Harpreet Singh Kahlon

ਹਰਪ੍ਰੀਤ ਸਿੰਘ ਕਾਹਲੋਂ

ਹਰਪ੍ਰੀਤ ਸਿੰਘ ਕਾਹਲੋਂ (14-ਅਕਤੂਬਰ-1987-) ਨੇ 2009 ਵਿਚ ਆਕਾਸ਼ਵਾਣੀ ਪਟਿਆਲਾ ਤੋਂ ਬਤੌਰ ਅਨਾਉਂਸਰ ਪੱਤਰਕਾਰੀ ਸ਼ੁਰੂ ਕੀਤੀ ਸੀ। ਇਸ ਤੋਂ ਬਾਅਦ ਨੋਇਡਾ ਵਿਖੇ ਸਾਡਾ ਚੈਨਲ, ਡੇਲੀ ਪੋਸਟ, ਦੀ ਸੰਡੇ ਇੰਡੀਅਨ, FM 90.4 ਅਵਤਾਰ ਕਮਿਊਨਿਟੀ ਰੇਡੀਓ ਸੀਚੇਵਾਲ (ਇਹ ਪੰਜਾਬ ਦੇ ਪਿੰਡਾਂ ਵਿੱਚੋਂ ਚੱਲਣ ਵਾਲਾ ਪਹਿਲਾ ਰੇਡੀਓ ਹੈ। ਇਸ ਰੇਡੀਓ ਦੇ ਪਹਿਲੇ ਸਟੇਸ਼ਨ ਡਾਇਰੈਕਟਰ ਹਰਪ੍ਰੀਤ ਸਿੰਘ ਕਾਹਲੋਂ ਸਨ।) ਅਤੇ ਹਰਮਨ ਰੇਡੀਓ ਆਸਟ੍ਰੇਲੀਆ ਵਿਖੇ ਆਪਣੀਆਂ ਸੇਵਾਵਾਂ ਦਿੱਤੀਆਂ। ਹਰਪ੍ਰੀਤ ਸਿੰਘ ਕਾਹਲੋਂ 2017 ਤੋਂ ਜਗਬਾਣੀ ਅਦਾਰੇ ਨਾਲ ਜੁੜੇ ਹੋਏ ਹਨ। ਸਾਂਝਾ ਪੰਜਾਬ, ਪੰਜਾਬੀ ਵਿਰਾਸਤ ਅਤੇ ਸਭਿਆਚਾਰ, ਕਰਤਾਰਪੁਰ ਕੋਰੀਡੋਰ, 1947, ਪੰਜਾਬੀ ਮਾਂ ਬੋਲੀ, ਪੰਜਾਬੀ ਡਾਇਸਪੋਰਾ, ਪੰਜਾਬੀ ਸਮਾਜ, ਤੇਜ਼ਾਬੀ ਹਮਲਿਆਂ ਦੀ ਪਿੱਠ ਭੂਮੀ ਅਤੇ ਪੇਂਡੂ ਪੱਤਰਕਾਰੀ ਉਨ੍ਹਾਂ ਦਾ ਕਾਰਜ ਖੇਤਰ ਹੈ। 100 ਸਾਲਾਂ ਜਲ੍ਹਿਆਂਵਾਲਾ ਬਾਗ, 550 ਸਾਲਾ ਗੁਰੂ ਨਾਨਕ ਦੇਵ ਜੀ ਗੁਰਪੁਰਬ, ਪੰਜਾਬੀ ਮਾਂ ਬੋਲੀ ਅਤੇ ਕਰਤਾਰਪੁਰ ਕੋਰੀਡੋਰ ਹਰਪ੍ਰੀਤ ਸਿੰਘ ਕਾਹਲੋਂ ਦੇ ਹਾਲ ਹੀ ਦੇ ਵਿਚ ਕੀਤੇ ਹੋਏ ਕਾਰਜ ਖੇਤਰ ਹਨ। ਹਰਪ੍ਰੀਤ ਸਿੰਘ ਕਾਹਲੋਂ ਦਾ ਮੰਨਣਾ ਹੈ ਕੇ ਚਲੰਤ ਮਸਲਿਆਂ ਤੋਂ ਇਲਾਵਾ ਹਾਸ਼ੀਏ ਤੇ ਪਈ ਗੁਮਨਾਮ ਜਮੀਨ ਦੀ ਪੱਤਰਕਾਰੀ ਕਰਨੀ ਜ਼ਰੂਰੀ ਹੈ। ਪੱਤਰਕਾਰੀ ਸਿਰਫ ਸਮੇਂ ਦੀ ਨੰਬਰ ਖੇਡ ਨਹੀਂ ਹੈ। ਇਹ ਤੁਹਾਡਾ ਐਡੀਟੋਰੀਅਲ ਹੈਰੀਟੇਜ ਹੈ। ਸੋ ਜ਼ਰੂਰੀ ਹੈ ਕਿ ਨਫ਼ਰਤ ਅਤੇ ਉਦਾਸੀ ਦੇ ਦੌਰ ਅੰਦਰ ਉਮੀਦ ਦੀ ਪੱਤਰਕਾਰੀ ਅਤੇ ਮਨੁਖੀ ਜਜ਼ਬਾਤ ਨੂੰ ਹਰਫ਼ ਦਿੱਤੇ ਜਾਣ । ਅੱਜ ਕੱਲ੍ਹ ਉਹ 'ਦੀ ਅਨਮਿਊਟ' ਚੈਨਲ ਦੇ ਸਿਨੀਅਰ ਐਗਜ਼ੀਕਿਊਟਿਵ ਐਡੀਟਰ ਹਨ।