Bhagwat Prasad Sathe ਭਗਵਤ ਪ੍ਰਸਾਦ ਸਾਠੇ

ਸ੍ਰੀ ਭਗਵਤ ਪ੍ਰਸਾਦ ਸਾਠੇ (1910 ਈ. ਤੋਂ 8 ਮਈ 1973 ਈ.) ਡੋਗਰੀ ਦੇ ਪਹਿਲੇ ਕਹਾਣੀਕਾਰ ਹਨ । ਇਨ੍ਹਾਂ ਦਾ ਪਹਿਲਾ ਕਹਾਣੀ ਸੰਗ੍ਰਹਿ 'ਪਹਿਲਾ ਫੁੱਲ' 1947 ਵਿਚ ਛਪਿਆ । ਇਸ ਕਿਤਾਬ ਨਾਲ ਹੀ ਡੋਗਰੀ ਸਾਹਿਤ ਦਾ ਮੁੱਢ ਬੱਝਾ ।
ਸ੍ਰੀ ਸਾਠੇ ਹੋਰਾਂ ਦੀਆਂ ਕਹਾਣੀਆਂ 'ਚ ਡੋਗਰਾ, ਪਹਾੜੀ ਜੀਵਨ ਦੀਆਂ ਅਸਲ ਝਲਕੀਆਂ ਉਲੀਕੀਆਂ ਹੋਈਆਂ ਹਨ । ਸਮਾਜ ਦੀਆਂ ਅਨੇਕਾਂ ਬੁਰਿਆਈਆਂ ਉਹਨਾਂ ਦੀਆਂ ਕਹਾਣੀਆਂ 'ਚ ਉਭਰੀਆਂ ਹੋਈਆਂ ਹਨ । ਬੋਲੀ ਦਾ ਬਾਂਕਾਪਣ, ਪਾਤਰਾਂ ਦਾ ਚਿਤਰਣ, ਰੌਚਿਕਤਾ, ਮਿਠਾਸ ਸਾਠੇ ਜੀ ਦੀਆਂ ਕਹਾਣੀਆਂ ਦੇ ਵਿਸ਼ੇਸ਼ ਗੁਣ ਹਨ । ਡੋਗਰੀ ਤੋਂ ਬਿਨਾ ਸਾਠੇ ਜੀ ਹਿੰਦੀ ਵਿਚ ਭੀ ਲਿਖਦੇ ਸਨ ਤੇ ਉਹਨਾਂ ਕਈ ਕਿਤਾਬਾਂ ਦਾ ਡੋਗਰੀ ਵਿਚ ਉਲਥਾ ਵੀ ਕੀਤਾ ।
ਇਨ੍ਹਾਂ ਦੀਆਂ ਛਪੀਆਂ ਕਿਤਾਬਾਂ : 1) ਪਹਿਲਾ ਫੁੱਲ (ਕਹਾਣੀਆਂ), 2) ਖਾਲੀ ਗੋਦ (ਕਹਾਣੀਆਂ), 3) ਗੋਦਾਨ (ਅਨੁਵਾਦ), 4) ਮ੍ਰਿਗ ਨੈਣੀ (ਅਨੁਵਾਦ).