اپندر ناتھ اشک Upendranath Ashk

اپندر ناتھ اشک (1910–1996) دا جنم جالندھر وچ ہویا۔ اوہناں دے پتا سٹیشن ماسٹر سن اتے ماتا دھارمک وچاراں اتے بڑے پختہ ارادے والی سی۔ ڈی.اے.وی. کالج، جالندھر توں ایہناں نے بی.اے. دی ڈگری پراپت کیتی۔ ایہناں نے اپنا ساہتک جیون اردو غزل نال شروع کیتا، اتے بعد وچ کہانیاں، ڈرامے اتے ناول لکھدے رہے۔ اردو وچ 1926 توں لکھنا شروع کرن توں بعد ایہناں نے 1936 توں ہندی وچ وی لکھنا شروع کر دتا اتے بعد وچ بہتا ہندی وچ ہی لکھدے رہے۔ اشک نے 1927 وچ افسانہ ‘ڈاچی’ لکھیا جو بہت مشہور ہویا۔ 1945-46 وچ ایہہ فلمی دنیا نال وی جڑے رہے۔ منٹو دے مرن اپرنت ایہناں نے 1955 وچ جہڑا لیکھ لکھیا، اس دا سرلیکھ سی ‘منٹو میرا دشمن’۔ اوہ ادب برائے ادب دی بجاے ادب برائے سماج دے حامی سن۔