نانک سنگھ
نانک سنگھ (4 جولائی 1897–28 دسمبر 1971) دا جنم پنڈ چکّ حمید، ضلع جہلم (ہن پاکستان) وچّ سری بہادر چند سوری دے گھر ماتا لچھمی دی ککھوں ہویا۔ اوہناں دا پہلا ناں ہنس راج سی، پچھوں اوہ گرنتھی باغ سنگھ دی پریرنا نال ہنس راج توں نانک سنگھ بن گئے۔ چھیویں جماعت وچّ پڑھدے سمیں اوہناں دے پتا جی دا سایہ سر “تے نہ رہا اتے پڑھائی ادھوری چھڈّ کے روٹی-روزی کماؤن لگّ پئے۔ اوہناں حلوائی دی دوکان “تے بھانڈے مانجے اتے میلیاں وچّ قلفیاں وی ویچیاں۔ 1911 وچّ چھپیا اوہناں دا پہلا کاوَ-سنگریہہ سیہرفی ہنس راج، بہت حرمن پیارا ہویا۔ اوسدی اک کویتا “خونی وساکھی” وی سی جو کہ زلیاں والے باغ وچ ہوئے خونی ساکے نال سنبندھت سی ۔اوہناں نے اٹھتی ناولاں توں بناں چار کاوَ سنگریہہ، کئی کہانی سنگریہہ، سوے-جیونی یاداں، ترجمے، لیکھ اتے ناٹک وی لکھے۔ اوہناں دیاں رچناواں ہن; کاوَ رچناواں: سیہرفی ہنس راج، ستگور مہما، زخمی دل; کہانی سنگریہہ: ہنجھوآں دے ہار، ٹھنڈیاں چھاواں، سدھراں دے ہار، سنہری جلد، وڈا ڈاکٹر تے ہور کہانیاں، طاس دی عادت، تصویر دے دوویں پاسے، بھوآ، سورگ تے اس دے وارث; ناول: کجھ مکھ ناول ادھ کھڑیا پھلّ، مدھے ہوئے پھلّ، چترکار، چٹا لہو، گگن دمامہ باجیو، غریب دی دنیاں، اک میان دو تلواراں، کٹی ہوئی پتنگ، کوئی ہریا بوٹ رہیو ری، مٹھا مہرا، پوتر پاپی آدی; ہور رچناواں وچ میری دنیاں، میری جیون کہانی (آتمکتھا)، میریاں سدیوی یاداں شامل ہن ۔اوہناں نوں “اک میان دو تلواراں” لئی ساہت اکادمی پرسکار ملیا اتے پوتر پاپی تے ادھارت ہندی فلم وی بنی۔
