میری اچھا تیری اچھا سندیپ کمار
اجیہا گورا، اچا، جوان منڈا؛ انا منّ لؤ 20-25 لوکاں دے کول کھڑا ہووے تاں وکھرا ہی نظر آ جاوے۔ جسونت دا من پڑھائی وچّ گھٹّ، اسدا تاں دھیان صرف فٹ بال کھیڈن وچّ ہی لگدا سی ۔اس دے پنڈ وچّ لوک فٹ بال نوں ہی پہل دندے سن ۔ اوہ کدے-کدے کالجاں دے ولوں سٹیٹ لیول اتے کھیڈن جاندا۔
اس نوں شہر وچّ ہردیپ ناں دا اک ویکتی ملیا ۔ اس نوں کہن لگا، "جسونت توں پڑھھائی اتے دھیان دتی کدے،" جسونت نے اگوں عجت نال کیہا، "چاچا جیکر مے پڑھائی وچّ زیادہ چنگا نہیں ہاں تاں میری پڑھائی انی گھٹّ وی نہیں ہے ، تسیں میرا کدے فٹ بال دا میچ ویکھیا نہی ہووےگا ۔" ہردیپ نے کیہا، "اجیہی گلّ نہیں ہے، اسیں کئی وار تیرا میچ ویکھیا ہے، تیرے اگے تاں دس کھڈاری نہیں ٹکدے، توں تاں میدان وچّ دوسری ٹیم دے چھکے چھڈا دندا ایں، میں کئی وار ویکھیا ہے ۔
ہن جسونت 12ویں جماعت پاس کر چکیا سی۔شہر دے کالج وچّ داخل ہو چکیا سی۔شہر دے ٹورنامینٹ وچّ بھاگ لیندا، اوہناں دی ٹیم پہلا ستھان حاصل کر لیندی۔پتا سرکاری سکول وچّ ادھیاپک سی۔اک دن اچانک اس دے پتا دی سڑک حادثے وچّ موت ہو گئی۔ہن جسبنت اتے اسدی ماں اکلے رہِ گئے۔جسبنت نے پڑھائی چھڈّ دتی۔اوہ گھر رہن لگا اتے اپنے کھیتاں دی دیکھبھال کرن لگا۔
مہک ناں دی کڑی اکثر اوہناں دے گھر آؤندی جاندی سی۔گوانڈھی ہون دے کارن کدے - کدے تھوڑہیاں بہت چیزاں منگ کے لے جاندی۔مہک جسبنت دی ماں دے نال کھیتی دا کم کروا جاندی ۔ اوہناں دے کھیتاں وچّ امب دے لگبھگّ دس درخت کھڑے سن۔جدوں موسم آؤندا اوہ امب دے کھڑے درکھتاں نوں وپاری نوں ویچ دندے ۔جنہاں دی آمدنی نال گھر دا گزارا چنگا چلدا ۔
اک دن جسبنت کسے متر دے ویاہ وچّ گیا سی۔اسدے دوستاں نے اس دے منع کرن تے وی اک دو پیگ شراب دے لوا دتے۔جسبنت نے اس دن پہلی وار شراب پیتی سی۔کجھ سماں اتھے گزارن تو بعد،اوہ رات ہندے ہی گھر واپس پرط آیا اتے جدوں اوہ سویرے اٹھیا، اسدا سر بہت زیادہ درد کرن لگا۔اسنے اپنے آپ نوں کیہا، "شراب کنی بری چیز ہے، پی لؤ تاں آرام، جدوں اتر جاوے تاں آدمی بے چین کردی ہے ۔"
مہک نے بی.اے. پاس کر لئی۔ پر اس نے کوئی نوکری نہیں کیتی۔ جسبنت دے پنڈ مہک دی رشتے داری ہون کرکے چھٹیاں دا زیادہ سماں جسبنت دے پنڈ گزاردی۔ہن اوہ جسبنت دے گھر زیادہ-آؤن جان لگی۔جسبنت اتے مہک جدوں اک دوجے نوں ویکھدے، اوہناں وچّ پیار کرن دی اچھا جاگ پیندی اتے مہک کجھ کہے بناں ہی اپنے گھر مڑ آؤندی۔
اک دن جسبنت دی ماں گوانڈھ گھر وچّ گئی ہوئی سی۔اوہناں دی کھلھم-کھلھا ملاقات ہو گئی ۔ اس دن دے بعد مہک اس نوں جدو وی ملدی کہندی، "جسبنت ویاہ تاں مے تیری نال ہی کراوانگی، میں بہت زیادہ پیار کردی ہاں تینوں ۔" ہولی-ہولی اوہناں دا پیار ساریاں حداں پار کرن لگا۔ اک سماں اجیہا آیا،اوہناں دے پیار دیاں گلاں پنڈ دے لوک کرن لگے۔جسبنت دی ماں نوں وی پتہ چل گیا۔اسدی ماں نے جسبنت نوں کیہا، "پنڈ وچّ تیرے پتا دی کنی عجت ہے، جیکر توں اوہ کڑی دے نال ویاہ کریگا، اوہ اک غریب گھر دی کڑی ہے ، اتے توں اپنے پتا دے بارے وچّ سوچ اوہناں دی کنی عجت سی، میں تیرا ویاہ امیر گھر وچّ ہی کرانگی، میری ایہہ اچھا ہے توں اس کڑی نال ویاہ نہیں کرینگا، تینوں تاں کوئی وی کڑی دے دیویگا ۔" ایہہ گلّ سن کے جسبنت سوچ وچّ پے گیا....
