لاچار سندیپ کمار
23 سالا یادوندر نوں دو پولیس ملازم جیل دے ادھیکاریاں نوں سونپ کے چلے جاندے ہن۔ جیل دے ادھیکاری نے اس نوں بینچ اتے بٹھا دتا تے اوہ وی چلے جاندے ہن۔ یادوندر لئی اوہ تھاں نویں اتے حد تو بھاری محسوس ہو رہی سی۔ اوہ اپنے ساتھی بارے سوچ رہا سی کہ اوہ کتھے ہووےگا۔ سوچدے سوچدے اس نوں بیتی ہوئے زندگی دے سارے پل ساہمنے آؤن لگے.........
اوہ تنیں بڑے پکے دوست سن ۔ پروین دا پتا اس نوں چھڈّ امریکہ چلا گیا سی جدوں کہ روہت دا پتا مزدوری کردا سی اتے پھر وی اس نوں ماڈل سکول وچّ پڑھاؤدا سی ۔ یادوندر دا پتا چھوٹا وپاری پنجاب دی اک منڈی تو دوجی منڈی سبزی سپلائی کردا، تنّ بھیناں تے یادوندر نوں بڑے لاڈ پیار نال پالیا، اس نوں کدے وی گھر توں زیادہ ڈانٹ نہ پئی۔ جو منگدا اس دی ضرورت پوری کر دندے۔ پنج جماعتاں اکٹھے پڑھائی کرن توں بعد اوہناں وچوں اک غریب گھر دا لڑکا روہت فیس نہ دین کارن سرکاری سکول وچ پڑھائی کرن لگا ۔ پھر وی کدے-کدائیں اپنے دوستاں نوں مل کے ضرور آؤندا۔ تنیں دوست دسویں کر چکے سن یادوندر آس -پاس دے منڈیاں نال رل کے سگرٹاں پین لگا، اس تو بعد ملی ہوئی بھنگ سگرٹاں وچّ بھر کے یادوندر دی منیاری دی دوکان اتے پیئی جاندے اس نوں وی پلا جاندے جو کہ اس نے دسویں دی جماعت چھڈّ کے کھولھی سی۔
پروین ہن دسّ کلاساں کرن تو بعد پولیٹیکنک کالج وچّ مکینیکل انجینیئرنگ کرن جا چکا سی۔ اس وچ الگّ الگّ علاقے توں آئے لڑکے-لڑکیاں پڑھائی کردے سن۔ اوہناں وچّ کجھ اس دی جماعت دے ودیارتھی دوست بن گئے سن۔ اس نے اک دوست نوں پچھیا، "کی تیری تیزی دا کی کارن ہے، اس نے مذاق وچّ کیہا، "کالج تو بعد میرے موٹر سائیکل تے چلنا،" پروین جدوں کالج سمیں توں بعد اس نال چل پیا۔ اس دے دوست نے اکانت ستھان اتے جا کے اک پائیپ کڈھیا اک چمکیلے رنگ دے کاغذ اتے کجھ لمبا جیہا رکھ کے لائیٹر نال ہیٹھاں اگّ والی تے اپروں چھوٹے جیہے پائیپ نال دھونئیں دا سوٹا کھچن لگا ۔پروین کدے کدائیں سگرٹاں پی ہی لیندا سی۔ اس دے دوست نے اس نوں وی سوٹا کھچن لئی کیہا پروین نے جدوں سوٹا کھچیا سوٹا کھچدے ہی اس وچّ نواں جوش بھر گیا اس دیاں اکھاں لال ہو گئیاں ۔ پرووین واپس ہوسٹل آ گیا ۔ آؤندے ہی بیڈ اتے لیٹدے اس نوں نیند آ گئی۔ رات نوں اوہ 12 وجے اٹھایا بناں کجھ کھادھے -پیتے کتاب چکّ کے پڑھائی کرن لگا سویر تکّ پڑھائی کردا رہا ۔سویرے اٹھ کے نہا دھوہ کے پھر کالج چلا گیا ۔اج پورا دن اس نوں تیزی محسوس ہو رہی سی، ہن اس نوں ہر مشکل سوال سمجھ آؤن لگا۔
