Simran Dhaliwal ਸਿਮਰਨ ਧਾਲੀਵਾਲ

ਸਿਮਰਨ ਧਾਲੀਵਾਲ (8 ਜਨਵਰੀ 1986-) ਦਾ ਜਨਮ ਪੱਟੀ ਜ਼ਿਲ੍ਹਾ ਤਰਨਤਾਰਨ ਵਿੱਚ ਪਿਤਾ ਸ੍ਰ. ਹਰਭਜਨ ਸਿੰਘ ਅਤੇ ਮਾਤਾ ਰਜਿੰਦਰ ਕੌਰ ਦੇ ਘਰ ਹੋਇਆ। ਉਨ੍ਹਾਂ ਦੀ ਵਿਦਿਅਕ ਯੋਗਤਾ ਐਮ.ਏ. (ਪੰਜਾਬੀ), ਬੀ.ਐਡ., ਯੂ.ਜੀ.ਸੀ. (ਨੈੱਟ) ਹੈ ਅਤੇ ਕਿੱਤੇ ਵਜੋਂ ਉਹ ਕਾਲਜ ਅਧਿਆਪਕ ਹਨ।

ਉਨ੍ਹਾਂ ਦੀਆਂ ਪ੍ਰਮੁੱਖ ਰਚਨਾਵਾਂ ਵਿੱਚ ਆਸ ਅਜੇ ਬਾਕੀ ਹੈ, ਉਸ ਪਲ (ਪੰਜਾਬੀ ਅਤੇ ਅੰਗਰੇਜ਼ੀ ਦੋਨਾਂ ਭਾਸ਼ਾਵਾਂ ਵਿੱਚ), ਘੋਰਕੰਡੇ (ਕਹਾਣੀ ਸੰਗ੍ਰਹਿ), ਸੱਤ ਪਰੀਆਂ, ਸਫੈਦ ਭਰੀ ਤੇ ਪੰਛੀ, ਪੁਰਾਣੇ ਖੂਹ ਵਾਲਾ ਦੈਂਤ (ਬਾਲ ਕਹਾਣੀ ਸੰਗ੍ਰਹਿ), ਅਤੇ ਸਿੱਖ ਸ਼ਖ਼ਸੀਅਤ ਤੇ ਗੁਰਬਾਣੀ ਅਧਿਐਨ (ਖੋਜ ਕਾਰਜ) ਸ਼ਾਮਲ ਹਨ।

ਉਨ੍ਹਾਂ ਨੂੰ ਆਸ ਅਜੇ ਬਾਕੀ ਹੈ ਕਹਾਣੀ ਸੰਗ੍ਰਹਿ ਉਪਰ ਭਾਰਤੀ ਸਾਹਿਤ ਅਕਾਦਮੀ ਯੁਵਾ ਪੁਰਸਕਾਰ ਅਤੇ ਉਸ ਪਲ ਕਹਾਣੀ ਸੰਗ੍ਰਹਿ ਉਪਰ ਢਾਹਾਂ ਸਾਹਿਤ ਪੁਰਸਕਾਰ (ਕੈਨੇਡਾ) ਨਾਲ ਸਨਮਾਨਿਤ ਕੀਤਾ ਗਿਆ ਹੈ। ਉਨ੍ਹਾਂ ਦੀਆਂ ਕਈ ਰਚਨਾਵਾਂ ਸੰਪਾਦਿਤ ਕਹਾਣੀ ਸੰਗ੍ਰਹਿਆਂ ਵਿੱਚ ਸ਼ਾਮਲ ਕੀਤੀਆਂ ਗਈਆਂ ਹਨ ਅਤੇ ਕਈ ਕਹਾਣੀਆਂ ਦਾ ਨਾਟਕੀ ਰੂਪਾਂਤਰਨ ਵੀ ਹੋ ਚੁੱਕਾ ਹੈ। ਉਨ੍ਹਾਂ ਦੀ ਕਹਾਣੀ ‘ਹੁਣ ਮੈਂ ਝੂਠ ਨਹੀਂ ਬੋਲਦਾ’ ਉਪਰ ਲਘੂ ਫਿਲਮ ਵੀ ਬਣੀ ਹੈ।