ادھر ماہک نے وی اپنی ماں نوں کہہ دتا، "میں ویاہ کرانگی تاں صرف جسبنت نال ہی، نہیں تے جان دے دیوانگی ۔" مہک نے ماں نوں تاں مناں لیا پر اوہ اپنے پتا نوں تے بھرا نوں نہیں منا سکی۔ اوہناں دے گھر وچّ لڑائی دا ماحول بن گیا۔ مہک دی ماں نے پتا نوں تاں منا لیا پر بھرا نوں نہیں منا سکی ۔ایہہ ساریاں گلاں اس نے جا کے دوجے دن جسبنت نوں دسیاں ۔جسبنت نے ساری گلّ سنکے اک ہی گلّ کہی، "میری ماں دی اچھا ہے ساڈا ویاہ نہیں ہو سکدا ۔"
مہک بناں کجھ بولے واپس آ گئی۔اوہ سوچدی رہِ گئی کہ جسبنت اسنوں کویں دھوکھا دے سکدا ہے۔اسدی ماں نے تاں میرے نال اجیہی کدے کوئی گلّ نہی کیتی۔ مہک اداس رہن لگی ۔ اس نے پتا نوں کیہا، "جتھیں تسی چاہندے ہو اتھے ویاہ کر دیوو میرا ۔""
کجھ سمیں بعد مہک اوہناں دے گھر آؤنوں بند ہو گئی، جسبنت اتے اسدی ماں دے وچّ چھوٹی موٹی گلّ اتے تکرار ہون لگی۔
مہک دے پتا دے کہن اتے رشتے داراں نے مہک دا ویاہ کر دتا۔جسبنت دی ماں نوں تاں پتہ سی کہ مہک دا ویاہ کرن جا رہے ہن۔پر جسبنت نوں ایہہ گلّ پتہ نہیں لگی۔جسبنت دی ماں نے ویاہ توں پہلاں ہی اس نوں باہر بھیج دتا۔جسبنت سوچ وی نہیں سکدا سی، مہک اجیہا فیصلہ لے سکدی ہے۔جسبنت دے من وچّ سی، مہک آپے میری ماں نوں منا لویگی۔
جدوں جسبنت نوں مہک دے ویاہ دی گلّ پتہ چلی، اوہ بری طرحاں ٹٹّ گیا۔اوہ ہن گھروں باہر رہن لگا۔اپنے دوستاں نوں مہک دیاں گلاں دسدا۔ اوہ ہولی-ہولی خوب نشہ کرن لگا، مہک نوں بھلاؤن لئی۔ اس کول شراب خریدن لئی جدو کدے پیسیاں دی تنگی ہندی اک-اک کرکے کھیت وی گہنے رکھ دندا۔اوہناں پیسیاں دا نشہ کر لیندا۔اس دی نشے دی عادت ودھ چکی سی۔اس نوں کدے-کدے پنڈ دے لوک اسدی خراب حالت ہون دے کارن، نشے دی حالت وچّ ہسپتال وچّ لے جاندے۔ اوہ دوائیاں نال ٹھیک تاں ہو جاندا، پرنتو پھر نشہ لے لیندا۔ اوہ ہن سمیں دے نال، غریب ہو گیا۔اسدی ماں وی بڈھی ہو گئی۔ اوہ اس دی حالت ویکھ کے بیمار رہن لگی۔اک دن اسدی ماں وی مر گئی۔ جسبنت اپنی ماں دی جلدی چتا دے کول بیٹھا کہہ رہا سی، "ماں، ایہہ تیری اچھا سی، توں اس کڑی نال ویاہ نہیں کرینگا، ماں، ایہہ میری اچھا سی، کہ میں اس کڑی نال ہی ویاہ کراں گا ۔"
جسبنت اپنی ماں دا سسکار کر چکیا سی۔ ہن جسبنت اتے بوتل گھر وچّ دوویں رہِ گئے.....
مہک اسدا اک خواب ہی بن کے رہِ گئی....