تنّ دن توں بعد پھر اوہ اپنے دوست بلجیت نال اکانت والی تھاں تے نشہ کرن لئی گیا۔ اس دے دوست نے پھر اسے طرحاں کیتا۔ بلجیت پروین نوں نشہ کرا کے پچھن لگا، "کہ تیری کوئی گرلپھرینڈ ہے؟" بلجیت نے کیہا، "میری تے ہے اک، اوہ کالج وچّ باؤلونجی کردی ہے میرے نال دے پنڈ دی ہے، کدی کدائی مے اس نال نشہ وی کر لیندا ہاں، اوہ ٹائم کڈھ کے مینوں مل جاندی ہے۔اگر تیری گرلپھرینڈ نہیں ہے اوہ تیری وی گرلپھریڈ انتظام کر دؤ ۔"
یادوندر دے گوانڈھ وچّ رہندی اک لڑکی جس دا ناں سنیتا سی ۔اوہ اس دی دوکان تے کدے کدائی آ جاندی۔ اوہ اس نال میل ملاپ کر لیدی۔ اس سمیں اوہ اپنے گوانڈھ وچّ ہر اک ویکتی دی مدد کرن لئی تیار رہندا سی ۔اوہ ہر اک دا حرمن پیارا سی۔ سبھ اس نوں بہت ودھیا ویکتی سمجھ دے سن۔ اک دن یادوندر نوں پووین موٹر سائکل اتے بٹھا لے گیا ۔اچانک اوہناں نوں راستے وچّ سائکل اتے آؤدا روہت مل گیا ۔روہت اپنا سائکل دوکان تے کھڑا کرکے اوہناں نال چلا گیا ۔اوہ اس نوں وی اکانت والی تھاں اتے لے گئے۔ تنّ دوست گلاں کرن لگے۔ پووین نے سگرٹاں دی ڈبی کڈھی۔ اک سگریٹ یادوندر نوں دے دتی اک روہت ولّ ودھائی روہت نے کیہا، "مے نہیں اس نوں پیندا۔" گلاں کردے -کردے پروین نے کیہا، "میرے کول دوجا وی ہے، اک دن سوٹا کھچّ کے دو -تنّ دن جس طرحاں مرضی کم کری جاوو تھکاوٹ نہیں ہندیں، یادوندر اج توں وی سوٹا کھچّ کے ویکھ کداں گڈی امبراں تے چڑھدی ہے"۔ یادوندر نے جدوں سوٹا کھچیا اس نے کیہا، "میں بھنگ تے سگرٹاں وچّ بھرکے پی لیندا ہاں ،پر اج ایہہ وی پی کے ویکھ لیدا ہاں" ۔روہت نے کیہا، "یار تسیں ایہہ کی کرن لگّ پئے، تہانوں پتہ نہیں، نشے زندگی تباہ کر دندے ہن"۔تنو دوست اپنے-اپنے گھر واپس آ گئے۔
ہن پروین جدوں دوجے دن واپس اپنی جماعت گیا تاں بلجیت نے کیہا، "مے تیرا کم کر دتا ہے، میری والی گرلپھریڈ منپریت دی اک سہیلی ہے، تیرے بارے گلّ ہو گئی ہے اج شام نوں ساڈے نال جان لئی تیار رہیں، پر اوہ کدے کدائی گولیاں-گولیا کھا لیندی ہے، کوریکس دی ساری دی ساری شیشی پی لیندی ہے، ساڈے لئی تاں اداں دیاں کڑیاں ٹھیک نے، نہیں تے کہن گیاں، ایہہ تسیں کہ کردے ہو" ۔ شام ویلے اک دوجے نوں فون کر کے گیٹ تے آ گئے منپریت نے لولی ناں دی کڑی نوں بلایا۔ پہلاں اکانت والی تھاں اتے بلجیت پروین نوں چھڈّ آئیاں۔ پھر اوہ منپریت تے لولی نوں لے کے پووین کول چلا گیا اس نے موٹر سائیکل جھاڑیاں دے اہلے کھڑھا کیتا۔ چارے دوستاں نے خوب نشہ کیتا پھر اوہ اپنی اپنی گرلپھرینڈ نوں لے کے وکھ ہو گئے۔ اوہناں نے بڑی موج مستی کیتی۔اس تو بعد بلجیت نے دوواں نوں اپنے اپنے پنڈ والی بسّ چڑھا دتا۔اوہ پھر پروین نوں ہوسٹل وچّ چھڈّ کے اپنے پنڈ چلا گیا ۔
