروع کر دِتی۔ جیہڑے دو چار پتے اوس نے میرے ول سُٹے سن، میں چُک کے کٹے ہوئے پتیاں وِچ رلا دِتے۔ ‘ایکسکِیوز می’ کہہ کے میں آپنے بیڈ تے آ گیا۔ پِتا جی، بیجی، نشہ تے پیارے راہول نوں خط لِکھیا۔ ایس خط وِچ اِک جھوٹھ وی بولیا سی “میں لکھنؤ وِچ کِسے سِکھلائی لئی آیا ہاں۔ تِن مہینے ایتھے ہی رہنا ہے۔ جواب نویں پتے تے ہی دینا۔” جے میں سچو سچ لِکھدا تاں سارے جیاں نے بہُت دُکھی ہونا سی۔ ڈُبدے تردے ارماناں نوں پالدیاں پُورے دو مہینے ہو گئے ہن۔ نوراں نہنگ دِیاں یخ برفاں وِچ ڈھکیا میرا بنکر، برہم پُترا دریا نیڑلے شہر تیج پور دا فوجی ہسپتال ہُن بہُت پِچھے رہ چُکے سن۔ ایس سائیکیٹرِنگ وِنگ دی چھت وی کِسے اگ دے شتہیر تے ہی ٹِکی ہوئی لگدی ہے۔ ایس دے ملبے تھلے کُچلے جان دا ڈر نِرا مینوں ہی نہیں، کُجھ ہورناں نوں وی ہے۔ اج دھوبی کولوں دھُپے ہوئے کپڑے واپس آئے سن۔ بُنیان کڈھ کے پان ہی لگا ساں۔ دھوبی دے لائے نشان تے نظر پے گئی۔ نشان عام نہیں سی۔ کالی شاہی نال انگریزی وِچ ایم. اے. ڈی. لِکھیا ہویا سی۔ پئی پاگل۔ شائد ایہہ دھوبی دوجیاں بیماریاں توں پیڑت روگیاں دے کپڑیاں تے ‘وائس’ لِکھدا ہووےگا جاں اوہناں دی بیماری دا ناں ہی لِکھ دیندا ہووےگا۔ خیر میں بُنیان پا لئی۔ وقت کِسے پربت وانگ کھلوتا لگن لگ پیا سی۔ میجر والیئے دے نال شطرنج دی بازی لا لئی۔ اوس نے میرے بادشاہ نوں شہِ دِتی ہوئی سی۔ اِک نرسِنگ اسسٹنٹ آیا، مینوں اِک چٹھی دے کے پرت گیا۔ میں میجر والیئے کولوں کھِماں منگی۔ شطرنج دی کھیڈ وِچے ہی چھڈ دِتی۔ باہر لائن وِچ جا کے اِک بینچ تے بیٹھ گیا۔ چٹھی کھولدیاں ہی میریاں اکھاں وِچوں خوشی دے ہنجو چھلک آئے سن۔ چٹھی پڑھدیاں پڑھدیاں راہول میرے نال کلول کردا رہیا تے نِشا....نِشا تاں میرے کول آ کے بیٹھ ہی گئی سی۔ نِشا نے لِکھیا سی کہ بیجی تے پِتا جی مینوں مِلن لئی لکھنؤ آ رہے ہن۔ چٹھی پڑھ کے بوجھے وِچ پائی ہی سی کہ میری نِگاہ ایس جیل دے وڈے پھاٹک تے پے گئی۔ میریاں نِکرمیاں اکھاں نوں دو چہرے نظر پئے۔ اوہناں نوں ویکھ کے ایہہ پاٹن والیاں ہو گئیاں ۔ اِک چہرہ میرے پِتا جی دا سی تے دُوجا میری ماں دا۔ ِانج لگیا کہ میں جِتھے بیٹھا ساں، اوتھے ہی جُڑی جا رہیا ساں۔ سوچ رہیا ساں کہ پِتا جی، بیجی سوچ رہے ہونگے کہ نریش کِنا جھوٹھا ہے۔ جے میں رتی بھر وی بیمار ہوندا تاں کدی وی کُجھ وی نہ لُکاندا۔ میں ربّ نوں کیہا، “ربّا مینوں موت ہی دے دے۔ میرا ساہ گُھٹ رہیا ہے۔ مینوں کِس جنم دی سزا دے رہیا ہیں؟ پرماتما! میں بِناں دوش توں ہی اِتنی وڈی سزا کیوں بھُگت رہیا ہاں؟” گیٹ تے کھڑا پہِریدار، پِتا جی تے بیجی نال کوئی گل کر رہیا سی۔ پِتا جی، بیجی دوہاں دِیاں نِگاہاں میرے ول ہی سن۔ میں اِک لما تے ڈونگھا ہؤکا لیا۔ بینچ توں اُٹھیا۔ آپنے دیوتیاں ول تُر پیا۔ بیجی کول پہُنچیا ہی ساں کہ اکھاں وِچ چِروکے بھرے ہوئے سمُندر دا بنھ ٹُٹ گیا سی۔ میں پھرل پھرل رو پیا ساں۔ چاہوندیاں وی آپنے ہنجوآں نوں پی نہیں ساں سکیا۔ ماں دی ممتا دے سیک کول پہُنچ کے میرا پتھر ورگا دِل وی پِگھل گیا سی۔ میری ماں نے شینہہ ورگے پُتر نوں گُھٹ کے سینے نال لا لیا سی۔ ماں دی ہِک نال لگے دی میری نِگاہ پِتا جی دے چہرے تے پے گئی۔ اوہ آپنے دِل وِچوں اُٹھدے درد نوں بڑی صفائی نال دباء رہے سن، بیجی ہُن میرا سِر پلوس رہی سی۔ دِل دی ودھی ہوئی دھڑکن نوں گھٹاؤن دی کوشش کر رہی سی۔ بیجی نے کیہا، “پُتر میں نِکرمی تینوں مِلن ہی کیوں آئی۔ اسیں تے سوچیا سی کہ اج تک توں باڈر ہی گاہندا رہیں۔ اسیں تاں تینوں تیرے کم وِچ رُجھے ہوئے نوں ویکھن آئے ساں۔ پُترا اسیں تاں تیرے ٹھاٹھ ویکھن آئے ساں...ٹھاٹھ...۔” پِتا جی وی بہُتی دیر آپنے آپ اُتے قابو نہیں سن رکھ سکے۔ آپنیاں دوہاں اکھاں نوں تلیاں نال ملدیاں گھُٹویں آواز وِچ اوہناں اِک کیرنا جیہا پایا سی ‘واہ قِسمتے! ایدوں چنگا توں نریش نوں افسر نہ بناندی۔ کیہڑے جُگ دا بدلہ لے رہی ہیں قِسمتے؟” پھاکٹ کول کھلوتیاں کھلوتیاں ساڈے ساریاں دے دِل کُجھ ہولے ہو گئے سن۔ میں پِتا جی اتے بیجی نوں آپنے بیڈ ول لے گیا۔ بیجی تاں میری منجی اُتے ہی بیٹھ گئے تے پِتا جی نیڑے پئی کُرسی اُتے۔ پِتا جی نے مینوں ساری کہانی دسن لئی کیہا۔ ہُن میں اوہناں دی گل کیویں موڑ سکدا ساں۔ میں اوہناں نوں نال لے کے باہر باغیچے وِچ بھُجے گھاہ اُتے ہی بیٹھ گیا۔ بیجی وی آ کے ساڈے کول ہی بہہ گئے سن۔ ہُن میں کُجھ وی نہیں ساں لُکاؤنا چاہوندا۔ “پِتا جی میں تے اِک میجر شنکر دت چودھری اِک ہی کمپنی وِچ ساں۔ چودھری میرا کمپنی کمانڈر سی تے میں کمپنی ٹو آئی سی ۔میجر چودھری نوں اوس دے گھر لڑکا ہون دی تار آئی سی۔ چودھری نے سارے افسراں نوں واہوا تکڑی دعوت دِتی سی۔ دُوجے دِن چودھری نے کمانڈنگ آفیسر کرنل بھیم سنگھ کولوں کُجھ دِناں دی چُھٹی منگی سی۔ کرنل بھیم سنگھ نے نہ کر دِتی۔ کوئی دس پندراں دِن بعد ہی میجر چودھری نوں سجرے جنمے لڑکے دی موت دی تار آ گئی۔ اوس نے دوبارہ چُھٹی منگی پر کرنل بھیم سنگھ نے فیر نہ کر دِتی۔ خیر، میجر چودھری برِگیڈ کمانڈر کول پیش ہو گیا۔ کرنل بھیم سنگھ دی لاہ پاہ ہوئی۔ میجر چودھری نوں چُھٹی مِل گئی۔ میجر چودھری دی چُھٹی درمیان میں وی بیمار ہو گیا ساں جس بارے تُہانوں لِکھیا وی سی۔ تیج پور دے مِلٹری ہسپتال توں عِلاج بعد میں واپس پرتیا تاں میجر چودھری وی چُھٹی کٹ کے واپس پلٹن وِچ پہُنچ گیا سی۔ کرنل بھیم سنگھ برِگیڈ کمانڈر ولوں ہوئی آپنی لاہ پاہ دا بدلہ میجر چودھری توں لے رہیا سی۔ میجر چودھری جسمانی طور تے اینا تکڑا نہیں ہے۔ فوج دے قانون مطابق کِسے وی فوجی افسر نوں کوئی وی جسمانی سزا نہیں دے سکدا۔ ایس حالت وِچ کرنل بھیم سنگھ ڈیوٹی دی بُکل ماریں کِسے نوں وی سریرک سزا دین والے آدیش تاں دے ہی سکدا سی۔ ایہناں آدیشاں دا اثر نِرا پرا میجر چودھری تے ہی نہیں سگوں ہورنا تے وی پیندا سی۔ بھیم سنگھ عام طور تے میری تے میجر چودھری والی ڈیلٹا کمپنی ‘او’ گروپ نوں کِسے نہ کِسے جگہ دی کشت کرن لئی بھیج دیندا۔ ‘او’ گروپ وِچ میجر چودھری اتے میرے توں علاوہ تِن ہور صوبیدار (جونیئر کمیشنڈ آفیسر) وی شامل سن۔ گشت پُوری کرن لئی بھیم سنگھ جان بُجھ کے سماں اینا ہی دیندا کہ اسیں وقت سِر واپس نہ پہُنچ سکیئے۔ فیر وی ساڈی کمپنی دے ‘او’ گروپ نے کِنا چِر بھیم سنگھ نوں ٹوکا ٹاکی کرن دا موقع ہی نہ دِتا۔” پِتا جی بیجی میری گل نوں چُپ چاپ سُنی جا رہے سن۔ وِچ وِچ ہُنگارا وی بھردے سن۔ “اِک وار ایسے طرحاں دی اِک گشت تے میجر چودھری دی طبیعت خراب ہو گئی۔ میں میجر چودھری نوں کیہا، “سر، میں ‘او’ گروپ لے کے ہیڈکُوآرٹر پہُنچدا ہاں۔ تُسیں آپنے رنر نال آرام نال آ جاوو۔ میں ‘او’ گروپ سمیت مِتھے ہوئے سمے تے کرنل بھیم سنگھ کول حاضر ہو گیا۔ اوس نے میرے کولوں چودھری دے نہ پہُنچن بارے پُچھیا۔ میں کیہا، “سر، اوسدی طبیعت خراب ہو گئی سی۔ پِچھے پِچھے آ رہیا ہے۔ پہُنچن ہی والا ہے۔” ایس تے کرنل بھیم سنگھ نے کیہا، “آؤن دے سالے نوں، کرنا اوسدی طبیعت ٹھیک۔” کوئی اِک گھنٹے بعد میجر چودھری وی پہُنچ گیا سی۔ اوس دے پہُنچن سار بھیم سنگھ نے اوس نُوں بھین دی وڈی ساری گالھ کڈھی تے کیہا، “وائی دا ہیل یو آر لیٹ؟” (توں لیٹ کیوں ہے) ‘سر آئی واز ناٹ ویل (سر میں ٹھیک نہیں ساں) میجر چودھری دا سنکھیپ جیہا جواب سی۔ “چودھری آپنی پیٹی کھول دے” کہہ کے کرنل بھیم سنگھ نے میجر چودھری نوں قیدی بنا دِتا۔ میجر چودھری نے آپنی پیٹی کھول کے کرنل بھیم سنگھ دے ہتھ پھڑانی چاہی۔ بھیم سنگھ نے پیٹی پھڑن دی بجائے چودھری نوں پیٹی ہیٹھاں سُٹن دا حکم دے دِتا۔ حُکم دی پالنا کردیاں میجر چودھری نے پیٹی بھوئیں تے ہی سُٹ دِتی۔ کرنل بھیم سنگھ نے کول کھلوتے اِک سِپاہی نوں میجر چودھری دی پیٹی چُکن دا حُکم دے دِتا سی۔ پِتا جی آفیسر دی پیٹی اصل وِچ اوس توں سینیر آفیسر ہی پھڑ سکدا ہے۔ بھیم سنگھ نے چودھری دی پیٹی نِری پوری اِک سِپاہی دے ہتھ ہی نہیں سی پھڑائی سگوں پہلاں پیٹی نوں زمین تے سُٹوایا سی۔ ایس توں ودھ کے ہری وردی دی بے عزتی کِسے وی ڈھنگ نال نہیں ہو سکدی۔ اگلے دِن میجر چودھری دا کورٹ مارشل شروع ہون توں پہلاں سمری آف ایویڈنس ریکارڈ ہونی سی۔ کیوں کہ میجر چودھری نال میں ‘کلا ہی کمِشنڈ آفیسر ساں۔ ایس لئی اِنکوائری وِچ میرے بیان لئے جانے بہُت ہی ضروری سن۔ میرے بیان توں پہلاں کرنل بھیم سنگھ نے مینوں آپنے بنکر وِچ بُلا کے کیہا سی، ‘نریش، ویکھ میں وی پنجابی ہاں تے توں وی۔ یاد رکھ کے چاؤ (میجر چودھری)گڑھوالی ہے۔ آپنا بیان سوچ سمجھ کے تے ذرا دِھیان نال دیویں۔” پِتا جی پتہ جے کہ میرا جواب کیہ سی؟ میں کیہا سی، ‘سر فِکر نہ کرو۔ میں پنجابی ہاں۔ پنجابیاں والی گل ہی کراں گا۔ پر، سر اِک گل پکی ہے کہ میں جھوٹھ نہیں بول سکاں گا۔” “نریش ہوش دی دُنیاں چ پرت نہیں تاں تباہ کر دیاں گا۔” کہہ کے بھیم سنگھ نے مینوں دھمکایا وی سی۔ دھمکی دے جواب وِچ میں وی غُصے وِچ بھیم سنگھ نوں سُنا دِتا سی۔ “سر سِکھیا لئی دھنواد۔ میں پنجابی ہاں، پنجابیت میرا دھرم ہے۔ پنجابیت میرے لئی پرماتما دا دُوجا ناں ہے۔” ایس گل تے بھیم سنگھ نے کیہا، “لگدے کہ توں ایبنارمل ہیں تینوں عِلاج دی لوڑ ہے۔ سمری آف اِیویڈنس رِکارڈ ہون لین دے ویکھاں گا تینوں۔” کُجھ دیر بعد مینوں سمری آف ایویڈنس رِکارڈِنگ آفیسر نے بُلوایا۔ بیان توں پہلاں مینوں گیت دی قسم چُکائی گئی۔ جیویں کہ تُسیں مینوں سِکھایا سی، اوسے طرحاں ہی کھرا کھرا سچ بول کے میں پنجابیاں والی گل ہی کیتی سی۔ جے میں اصلی پنجابیت بھُل کے کرنل بھیم سنگھ ورگا پنجابی بندا تاں کیہ میرے اندرلا منُکھ ڈگمگا نہ جاندا۔ نالے جے میں ماڑی جیہی خُدغرضی وس کُفر تولدا تاں کیہ گھٹِیا ہون دی تکلیف میری اج دی تکلیف نالوں گھٹ ہوندی۔ پِتا جی نال ولے تِنے صوبیدار گڑھوالی ہوندے ہوئے وی پتہ نہیں کیوں جھوٹھ بول گئے۔ اوہناں دے اندرلے منُکھ دی آواز نہیں سی نِکلی۔ دُنیاوی زبان بن کے پھٹی سی اوہناں دی آواز۔ اوہ وی نِرول جھوٹھ۔ آخر کیوں ؟ کاہدے لئی؟ کیہدے لئی؟ شاید چھیتی ترقی لین لئی۔ پر اوہناں دے کن آپنی ضمیر دی اندرلی آواز سُنن توں اِنکاری سن۔ میرے بیان دی سوہ مِلن دے تُرنت بعد بھیم سنگھ نے پہلاں تاں میری سپیشل ایڈورس رِپورٹ لِکھی۔ فیر ... فیر تُسیں دیکھ ہی رہے ہو۔ پِتا جی جے بھیم سنگھ ایہہ چال نہ چلدا تاں میجر چودھری دے کورٹ مارشل وِچ صوبیداراں دے بیان اینے سوکھے نہیں سن منے جانے۔ ہُن تاں میرا پہلاں دِتا ہویا بیان وی آپنی موتے....آپ ہی مر گیا ہونے۔” پر سچ دی قیمت تے نیتِکتا تے پہرہ دیندا ہُن سمجھ چُکیا ہاں کہ کئی ہالتاں وِچ نِرا سچ آپنا ہی دُشمن بن جاندا ہے۔ کِسے دے وی کم نہیں آؤندا۔ ماتا پِتا نوں ساری کتھا سُنا کے میرے دِل تے ہُن کوئی بھار نہیں سی رہیا ۔ اوہناں نوں وی کُجھ راحت ضرور مِلی سی۔ ہُن پِتا جی نے مینوں کیہا سی، “نریش چھڈ پراں ای؟ نوکری، اِستعفا دے کے گھر آ جا۔” میں کیہا، نہیں پِتا جی، ایہناں نوں آپنی تسلی کر لین دِیو۔ ایہہ تاں ڈاکٹر نے سارے دے سارے کرنل بھیم سنگھ نہیں ہو سکدے۔” لکھنؤ دے سائیکیٹرِک وِنگ وِچ پُتر دے ٹھاٹھ ویکھ کے پِتا جی، بیجی پِنڈ پرت چُکے ہن۔ اوہناں نوں میں پکیاں کر دِتا سی کہ میرے اج بارے...میرے ورتمان بارے، نِشا دے نال نال کِسے ہور نال وی گل نہ کرن۔ میری بیجی میرے لئی بڑے چاء نال پکے گھِیو دی پنجیری بنا کے لیائی سی۔ سویرے چاہ دے نال میں تے میرے نال دے افسر سارے ہی ایس پنجیری دا ذائقہ ماندے ہاں۔ ہُن نِساں دی چٹھی تاں میجر والیے دے پلٹن دے معرفت ہی آؤندی رہندی ہے۔ پِتا جی بیجی دے خط ہسپتال دے پتے تے ہی آ جاندے سن۔ ایتھے ہر مریض تے نِت ہی نویں نویں تجربے کیتے جاندے ہن۔ کل ہی میرا اِک بلوچس ٹیسٹ ہویا سی۔ ایس ٹیسٹ ویلے مینوں اول جلول جیہیاں تصویراں والے کارڈ وِکھائے گئے سن۔ میں اِک خالی کاغذ تے ہر تصویر بارے آپنا نظریہ لِکھنا سی۔ کورے بریک کاغذ اُتے شاہی دِیاں کُجھ بونداں ڈول کے، کاغذ نوں دُوہری تہہ مارن مگروں اوس تے دب پاؤن نال جو آکار بن سکدا ہے، کُجھ اوہو جیہیاں ہی سن اوہ تصویراں۔ مینوں کوئی تصویر طوطے ورگی، کوئی ندی نالیاں ورگی، کوئی پیل پاؤندے مور ورگی، کوئی بدلاں ورگی، کوئی کِسے پہاڑی دی چوٹی ورگی تے کوئی کوئی کِسے کلاکار دی سِرجنا ورگی لگی۔ میں آپنی سمجھ انوسار ہی جواب دینے سن۔ دے دِتے۔ ایہناں جواباں وِچوں کیہڑے ماپدنڈ نال ڈاکٹر کِس نتیجے تے پہُنچدے ہن۔ ایس بارے مینوں کُجھ وی نہیں پتہ۔ ہاں ایہہ ضرور سمجھ گیا ہاں کہ ایہناں ڈاکٹراں دی قلم کرنل بھیم سنگھ دی قلم توں کِتے زیادہ طاقتور ہے۔ ایہناں دی قلم ڈُبدی بیڑی لئی کنارہ وی بن سکدی ہے تے تردی نوں ڈوب وی سکدی ہے۔ دو چار ہور وی نِکے نِکے ٹیسٹ ہو چُکے سن پر اج ای سی جی. ہوئی سی۔ ایہہ اِک واتانکولِت کیبِن وِچ کیتی گئی سی۔ مینوں اِک ایلومینیم دے بیڈ تے لِٹایا گیا سی۔ میرے سِر وِچ کوئی چھتی تھاواں تے سوئیاں کھوبھیاں گئیاں سن۔ ایہناں سوئیاں دے باہرلے سرے نوں بریک بریک تار دے ذریعے اِک مشین نال جوڑ دِتا گیا سی۔ میں مشین دے چلن دی آواز محسوس کر سکدا ساں۔ ڈاکٹر کدے تاں لما ساہ لین لئی کہندا، کدے روکن لئی کہہ دیندا۔ تقریباً ادھے گھنٹے بعد میرے سِر وِچ کھوبھیاں گئیاں سوئیاں مُڑ باہر کِھچ لایاں گئیاں سن۔ مشین اگیوں گراف پیپر ورگا کاغذ ڈاکٹر نے پاڑ لیا سی۔ ایہہ اسمانی رنگ دا کاغذ ٹیڈیاں میڈھیاں کالیاں لکیراں نال بھریا گیا سی۔ ایہناں لکیراں ‘چوں ڈاکٹر کیہ پڑھن گے۔ میری سمجھ توں باہر ہے۔ اج اِک ہور دِلچسپ ٹیسٹ ہویا سی۔ پکچر سٹوری ٹیسٹ۔ ایس وِچ کُجھ رنگین تصویراں وِکھائیاں گئیاں ۔ ہر تصویر ادھے ادھے مِنٹ لئی وِکھائی گئی سی۔ ویکھی ہوئی ہر تصویر تو پھُرے خیال نال اِک چھوٹی جیہی کہانی لِکھن لئی کیہا گیا سی۔ ہر کہانی لِکھن لئی دو مِنٹ دا سماں مِلدا سی۔ ایہو جیہی اں کوئی دس کہانیاں لِکھوائیاں گئیاں سن میرے کولوں۔ ہُنے کُجھ چِر پہلاں اِک ہور ٹیسٹ ہویا ہے۔ ایہہ ٹیسٹ ایڈوائیزری اِن سائیکیٹری نے آپ کیتا سی۔ سویر سار نِرنے پیٹ مینوں ایڈوائیزر دے کیبِن وِچ بُلوایا گیا سی۔ مینوں اِک بیڈ تے لِٹایا گیا۔ ایس کیبِن وِچ میں پہلاں وی کئی وار گیا ساں پر ایہہ بیڈ اج پہلی وار ہی ویکھیا سی۔ بیڈ دے کول اِک ٹیبل سی۔ ٹیبل اُتے وڈے سپول والا ٹیپ ریکارڈر پیا ہویا سی۔ ایڈوائیزر دے آدیش تے نرسِنگ اسسٹنٹ نے چھت والا پکھا بند کر دِتا۔ نرسِنگ اسسٹنٹ نے میری سجی وینی گُھٹ کے پھڑ لئی سی۔ ایڈوائیزر آپ سجے ڈولے دی مچھی تھلے سپِرِٹ بھِجے روں دی مدد نال کوئی ناڑ ٹوہ رہیا سی۔ اوس نے میری بانہہ وِچ سوئی کھوبھ دِتی۔ سرِنج اندرلی پانی رنگی دوائی تے اِک لہو دی بُوند تر آئی سی۔ سارے دی ساری دوائی وِچ لالی فیر گئی سی۔ ایس دے نال ہی ایڈوائیزر دے چہرے تے مُسکراہٹ آئی۔ نرسِنگ اسسٹنٹ نے میری وینی نوں چھڈ دِتا۔ مینوں اِک توں سو دی گِنتی گِنن لئی کیہا گیا۔ میں اِک، دو تِن گِنن لگ پیا۔ سرِنج دا پِسٹن ہولی ہولی تھلے ول آ رہیا سی۔ ایڈوائیزر دِیاں اکھاں اِک دم میرے ول ویکھ رہیاں سن۔ مینوں یاد ہے کہ ویہہ تے تیہہ دے وِچکار میں گِنتی بھُل گیا ساں۔ ایڈوائیزر نے سرِنج واپس کِھچ لئی سی۔ ادھی دوائی سرِنج وِچ ہی سی۔ میں گِنتی تے اٹکن ہی لگیا ساں کہ ایڈوائیزر نے کیہا، “کیپٹن نریش، گھُبراؤن دی لوڑ نہیں، بِناں کِسے لُک لُکا دے ٹھیک ٹھاک دس کہ تینوں کیہ تکلیف ہے۔” مینوں صِرف اینا ہی یاد ہے کہ میں کرنل بھیم سنگھ، میجر شنکر دت چودھری تے آپنے بارے ہی کُجھ گلاں کیتیاں سن۔ کیہ گلاں کیتیاں سن، اوہ مینوں پتہ نہیں۔ اج فیر ایڈوائیزر اِن سائیکیٹری نے مینوں آپنے کیبِن وِچ بُلوایا سی۔ صِرف ایہہ سُناؤن لئی “نریش توں سیزوپھرینیا توں پیڑت ہیں، ایس دا کوئی عِلاج نہیں، تینوں فوج وِچ نہیں رکھیا جا سکدا۔ سوری اسیں مجبور ہاں۔ تینوں بورڈ آؤٹ کرنا پے رہیا ہے۔ ایہناں پیپراں تے سائین کردے۔” ایس دے نال ہی اوس نے میرے اگے بورڈِنگ آؤٹ پیپر رکھ دِتے۔ میں چُپ چاپ بِناں کِسے حیل حجت دے دستخط کر دِتے سن۔ سلابیاں اکھاں نال آپنے بیڈ تے پرت آیا ساں۔ کاش پِتا جی دی گل من کے اِستعفیٰ ہی دے دِتا ہوندا۔ گھٹو گھٹ پاگل ہو کے گھر پرتن دا دُکھانت تاں نہ جرنا پیندا۔ پر اِستعفیٰ وی کیہڑا سوکھا منیا جانا سی۔ ِانج لگدا ہے جیویں میرا رب گواچ گیا ہے۔ جیویں میں اسمان توں ڈِگے تارے وانگ سُوآہ ہو گیا ہوواں۔ پِتا جی تے بیجی نوں آپنی ہری وردی کھوہی جان بارے لِکھ چُکیا ہاں۔ نِشا نوں ایس بارے کُجھ نہیں لِکھیا۔ جلدی ہی گھر پہُنچ جانا ہے۔ اودوں اوس نُوں سارا کُجھ دس دیواں گا۔ ہُن میں تاش دِیاں ساریاں کھیڈاں بھُل چُکیا ہاں۔ شطرنج کھیڈنی وی بند کر دِتی ہے۔ آپنی چھوٹی جیہی دُنیاں ہور زیادہ سُنگڑی نظر آ رہی ہے۔ اُتر، دکھن، پُورب، پچھم نوں گاہن دا شوق تاں ہری وردی دے نال ہی وداع ہو گیا ہے۔ میں آپنے دِل نوں ایہہ وی کہندا ہاں “اؤکڑاں نال گھُلیاں ہی دلیری زور پھڑدی ہے۔ توں ہِمت نہ ہار” نالے میں کیہڑا بُڈھا ہو گیا ہاں۔ کیہ رب وی بھیم سنگھ ہی بن جاوے گا۔ جِنی کمائی ایتھے ہے، اوس توں زیادہ تاں میں آپنے کھیتاں ‘چوں کر سکدا ہاں۔ فیر وی میں آپنے آپ نوں ہی اج ای سوال کیتے سن: کیہ میں بچیاں ورگا ہاں؟ کیہ میں کدی وی آپنے فرضاں توں کنی کترائی ہے؟ کیہ میں وقت نوں پچھانن والا نہیں ہاں؟ مینوں ایہناں سوالاں دا جواب رلواں مِلواں ہی مِلیا۔ جے میں بچیاں ورگا ہوندا تاں ہری وردی پیندی ہی کیوں ؟ پھرجاں توں کنی کترائی ہوندی تاں کرنل بھیم سنگھ مینوں پہِلیاں رِپورٹاں وِچ ابو ایوریز گریڈِنگ کیوں دیندا؟ پھرزاں توں کنی کترائی ہوندی تاں مُوٹین وار فئیر کورس کراؤندا کراؤندا آپ ہی پارلیمینری اُڈیمے دا شکار کیوں ہوندا۔ بیجی دی چٹھی آئی ہے۔ “بیٹا تیری چٹھی مِل گئی ہے۔ ہُن میں مندر ول مُونہہ وی نہیں کراں گی۔ ایہہ بھگوان تاں کپٹی ہے۔ ایس نے میرے سرون پُتر دی خوشی کھوہی ہے۔ توں اُکا گھبرائیں نہ۔ تیری چٹھی ربو ڈاکیے نے مینوں ہی پھڑائی سی۔ ایہہ چٹھی میں تیرے پِتا جی نوں وِکھائی ہی نہیں۔ اوہناں تاں ایہہ گل دِل نوں لا لینی سی۔ آپنے پِتا جی نوں اِک ہور خط لِکھدے۔ لِکھیں کہ میں اِستعفا ہی دے دِتا ہے۔ بیٹا گھر خوشی خوشی آویں۔ گھر تیرے کول کِسے چیز دا گھاٹا نہیں۔ راہول سارا دِن ڈیڈی ڈیڈی کردا رہندا ہے۔ کِسے قِسم دی چِنتا نہیں کرنی۔ نِشا بِلکُل ٹھیک ٹھاک ہے۔” خط پڑھیا ہی سی کہ اِک نرسِنگ اسسٹنٹ آیا تے بولیا “سر، آپکو ایڈوائیزر صاحب نے بُلایا ہے۔” سوچیا کہ ہُن ایڈوائیزر نے میرے کولوں کیہ لینا سی؟ بھاویں میں ہری وردی نوں دو دِناں وِچ ہی بھُل بھُلا گیا ساں پر وردی دا سِکھایا انوشاسن نہیں ساں بھُلیا تے نہ ہی عمر بھر بھُلاں گا۔ میں ایڈوائیزر دے کیبِن وِچ گیا۔ اوس نے مینوں بیٹھن لئی کیہا۔ اوس دا دھنواد کردیاں میں اوس دے ساہمنے پئی کُرسی تے بیٹھ گیا ساں۔ ایڈوائیزر نے کیہا، “کیپٹن نریش پچھلے مہینیاں وِچ تیرے نال جو کُجھ وی واپریا ہے، مینوں اُس تے بہُت افسوس ہے۔ توں بِلکُل ٹھیک ٹھاک ہے۔ بورڈ آؤٹ دے کاغذاں تے سائین کرواؤنا وی اِک ٹیسٹ ہی سی۔ میں نہیں چاہاں گا کہ توں کرنل بھیم سنگھ والی پلٹن وِچ واپس جاویں۔ تیری بدلی لئی مِلٹری ہیڈکُوآرٹرز نوں سِفارش کر دِتی گئی ہے۔ بدلی کِسے وی دِن آ سکدی ہے۔ فی الحال تینوں ایٹ گارڈس نال اٹیچ کر رہیا ہاں۔” ہر رات مگروں دِن دا آؤنا قُدرت دا اٹل قانون ہے۔ ایٹ گارڈز میجر والیا والی پلٹن ہی ہے۔ مینوں ِانج لگیا جیویں میں کوئی سُپنا ویکھ رہیا ہوواں۔ میں ایڈوائیزر نوں کیہا، “سر میں بہُت دیر توں گھر چُھٹی نہیں جا سکیا۔ کیہ تُسیں مینوں ایتھوں چُھٹی نہیں بھیج سکدے؟ ایڈوائیزر نے صلاح دِتی کہ چُھٹی ایٹ گارڈس دے کمانڈنگ افسر کولوں ہی منگاں۔ میں ایڈوائیزر دا شکریہ ادا کیتا۔ اوس نال ہتھ مِلایا۔ آپنے بیڈ تے پرت آیا۔ چِراں پِچھوں ہسپتالی پوشاک لاہ کے وردی پا لئی سی فیر ۔ ہُن میرے کھنبھاں وِچ حرکت واپس آ گئی سی۔ میں سوچن تے مجبور ہو گیا ساں کہ زندگی نوں اسیں جِناں چنگا جاں بھیڑا سمجھدے ہاں، اصل وِچ ایہہ اوداں نہیں ہوندی۔ ماضی دے دُکھ بھرے پلاں نوں میں گھڑیاں وِچ ہی بھُل گیا ساں۔ بہُت پہلاں کِتے شیکسپئیر دی اِک سطر نے دِل ٹُنب لیا سی ‘کوئی وی چیز چنگی جاں بُری نہیں ہوندی، تُہاڈی سوچنی ہی اوس نُوں اجیہا بنا دیندی ہے۔ ( There is nothing good or bad, your thinking makes it so) ایس سطر دا سچ ہنڈھا کے ویکھ لیا ہے۔ میجر والِیا تے نال والے ہور افسراں نال دُعا سلام کرکے میں ہسپتال دے مُکھ دفتر وِچ پہُنچ گیا۔ اگے اوہی ادھیکاری بیٹھا سی جو اج توں کوئی ڈھائی مہینے پہلاں ایسے سیٹ تے مِلیا سی۔ اج اوس دا لہجہ پہلاں والا نہیں سی۔ اج اوس نے مینوں کُرسی تے بیٹھن دا اِشارہ نہیں سی کیتا۔ کھڑے ہو کے فوجی سلیقہ نال کُرسی تے بیٹھن لئی کیہا تے نال ہی ایہہ وی دس دِتا، “سر آپکا موومینٹ آرڈر (راہ داری) تو تیار تھا، ابھی ابھی آپکا ٹیلیگرافک پوسٹِنگ آیا ہے۔ انبالہ کینٹ میں پوسٹِنگ ہوا ہے آپکا، نیا موومینٹ آرڈر بن رہا ہے۔ پندراں بیس مِنٹ لگیں گے سر۔” میں ایس ملازم کولوں اوس دا ناں پُچھیا۔ “سر، لانس نائک نیک رام۔” “نیک رام، اگر آپ بُرا نہ مانے تو ایمبولنس سے میرا سمان ہی منگوا لو۔ موومینٹ آرڈر بننے تک میں اپنا ٹِکٹ وغیرہ لے آتا ہوں۔” “ٹھیک ہے صاحب” کہِندیاں اوس جھٹ ہی میرا سمان آپنے دفتر وِچ منگوا لیا سی۔ مینوں راہول، نِشا، پِتا جی تے بیجی نوں مِلن دی کالھ سی۔ بیجی نوں ایہہ دسن دی کالھ سی کہ بھگوان نے اوس دے اُلاہمےں نوں سُن لیا ہے۔ اوس دے پُتر دی وردی بچا لئی ہے۔ ہُن دِلّی نوں جاندیاں ہوائی جہاز وِچ مینوں ایہہ سطراں یاد آ رہیاں ہن۔ دھُند جو پِچھے رہ جاندی ہے اوہ وی چھیتی اُڈ جاندی ہے اُڈی دھُند فیر بھُل جاندی ہے اُڈی دھُند فیر بھُل جاندی ہے۔ نریش وِیہہ سورج دے نال نال دِناں دا چڑھنا ڈُبنا پہلاں وانگ ہی سی۔ چن تاریاں دی آمد اتے چمک اوویں دی اوویں سی۔ پکھیروآں دی پرواز وی اوویں ہی سی۔ زندگی دے بہوتے حادثے وی وقت پین نال چھوٹیاں چھوٹیاں گھٹناواں وِچ بدل جاندے ہن۔ ہولی ہولی گھٹناواں وی بھُل بھُلا جاندیاں ہن۔ صِرف موت ہی اِک اجیہا وڈا حادثہ ہے جو چھیتی کِتے بھُلن یوگ گھٹنا نہیں بندا۔ چیتیاں ‘چوں منفی ہون دا ناں نہیں لیندا۔ نریش دے وِچھوڑے توں بعد نِشا اتے سوِتری لئی وی سورج نِت وانگ چڑھدا ڈُبدا رہیا ۔ نِشا دے من وِچ خوشی اتے غمی دے جذبے نالو نال جِیوندے رہے۔ کدی کدی ایہہ پرسپر ورودھی جذبے اِک مِک ہی ہو جاندے سن۔ نِشا نوں نویں ڈھنگ دا جِیون چج سِکھاؤن دی کوشش کردے سن۔ دِن، مہینے تے سال آپو آپنی تور تُردے رہے۔ ایس عرصے وِچ نِشا نے زندگی دے کوڑے سچ وِچ ڈھلن دی جاچ وی سِکھ لئی سی۔ وقت دے تِل تِل ودھدے وقفے نال اوس نے آپنے من اُتے قابو کر لیا سی۔ اوہ وِچھوڑے دی اگ وِچ دھُکھ دھُکھ کے سُوآہ ہون توں بچ گئی سی۔ ایس بچاء لئی نِشا دی سبھ توں وڈی ڈھال راہول ہی تاں سی۔ نِشا دے سُپنیاں اتے خواہِشاں دا ہُن راہول ہی اِکو اِک کےندر سی۔ ہُن اوہ کِسے وی سُپنے دی سمادھ نہیں سی سِرجدی، نہ ہی سمادھاں تے اُکرن جوگے شلوکاں بارے پُٹھیاں سِدھیاں سوچاں سوچدی سی۔ ہنجوآں اتے سِسکیاں وِچکاروں ہی آؤن والیاں ہنیریاں اتے جھکھڑاں دے مُقابلے لئی نِشا تنوں منوں یتن شیل سی۔ راہول دی پرورِش ہی اوس دا دھرم سی۔ اوہ چھیتی توں چھیتی راہول نوں بودھِک اتے جسمانی پکھوں تکڑیاں کرن دی چاہوان سی۔ ہویا وی ِانج ہی۔ راہول نے دسویں جماعت اول درجے وِچ پاس کر لئی سی۔ پِتا وانگ راہول وی نِرا پرا کتابی کیڑا نہیں سی۔ پڑھائی توں علاوہ اوہ کھیڈاں اتے سکول دِیاں ہور سرگرمیاں وِچ وی ودھ چڑھ کے حِصہ لیندا سی۔ سکولاں لئی راج پدھر دے انتر ضلع بھاشن مُقابلے ہونے سن۔ راہول اجے گیارھویں جماعت وِچ ہی سی۔ آپنے ضلعے دی ٹیم دا کرتا دھرتا راہول ہی سی۔ اوس نے آپ ‘سائنس اتے منُکھ’ وِشے تے بھاشن دینا سی۔ راہول نے بہُت ہی آکرشک لہجے وِچ آپنا بھاشن شروع کیتا : “پردھانگی منڈل تے حاضرین دوستو! وِشا ہے! سائنس اتے منُکھ بہُت تھاویں انسانیت انھے کھوہاں ہیٹھلے چِکڑ تھلے دبی جا رہی ہے۔ دھرتی تے کوئی مُلک فوجی حملیاں دی لپیٹ وِچ آئے ہوئے ہن۔ دھرماں وِچ اندھ وِشواس پہلاں وانگ ہی چل رہیا ہے۔ مدھ کالی منُکھ وی دھرم دا غُلام سی۔ دھرم دے ناں تے اج وی تھاں تھاں انسانیت دا گھان ہو رہیا ہے۔ کھیتری، بھاشائی اتے ذاتی سوال سارے ہی ساڈے سنہری مستقبل تے کِنتو لا رہے ہن۔ پہلاں وی انسانی دِماغ ایہو جیہی اں سمسیاواں دے جنگل وِچ ہی بھٹکدے سن۔ اج وی بھٹک رہے نے۔ کُجھ وی تاں نہیں بدلیا۔” راہول دی نظر پردھانگی منڈل تے ہی نہیں بلکہ حال وِچ بیٹھے سروتیاں دے چہریاں تے وی آپنے ہاو بھاو دا قُدرتی اظہار کر رہی سی۔ “سائنس اتے منُکھ دا رشتہ بہُت گوڑھا ہے۔ سائنس بِناں کھڑوت دے پوڑی در پوڑی چڑھی آ رہی ہے۔ سائنس دی ترقی منُکھ دے نال نال سمُوچی منُکھتا دی ترقی ہے۔ منُکھی ہوند لئی سائنس اِک لوڑ بن چُکی ہے۔ جے سائنس نہ ہوندی تاں اج اسیں کئی سہولتاں توں وانجھے ہوندے۔ بِجلی، کارخانے، دوائیاں، ہسپتالاں دی آدھونِک مشینری، دھرتی اُتے ہوا وِچ اتے جل ستا تے چلدے یاتایات سادھناں توں علاوہ نہِراں، ٹِیوبویلاں، کھیتی مشینری اتے ہور کئی کُجھ سائنس دا ہی کمال تاں ہن۔ ایہہ سبھ انسانیت لئی وردان توں گھٹ نہیں۔ سچے تے سُچے وِگیانی انسانیت دا بھلا ہی کردے ہن۔ ایہناں دی سوچی بہُت لمی ہے۔ کُجھ اِک وِگیانیاں دا ذِکر کُتھاوےں نہیں ہووےگا۔ بھارت دے جمپل امریکن ناگرِک ہرگوبِند کھُرانا نے جینیٹِکس کوڈ تے مہتوپورن کھوج کیتی۔ 1918 وِچ نوبل پُرسکار پراپت کیتا۔ بہُت ہی غریب حال وِچ پڑھی پولینڈ دی میری کِیوری نے ریڈیم دی کھوج کیتی۔ رجویں روٹی کھان لئی ترسدی ایس وِگیانی نوں دو وار نوبل پُرسکار نال سنمانت کیتا گیا۔ گریمر میڈل نے مٹراں اُتے پریوگ کیتے۔ جیواں دے وِراثتی گُناں دے تتاں دی کھوج کیتی۔ اوسدی بدقسمتی سی کہ جِیوندے جی اوس نُوں کوئی مانتا نہ مِلی۔ 1884 وِچ اوسدی موت توں ١ں سالاں بعد اوس نُوں جنیٹکس دا جنم داتا کیہا گیا۔ ایسے طرحاں ڈیزل اِنجن دی کاڈھ کڈھن والا روڈولف ڈیزل اتے فرانس دے جیمس ڈی. واٹسن وغیرہ دے ناں ورن نیوگ ہن۔” ہُن تک حال وِچ بیٹھے سروتیاں دے کن پُوری طرحاں راہول دے بولاں نال جُڑ چُکے سن۔ بہُتیاں دِیاں نظراں وی اوس دے چہرے اُتے ہی ٹِکیاں ہوئیاں سن۔ “پیغمبری سوچ والے بندے، شاعر اتے کلاکار وی وِگیانیاں دے بہوتے نیڑے نیڑے وِچردے ہن۔ گہو نال ویکھیئے تاں سارے اِک دُوجے دے پُورک ہن۔ اِک دُوجے دی ہوند دے کارن ہن۔ ایسے صدی دی گل ہے۔ سمُوچے وِشو سماج پرتی وفادار، سچے تے سُچے، رائیٹ بردرز1904-05 وِچ انسانی اُڈان دِیاں اٹکل بازیاں لا رہے سن۔ نِکے موٹے تجربے کر رہے سن۔ انت اِک دِن اوہ سپھل ہو گئے۔ پر ایس توں وی دو سدیاں پہلاں فرانس دے اِک چِترکار لِیونا ردو ڈا وِنسی نے آپنے چِتراں راہیں ہوائی جہاز اتے ہیلی کاپٹر دی اگاؤں پیشکاری کر دِتی سی۔ رائیٹ بردرز دی کاڈھ نے ورتمان صدی دے وِچ ہی دُنیا دے دُور دراز ہِسیاں نوں کِنا نیڑے کر دِتا ہے۔ نیڑتا نال سانجھاں ودھدیاں ہن۔ موہ دِیاں تنداں پیڈھیاں ہوندیاں ہن۔ بھلے بھلائی ہی کردے ہن۔ بُریاں دے حِصے صِرف بُرائی ہی آؤندی ہے۔ سچے تے سُچے وِگیانیاں دے عین اُلٹ کُجھ وِگیانی نِرے پُرے شیطان دا دِماغ ہن۔ شیطان دی مُورتی ہن۔ اوہناں دا ناں لے کے میں آپنی جِیبھ گندی نہیں کراں گا۔ اوہناں دے کارنامیاں دی اُداہرن دے طور تے سرکار اؤرتاں نوں ودھ توں ودھ آزادی دین دے حق وِچ ہے۔ اؤرتاں نوں مرداں دے برابر حق دےندی ہے۔ پر شیطان دا دِماغ! تُسیں سارے ہی بھلی بھانت جاندے ہوووگے کہ شیطان دے دِماغ نے بھرون ٹیسٹ کرن والی مشین بنا دِتی۔ ایس ظالم مشن دے کارن ہی کئی کُڑیاں ایس دُنیاں دی کُھلی ہوا وِچ پہلا ساہ لینوں وی ورج دِتیاں گئیاں ۔ ناظرین دی دلچسپی ودھی جا رہی سی۔ “ ایتھے ہی بس نہیں، شیطان دا دِماغ ہی گولہ بارود بنا رہیا ہے۔ ایٹم بمب دا دےںت تھاں تھاں چھڈ رہیا ہے۔ ایس دےںت دی جِیوندی جاگدی مِثال ناگاساکی تے ہیروشِما تے واپرے دُکھانت نوں کون نہیں جاندا۔ کِسے وی دیش ولوں ایٹمی بمباں نال کِسے ہور بُھوگولِک خطے دی تباہی کر کے آپنے آپ نوں محفوظ سمجھن دا خواب نِری بے وقوفی نہیں تاں ہور کیہ ہے؟ اِس وِیوہار وِچ اسلوں وحشی پُنے نالوں مُورکھتا زیادہ جھلکدی ہے۔ اج ساری دھرتی بارود دے ڈھیر تے ٹِکی ہوئی ہے۔ منوکھاں وِچ آپو دھاپی ودھ رہی ہے۔ انسانیت دِن بدِن لیرو لیر ہو رہی ہے۔ منوکھاں وِچ ہی نہیں، جنوراں دے نال نال جنگلی جیواں وِچ وی سہم گھٹن دی بجائے ودھیا ہی ہے۔ ودھی جا رہیا ہے۔ انت وِچ ایہی کہاں گا کہ کِنا چنگا ہووے جے سارے مُلکاں دے نُمائندے آپس وِچ رل بیٹھن۔ کوئی سِکے بند گل کرن۔ سچے دِلوں اجیہا انتر راشٹری قانون بنا دین جیہڑا شیطانی دِماغ والے وِگیانیاں نوں نتھ پاؤن دے قابل ہووے۔ ایسے راہ تے کوئی چانن دی لکیر دِسدی ہے۔ ایہہ چانن دی لکیر سائنس نوں ستھائی طور تے انسانیت دا مسیحا بنا سکدی ہے۔ فیر ایہہ دھرتی ساڈا ساریاں دا جِیوندا جاگدا سورگ ہوویگی۔ ایس توں ودھ آؤن والی پیڑھی لئی اسیں سراپ نہیں ‘ور’ ثابت ہووانگے۔ جے ِانج نہ ہویا تاں نویں پیڑھی آپنے پُرکھیاں نوں، مطلب کہ سانوں نفرت دی نِگاہ نال ویکھے گی۔ لعنتاں ہی پاوےگی۔ دھنواد! تقریر ختم ہون دے نال ہی حال تاڑیاں نال گونج اُٹھیا سی۔ ایس نِکے جیہے بھاشن نے ججاں دی پارکھُو سوجھ نوں وی دنگ کر دِتا سی۔ راہول نے راج بھر دے سرووتم وقتے دا مان پراپت کر لیا سی۔ ایہناں دِناں وِچ ہی راہول نوں پنجاب سرکار ولوں ہوائی اُڈان سِکھن لئی وظیفہ مِل گیا سی۔ سکولی پڑھائی دے نال نال راہول نے ناردرن اِنڈیا فلائنگ کلب، جالندھر وِچ داخلہ لے لیا سی۔ کیپٹن اِفتخار اسماعیل دی اگوائی وِچ راہول دی سِکھلائی شروع ہو گئی۔ روز ہی کُجھ نواں سِکھایا جاندا۔ کُجھ اِک کرتو کئی کئی دِن کئی کئی وار دُہرائے جاندے۔ ہر اُڈان اِک نواں تجربہ ہوندی سی۔ اصل اُڈان توں علاوہ ہوابازی دے ضروری وِشیاں دے سبق وی پڑھائے تے سِکھائے جاندے۔ کلب وِچ ہی اِک زبانی امتحان توں بعد راہول نوں سٹوڈنٹ پائلٹ لائسنس جاری کر دِتا گیا سی۔ اِکلیاں اُڈان بھرن لئی ایہہ لائسنس ضروری ہوندا ہے۔ مہینے دو مہینیاں وِچ ہی ایئر ایکس پیرینس، پرائمری اینڈ سیکنڈری اِپھیکٹ آف کنٹرولز، سرکٹس اینڈ لیڈِنگز، جنرل پھلائنگ اتے امر جینسیز دے عمل واری واری سِر سِکھائے گئے سن۔ راہول دی کوئی غلطی کیپٹن اسماعیل ولوں ان ڈِٹھی وی رہ سکدی سی۔ ایسے لئی کیپٹن وانگ اتے ریلِپھ نے وکھو وکھریاں اُڈاناں وِچ راہول دی اُڈان سمرتھا نوں پرکھیا سی۔ راہول دی فلائنگ لونگ بُک وِچ کوئی 13 گھنٹیاں دی ڈِیول فلائنگ بھری جا چُکی سی۔ اِک دِن ٹِکی ہوئی ہوا سی۔ کیپٹن اسماعیل نے راہول نال اُڈان بھری۔ ویہہ تیہہ مِنٹاں وِچ راہول کولوں چار پنج وار جہاز چڑھوایا اتے اُتروایا۔ ہنگامی حالت دا ریاض کروایا۔ جہاز اخیرلیوار اُترن توں پہلاں گلائیڈ پاتھ تے سی۔ کیپٹن اسماعیل راہول نوں مخاطب ہویا، “راہو ل کیہ اکلا اُڈان بھرنا چاہیں گا؟” کیوں نہیں سر، راہول اندروں باہروں کھِڑ گیا سی۔ جہاز اُترن مگروں رن وے دے انت تے پہُنچ گیا سی۔ کیپٹن اسماعیل نے راہول نوں اِک سرکٹ لاؤن دا آدیش دِتا۔ “گُڈ لک” کہہ کے آپ کاکپِٹ وِچوں باہر آ گیا۔ بِناں کِسے خوف دے راہول نے اِکلیاں جہاز چڑھایا۔ سرکٹ پُورا کیتا۔ گلائیڈ پاتھ تے پہُنچیا تے ودھیا ڈھنگ نال جہاز نوں مُڑ رن وے تے اُتار دِتا۔ ایہہ راہول دی فسٹ سولو(پہلی وار اِکلے دی اُڈان)سی۔ فیر ہفتے دے وِچ وِچ اِک ڈیڈھ گھنٹے دی ڈِیول فلائیمگ دے بعد سیکِنڈ سولو، تھرڈ سولو تے فیر چل سو چل۔ ہُن تک بارھویں پاس کرکے راہول نے لائل پوُر خالصہ کالج، جالندھر وِچ ہی داخلہ لے لیا سی۔ داخلے دی اِنٹروِیو ویلے راہول نے ویکھیا کہ پرنسپل دے دفتر وِچ وی اوس دے پِتا میجر نریش کُمار دی آدم قد تصویر لگی ہوئی سی۔ پرنسپل نے فارم دے ویروے پڑھنے شروع کیتے ہی سن۔ “اچھا تے توں میجر نریش کُمار دا بیٹا ہیں” “جی ہاں” “جی آیاں نوں” تے ایس دے نال ہی راہول دا داخلہ ہو گیا۔ راہول ہر روز جالندھر آؤن جان سکوٹر تے ہی کردا سی۔ نِشا دے من اُتوں وی ورِھیاں دے اُداس سفر دا گھٹا مِٹی آپ ہی لہِن لگ پیا سی۔ من دی تندرُستی دے نال نال چہرے دی گُلابی بھاہ وی پرتنی شروع ہو گئی سی۔ اُنج نِشا دا سموچا وجود ہُن ڈھِلکواں ہی سی۔ اِکی گرمی ہووے جاں سردی۔ مُونہہ ہنیرے ہی راہول سکوٹر سٹارٹ کردا۔ جالندھر پہُنچ جاندا۔ دِن چڑھن دے نال ہی موکلے آکاش دی کُھلی اتے آزاد پر مٹھی مٹھی ہوا وگدی ہوندی۔ ہر جیو جنتو دے انگ انگ نوں سہِلا رہی ہوندی۔ ایس ہوا وِچ ہی راہول اُڈار ہو جاندا سی۔ تیز ہواواں نال اجے اوس دا واہ نہیں سی پیا۔ تجربے نال واری سِر ہی پینا سی۔ سوِتری بہُت بِردھ ہو چُکی سی۔ اوس نے اِک دِن راہول نوں کیہا، “پُتر ‘جاز اُچا نہ کھڑیا کر، بہُتا تیز وی نہ چلایا کر”۔ “چنگا بے بے جیویں کہیں گیں۔” چہرے توں معمولی مُسکراہٹ بِکھیردے راہول نے اپنت نال دادی نوں جواب دِتا سی۔ اصلوں جہاز نوں نیواں اُڈانا اتے اِک خاص رفتار توں ہولی اُڈاناں، دوویں ہی گھاتک ہوندے ہن۔ کدی وی حادثہ پیش آ سکدا ہے۔ راہول پُورا اُڈار ہو گیا سی۔ مٹھی جاں تیز ہوا تاں کی، ہُن طوفاناں دی پرواہ وی نہیں سی کردا۔ اوس نے رات ویلے دی اُڈان وی شروع کر لئی سی۔ ہر عام انسان دِیاں پنج گیان اِندریاں تاں ہوندیاں ہی ہن۔ پائلیٹاں دی چھیویں گیان اِندری وی ہوندی ہے۔ سہج بھاو ہی حرکت وِچ آ جاندی ہے۔ ہُن راہول آپنے آپ نوں ہنڈھے ہوئے پائلٹاں توں گھٹ نہیں سی سمجھدا۔ ودھنے ہوئے سوے بھروسے صدقہ جہاز اُتارن ویلے ہُن اوہ ینتراں دی تھاں چھیویں گیان اِندری توں ہی کم لین لگ پیا سی۔ رنوے دے بریک بریک کنکر، اوس دوآلے اُگے ہوئے گھاہ دِیاں تِڑاں، پتیاں تے اوہناں دے گاڑھےپھِکے رنگ نوں ویکھ کے ہی، جہاز نوں تھلے، دوڑ پٹی تے اُتاردا ہویا آپنے قابو وِچ رکھدا تے کِسے مِتر کُڑی دے ہیٹھاں وانگ دھرتی نوں چُم لیندا سی۔ کھِڈارو پائلٹاں وانگ جد کدی وی راہول اکلا اُڈان بھردا تاں خرمستیاں کرن دی آزادی وی لے لیندا۔ آپنے پِنڈ اُتے، کالج اُتے تے کدی کدے کِسے دوست کُڑی دے گھر اُتے اتِ نیویں اُڈان بھردا۔ اتِ تِکھے موڑ کٹدا۔ رنگ برنگیاں چُنیا دے نظارے لیندا لیندا پائلن ایٹ اتے ٹیل سلائیڈِنگ جیہے خطرناک رُجھاناں وِچ وی رُجھ جاندا۔ گھر دے جی پِنڈ والے تے کالجی ایٹ مُنڈے کُڑیاں ہیٹھاں زمین تے تراہ تراہ کردے رہ جاندے سن۔ ٹیکنیکل سپیسفک ائیرکرافٹ اینڈ اِنجنز، پرنسپل آف فلائٹ توں علاوہ ایئر لیجیسلیشن، فلائیٹ پلینِنگ اینڈ پلانٹِنگ، نیوی گیشن اتے میٹرولوجی دے نال نال ریڈیو ٹیلیفونی دے اتِ ضروری وِشے سن۔ ہُن اُڈان نالوں ایہناں وِشیاں دی اہمیت زیادہ سی۔ پڑھائی تے پہلاں نالوں زیادہ محنت کرنی پیندی سی۔ پرائیویٹ پائلٹ لائنس اتے کمرشیل پائلٹ لائسنس لئی بھارت سرکار دے شہری ہوابازی ڈائریکٹوریٹ ولوں لِکھتی ٹیسٹ لئے جانے سن۔ خیر، کمرشیل پائلٹ لائسےںس لیندیاں لیندیاں راہول نے بی. اے. دی پڑھائی وی پُوری کر لئی سی۔ اِنڈین ایارلائینز نوں پائلٹاں دی لوڑ پئی۔ بہُتی بھج نٹھ دے بغیر ہی راہول دی بطور پائلٹ چون ہو گئی سی۔ اِنڈین ایارلائینز دی سنٹرل ٹرینِنگ اسٹبلشمنٹ، حیدرآباد وِکھے وڈے آکار دے سواری جہازاں دی سِکھلائی پُوری کیتی۔ ہُن راہول اِنڈین ایئر لائینز وِچ ایورو ایچ. ایس. 748 قِسم دے ہوائی جہاز دا سہائک چالک سی۔ اوسدی پہلی بدلی دِلّی کےندر تے ہوئی سی۔ ہولی ہولی اوہ دِن وی آ گیا کہ اُڈان توں پہلاں ایئر ہوسٹس یاتریاں نوں مخاطب ہوندی “اِنڈ ایئر ایک چار شُنیا میں آپکا سواگت ہے۔ کُچھ ہی دیر میں ہم جے پور کے لیئے روانہ ہو رہے ہیں۔ اپنی اپنی پیٹیاں باندھ لیجیئے۔ اُڈان میں دھُمرپان کرنا منع ہے۔ اُڈان کوئی چالیس مِنٹ کیہ ہے۔ وِمان کے پرمُکھ چالک کیپٹن راہول شرما ہے۔ بھگوان آپکی یاترا کامیاب کرے۔” راہول دی شُروعات ہی چنگی سی۔ محکمے وِچ اثر رسوخ چنگا سی۔ کہن کہاؤن تے اوس نُوں دِلی وِچ ہوائی اڈے دے نیڑے ہی چار کمریاں والا آدھونِک سہولتاں والا فلیٹ مِل گیا سی۔ ہُن نِشا اتے سوِتری لئی رہندی عمر دی وہِنگی راہول نے ہی آپنے موڈھیاں تے ٹِکانی سی۔ اوس نے ہی ایہناں دا سرون پُتر بننا سی۔ نِشا دی دھرم ماتا ریشمی، دا وی کون سی ایس دُنیاں وِچ؟ کِسے کولوں وی صلاح لئے بِناں ہی راہول نے ایہناں سبھناں نوں آپنے کول ہی رکھن دا فیصلہ کر لیا سی۔ ایسے منتو دی پُورتی لئی راہول نے پندراں دِناں دی چُھٹی لے لئی سی۔ دیوالی توں دو دِن پہلاں ہی راہول پِنڈ پہُنچیا سی۔ جی جی دے نال پِنڈ دی مِٹی نوں وی چاء چڑھ گیا سی۔ دیوالی والے دِن تاں ویڑھے دی نُہار ہی وکھ سی۔ ِانج لگدا سی جیویں اِے ویڑھے وِچ کدی کوئی سوگی حادثہ واپریا ہی نہ ہووے۔ دِن چھِپن توں پہلاں ہی بِردھ سوِتری اتے نِشا دوویں ہی بنیریاں تے سُچے پانی وِچ دھوتے، سرھوں دے تیل وِچ ڈُبو کے رکھے دیویاں نوں پال وِچ لاؤن لگ پئیاں سن۔ اوہناں وِچ وٹیاں رکھ رکھ کے نونہہ سس نے ہی تیل پایا سی۔ “اج نریش ہوندا تاں ساکار ہوئے سُپنے نوں اکھیں ویکھ لیندا۔ اوہ وی خوشیاں مناؤندا۔ نشہ دا من بول رہیا سی۔ کن سُن رہے سن۔ ایہو جیہے ہی کِسے خیال نوں سوِتری وی چِتار رہی سی۔ آپنے بنیریاں تے دیوے تھاں سِر لا کے نِشا تے سوِتری دوویں ریشمی کول گئیاں ۔ ریشمی دے گھر دے بنیریاں تے وی ساریاں نے رل کے دیوے لئے۔ وٹیاں پائیاں۔ دیوے تیل نال بھر دِتے۔ جالندھر توں سودا پتہ لے کے دِن ڈھلے نال ہی راہول وی کر پہُنچ گیا سی۔ اوہ آپنے نال بھانت بھانت دے پٹاکے وی لے کے آیا سی۔ نِشا، سوِتری اتے ریشمی دے نال نال راہول نے وی آپنے اتے نانکے گھر دے بنیریاں تے دیوے بالن وِچ اوہناں دا ہتھ ونڈا؟آ سی۔ پٹاکیاں دا اِک لِفافہ لے کے راہول پریتم دے گھر چلیا گیا۔ پہلاں پریتم اتے چاچی دی دیوے بالن وِچ مدد کیتی۔ فیر اوہناں دے بچیاں نال رل کے پٹاکے چلاؤنے شروع کر دِتے۔ کُجھ چِر بعد راہول چاچے پریتم، چاچی اتے اوہناں دے بچیاں نوں نال لے کے آپنے گھر پہُنچ گیا۔ ساریاں نے گئی رات تک دیوالی دا جشن منایا۔ پٹاکھیاں دِیاں کن پاڑویاں آوازاں سالم پِنڈ دے آر پار گونجدیاں رہیاں۔ نِشا نے وس کوئی وی دِیوا بُجھن نہیں سی دِتا۔ دیوے دی لاٹ مدھم ہوندیاں ہی اوہ اوس وِچ ہور تیل پا دیندی سی۔ آپنے گھر پرتن توں پہلاں پریتم اِک موہ بھِجیا حکم نامہ وی دے گیا سی۔ “کل نوں سارا دِن، تُسیں سارے ساڈے پروہنے ہو۔ دھمی ویلے دی چاہ وی ساڈے ول ای آ۔” “تائی جی تُسیں وی” ریشمی نوں کہن مگروں پریتم نے جان دی اِجازت منگی۔ پریتم دے حُکم نوں راہول موڑ ہی نہیں سی سکدا۔ “ٹھیک آ چاچا” آکھ کے راہول چاچے پریتم اتے اوس دے ٹبر نوں باہرلے دروازے دی کُنڈی مار کے پرت آیا سی۔ نِشا سوِتری اتے ریشمی وی چوبارے توں تھلے آ چُکیاں سن۔ دیوالی دا جشن منا کے راہول منجی تے لیٹیا ہی سی کہ نیند دی خُماری وِچ اکھاں دے بند ہون دا اوس نُوں پتہ ہی نہ لگِیا۔ راہول نیند دے وہِن وِچ ویہہ گیا۔ سویر سار دے پو پھُٹالے توں پہلاں ہی اوس نے ویکھیا۔ سواریاں نال بھریا پاکستان اِنٹرنیشنل ائیرلائینز دا اِک دِیو قد جمبو جیٹ بوئنگ 747 سمندری ستِہ توں تیہہ ہزار فُٹ دی اُچائی تے سہج اتے اڈول اُڈ رہیا ہے۔ اِک لمے قد دی سواری کوکپِٹ دا دروازہ کھولھدی ہے۔ اندر داخل ہو جاندی ہے۔ بِجلی دی پھُرتی نال بوجھیاں وِچوں دے پِستول کڈھدی ہے۔ دوہاں پائلٹاں دِیاں دھوناں تے رکھ دیندی ہے۔ راہول نوں ایس سواری دی پِٹھ ہی دِسدی ہے۔ کوشش کرن تے وی چہرہ نہیں دِسدا۔ “خیریت چاہوندے ہو تاں دِلّی چلو۔ چالبازی نہیں۔ اِک اٹھ صِفر دِشا ول موڑ کٹو۔ مُڑ نہ کہنا پوے۔ چالبازی کرن دی کوشش نہ کرنا۔” “او. کے.” کہہ کے پرمُکھ چالک اونی دیر تک جہاز نوں موڑدا رہیا جدوں تیک دِشا سوچک ینتر دی سوچی اِک اٹھ صِفر تے نہیں سی آ گئی۔ ہُن جہاز دِلّی ول اُڈ رہیا سی۔ “کیہ میں لاہور ٹاور نال گل بات کر سکدا ہاں؟” کمانڈر نے اغواکار کولوں پُچھیا سی۔ “ہاں کر لوو، پر کوئی چلاکی کرن دی کوشش نہ کرنا۔” دھنواد کہہ کے پرمُکھ چالک نے وائرلیس دا مائیکروفون پھڑ لیا۔ “میا ڈے میا ڈے میا ڈے(آپاتکالین ستھِتی وِچ ورتن والا کوڈ ورڈ) لاہور ٹاور پاک ایئر پنج صِفر نوںں۔ “پاک ایئر پنج صِفر نوں، سُنیہا دیوو، لاہور ٹاور۔’ “پاک ایئر پنج صِفر نوں دِلّی نوں اغوا کیتا جا رہیا ہے۔ اغواکار دی شناخت نہیں ہو سکی۔ آؤٹ۔” “پاک ایئر پنج صِفر نوں اِتحادی عمل پُورا رکھنا۔ خُدا حافظ، لاہور ٹاور۔” “لاہور ٹاور ٹھیک ہے، پاک پنج صِفر نوں۔” اغواکار دی کاں ورگی نظر دِشا سوچک ینتراں دے نال نال پائلٹاں تے وی ٹِکی ہوئی سی۔ پِستولاں پائلٹاں دِیاں دھوناں تے پہرہ دے رہیاں سن۔ “دِلی ٹاور پاک ایئر پنج صِفر نوں تِن تِن چار اٹھ کِلوہاٹس تے ۔ میری آواز کیویں سُنائی دے رہی ہے؟” “پاک ایئر پنج صِفر نوں طاقت پنج تک سُن رہے ہاں۔ آپنا سُنیہا دیوو۔ دِلی ٹاور۔” “دِلی ٹاور، پاک ایئر پنج صِفر نوںں نوں دِلی ول اغوا کیتا گیا ہے۔ جہاز وِچ 436سواریاں ہن، 23 بندے عملے دے ہن۔ دِلی تِن صِفر مِنٹاں تک پہُنچن دا انومان ہے۔ اُترن دی اِجازت لئی بینتی کردے ہاں۔ آؤٹ۔” پاکِستانی جہاز نوں دِلی اُترن دی اِجازت مِل جاندی ہے۔ ایہی جہاز اِندرا گاندھی انٹرنیشنل اڈے دی پہُنچ والی دِشا وِچ ہولی ہولی اُچائی گھٹا رہیا ہے۔ دھرتی تے اُترن توں پہلاں گلائیڈ پاتھ تے پہُنچ چُکیا ہے۔ “پاک ایئر پنج صِفر نوں۔ دوڑ پٹی صِفر نوںں ورتوں وِچ ہے۔ زمینی ہوا صِفر چار اٹھ ڈِگری تے دو صِفر کوہاں دی رفتار تے ہے۔ پریشر اِک صِفر اِک چار مِلی بارس۔ دوڑ پٹی سمُندر دی ستا توں ست چار صِفر فُٹ تے ہے۔اُترن بعد بریوو دو آسکر چھ رستے توں ہوندے ہوئے اڈا نمبر ں تُہانوں دِتا جاندا ہے...۔” ایس دے نال ہی راہول نے اغواکار دا چہرہ ویکھ لیا سی۔ سِر تے سفید وال سن۔ ودھی ہوئی داڑھی سی۔ چہرہ تاں جانِیا پچھانیا سی۔ ڈیڈی ڈیڈی کردا، اؤکھے اؤکھے ساہ لیندا تریلیوں تریلی ہویا راہول ابڑواہے اُٹھ پیا سی۔ اوتھے تاں کُجھ وی نہیں سی۔ نِشا دا بِسترا وی خالی سی۔ سوِتری اتے ریشمی تاں نال والے کمرے وِچ سُتیاں ہوئیاں سن۔ ہُن تک راہول دے سون کمرے دی پُورب ول کھُلدی باری چوں ہلکے سنہری رنگ دا چانن اندر پرویش کر چُکیا سی۔ لہندے والی کندھ دے اِک حِصے تے دُھپ دی کاتر جیہی نے قبضہ کر لیا سی۔ کِنا چِر راہول شش وپنج وِچ پیا رہیا ۔ بے چینی حالت وِچ دوبارہ لیٹن نوں جی نہیں سی کر رہیا ۔ اوہ اِک عجیب جیہی تھکاوٹ محسوس کر رہیا سی۔ سریر دے آکڑ بھندا بھندا راہول چُپ چُپیتا چوبارے تے چڑھ گیا۔ نِشا پہلاں ہی اوتھے سی۔ اسمان توں تِتر کھنبی بدلی دے ٹوٹے دھرتی ول جھاتیاں مار رہے سن۔ نِشا جنوراں نوں چوگ پا رہی سی۔ کاں، کبوتر، چِڑیاں، لالیاں وغیرہ جنور چوگ چُگن وِچ مست سن۔ نِشا دی نظر پُرب ولوں پچھم دے خالی پن نوں پوردیاں سجریاں کِرناں تے ٹِکی ہوئی سی۔ دبے پیریں راہول نِشا دے کول پہُنچیا تے اوس دِیاں اکھاں آپنیاں تلیاں نال کج لایاں۔ نِشا کولوں کیہ لُکیا ہویا سی۔ ‘ہٹ شرارتی’ کہہ کے اوہ پِچھانہہ نوں پرتی۔ راہول نوں باہواں وِچ لپیٹ کے اوس دا متھا چُم لیا۔ ایس ویلے کونجاں دی اِک ڈار نِشا اتے راہول دے سِراں اُتوں دی ہوندی ہوئی کیں کیں کیں کردی چھپڑ نیڑلے بوڑھ اُتوں دی اُڈدی ہوئی دھُندلکے جیہے وِچ گواچ گئی سی۔ راہول نِشا دِیاں باہواں وِچ ہی سی۔ نِشا دِیاں سیجل اکھاں دی نظر کونجاں دی پرواز والے راہ نوں مِدھ رہی سی۔ ہُن تک ہیٹھاں، گھر دے اندر وار سورج دِیاں کِرناں نے چانن ہی چانن کر دِتا سی۔ 1997 دی بسنت اجے دُور ہے۔ ایہہ تاں اجے چڑھیا ہی ہے۔ پِچھلی 25 دسمبر نوں اِک کالا بولا ہنیرا آیا تے پرت گیا۔ پر خالی نہیں پرتیا۔ اِک ہور پتنگ نوں مُقدری ہواواں دے رحم تے چھڈ گئے۔ میری اِکو اِک چھوٹی بھین رانی بہُت اگیتری ہی وِدھوا اکھر دے رُو برُو ہو گئی ہے۔ ایتھے سکّے بھراواں توں وی ودھ آپنے بہِنوئی کرنل اوتار سنگھ اؤلکھ نوں ہنجوآں بھری اخیرلی سیلوٹ ماردا ہاں۔ مُک گیا