ہن اپنی ماں تو جھوٹھ بول کے پیسے لے آؤندا اتے نشہ ویچن والیاں دی بھال کردا جو کہ اس نوں اسانی نال مل جاندے۔اوہ اپنے پیسیاں نال سمگلراں تو نشہ منگوا لیندا جو کہ اس نوں بڑی آسانی نال مل جاندا۔پروین کئی وار یادوندر نوں وی نشہ کروا جاندا تے خوب کالج دیاں گلاں دسدا۔پروین نوں جے اک نشہ نہ ملے تاں کوئی ہور نواں نشہ کردا اتے یادوندر نوں وی کروا جاندا ۔ اتھوں تکّ کہ اوہ چٹا پانی وچ گھول کے انجکیشن لاؤدا۔
کالج دا اک سال بیت گیا۔ پروین نے نشے وچ لکھاں روپئے نشیاں وچّ اڈا دتے ۔اس دی ماں وی ہن اس دا یقین نہی کردی سی۔یادوندر دے گوانڈھ وچّ اک امیر گھر دا لڑکا ٹونی، یادوندر دی دوکان تے آؤندا جادا رہندا سی۔اوہ مندبدھی کرکے گھٹّ بولدا سی ۔اوہ ہر کسے دی گلّ ہاو-بھاوَ نال سمجھدا تے سمجھاؤندا سی اتے اوہ اپنے گھروں چاہ بنی ہوئی یادوندر نوں پلا دندا تے کجھ ودھیا بنیا ہندا تاں لے جا کے دوکان تے بیٹھ اکٹھے کھاندے۔
اک رات دی گلّ ہے پرووین اپنی نس وچ نشے دا انزیکشن لگا رہا سی کہ ہوسٹل دے وارڈن نے پھڑ لیا تے اس دی شکایت کر دتی۔ اس دے ہوسٹل دے کمرے دی چیکنگ ہوئی تاں اتھوں کافی ماترا وچّ نشے دیا گولیا، ٹیکے ، کوکین آدی برآمد ہویا ۔ اس نوں کالج وچو کڈھ دتا گیا، اوہ ہن آوارہ ہو گیا ۔
کئی دناں بعد پروین ہن یادورندر کول آیا۔ اپنی لاچاری بارے دسیا کیہا، "مینوں بہت زیادہ پیسے دی تنگی آ چکی ہے، میری مدد کر"۔ اس نے سارا حالَ اپنا دسیا۔ یادوندر نے کیہا، "میرے کول ساڈے دوناں دا حلّ ہے، اک طریقہ ہے،" یادوندر نے کیہا، "میرے کول ٹونی ناں دا لڑکا آؤندا ہے، جس دا باپو انگلینڈ تو آیا ہے، اگر اسیں اس دی کڈنیپنگ کر لئیے تاں سانوں موٹی رقم مل جائیگی"۔اوہناں نے اس نوں چکنّ دی پلیننگ کر لئی۔ اگلے دن پروین یادوندر دی دوکان اتے آیا۔اوہ ٹونی دے آؤن دا انتظار کرن لگے۔جدوں ٹونی دوکان تے آ بیٹھا تاں یادوندر نے کیہا، "ٹونی آپاں گھم کے آؤندے ہاں، توں اس دے موٹر سائیکل تے بیٹھ جا تسیں چلو، میں اپنے موٹر سائیکل تے تہاڈیں مگر آؤندا ہاں"۔ ٹونی پروین نوں نہیں جاندا سی۔ اوہ یادوندر دے کہن تے اس نال بیٹھ گیا۔اوہ گلاں کردے- کردے اتھوں چلے گئے۔اوہ اس نوں موٹر اتے کھیتاں وچّ لے گیا۔یادوندر اپنے موٹر سائیکل اتے اپنی پہچان بدل اتھے پجا۔اس نے منہ تے کپڑا بنھ لیا ۔چوری کیتی ہوئی سم توں یادوندر نے اس دے پتا نوں فون کیتا۔اس نے 5 لکھ دی پھروتی منگی اتے پیسے رکھن دی جگہ دسی۔ہن ٹونی دا سارا پریوار پاگلاں وانگ ہو گیا ۔اوہ وار وار فون لگاؤندے پر سم اوہناں نے کڈھ دتی سی ٹونی دے باپو نوں پیسے رکھن دی تھاں نہی لبھی۔ساری رات اسدا پتا ٹونی دی بھال کردا رہا۔اوہناں نوں کڈنیپنگ کرن والیااں دا کوئی سراغ نہ ملیا۔
ہن ادھر ٹونی یادوندر اتے پروین اتے بھاری پے رہا سی۔ٹونی اوہناں تو بھجن دی کوشش کر رہا سی کی یادوندر دے منہ تو کپڑا لہہ گیا۔ ٹونی دھمکی دین لگا کہ میں اپنی ممی ڈیڈی نوں دسنا کہ توں میننوں اتھے لے کے آیا ایں ۔یادوندر ہن پوری طرحاں نال ڈر چکا سی پروین اتے یادوندر نے اس نوں مارن دا فیصلہ کر لیا ۔پروین نے اپنے موٹر سائکل دی کلچّ دی تار کڈھی ٹونی دا گل گھٹّ کے مار دتا ۔پھر کہیں چکّ کے اس نوں کھیت وچّ دب دتا ۔پروین اتے یادوندر اپنے اپنے گھر آ گئے سی۔
اگلے دن اس دے پتا نے پولیس کول رپورٹ لکھائی بریکی نال پڑتال کرن تے اس دے پتا نوں کسے لڑکے تو پتہ لگا کہ اوہ یادوندر دی دوکان تے بیٹھا سی اس نے ایہہ گلّ پولیس نوں دسی۔پولیس نے اس رات یادوندر تو تھانے 'چ پچھگچھّ کیتی پر یادوندر نے کیہا، "میرے کول بیٹھا تاں سی، پر اوہ چلا گیا، مینوں کی پتہ اوہ کتھے گیا"۔پولیس نے اس دا موبائل نمبر گپت روپ وچّ لیا ہویا سی ۔
پولیس نے اس نوں چھڈّ دتا۔اوہ تھانے تو آؤدا ہی اپنے گھر دے چوبارے تے چڑھ کے پروین نوں فون کرکے کہن لگا، "مینوں تا پولیس نے چھڈّ دتا مے کجھ نہیں دسیا، توں کتے دور 5-6 دناں لئی چلا جا، معاملہ آپے شانت ہو جاؤ"۔یادوندر نے حالے فون بند ہی کیتا سی کی پولیس نے اس نوں پوڑیاں توں ہیٹھاں وی نہیں آؤن دتا تے اس نوں گرفتار کر لیا۔ پولیس نے اس دے فون دی رکارڈنگ لگا رکھی سی اتے پروین نوں وی پھڑ لیا ۔
پولیس لاش والی تھاں تے یادوندر تے پروین نوں لے آئی، لاش 3 دن بیت جان کرکے بدبو مار رہی سی۔ دوواں دے پنڈاں وچّ ہنگامہ مچیا ہویا سی۔لوک تھانے دے باہر ٹولیاں بنا کے پردرشن کر رہے سن۔جدوں یادوندر اتے پووین نوں جیل لئی گڈی وچّ بیٹھاؤن لگے تاں یادوندر دے آس-پاس دے لوکاں نے طعنے دینے شروع کر دتے، "جیکر تینوں پیسے دی لوڑ سی تاں توں سانوں دسدا، تینوں اس بھولے نوں مار کی ملیا،" لوک پیسے لے کے اگے کر رہے سن۔
شرمندہ ہویا یادوندر لوکاں ولّ نظر نہیں اٹھا رہا سی جدوں اس نے اک وار دور نظر ماری تاں اس دا دوست روہت سائکل اتے کھڑھا سبھ دیکھ رہا سی اتے روہت سوچ رہا سی کہ نشہ کداں دی چیز ہے، جو انسان توں شیطان بنا دندا ہے ۔
